Headlines:

ការ​ជួញ​ដូរ មាស​ជិត​ដល់​តម្លៃ​ខ្ពស់​បំផុត



Gold

មាស​ ត្រូវ​បាន​ជួញ​ដូរ​​ជិត​ដល់​តម្លៃ​ខ្ពស់​បំផុត​ក្នុង​រយៈ​ពេល​បី​សប្តាហ៍ ដោយ​សារ​ក្រុម​វិនិយោគិន ផ្តល់​លើ​ការ​ជជែក​ដេញ​ដោល​ពី​គម្រោង​ថវិកា​របស់​អាមេរិក និង​បន្ទាប់​ពី​មាន​ទិន្នន័យ​បង្ហាញ​ថា សេដ្ឋកិច្ច​របស់​ជប៉ុន បាន​ធ្លាក់​ចុះ​នៅ​ត្រីមាស​ទី​បី​។ ប្រាក់ ក៏​បាន​ឡើង​ថ្លៃជិត​ដល់​តម្លៃ​ខ្ពស់​បំផុតក្នុង​រយៈ​ពេល​៣​សប្តាហ៍​​ផង​ដែរ​។

តម្លៃមាស​សម្រាប់​ចែក​ចាយ​ភ្លាមៗ បាន​កើន​ឡើង ០,៣​ភាគ​រយ ដល់ ១ ៧៣៦,៧៥​ដុល្លារ​ក្នុង​មួយ​អោន (៨,៣​ជី) និង​មាន​តម្លៃ ១៧៣៥,៥​ដុល្លារ​នៅម៉ោង ២ និង​៥​នាទី​រសៀល នៅ​ប្រទេស​សិង្ហបុរី។

តម្លៃ​មាស​ បាន​កើន​ឡើងដល់ ១៧៣៩,០៤​ដុល្លារ​កាល​ពី​សប្តាហ៍​ ពោល​គឺ​ជា​តម្លៃ​ខ្ពស់​បំផុត​គិត​ចាប់​តាំង​ពី​ថ្ងៃ​ទី​១៩ ខែ​តុលាមក។ តម្លៃ​មាស​ដុំ​សម្រាប់​ចែក​ចាយ​នៅ​ខែ​ធ្នូ បាន​កើន​ឡើង ០,៣​ភាគ​រយ ដល់​ ១ ៧៣៦,៨០​ ដុល្លារ​នៅផ្សារ Comex។

ក្រុម​ហ៊ុន Fitch Ratings បាន​ឲ្យ​ដឹង​កាល​ពី​ថ្ងៃ​ទី​៨ ខែ​វិច្ឆិកា​កន្លង​ទៅនេះ​ថា ​ហានិភ័យ ដែល​អាមេរិក អាច​ធ្លាក់​ចូល​ក្នុង​វិបត្តិ​ នឹង​ប៉ះ​ពាល់​ដល់​កំណើន​សេដ្ឋកិច្ច​នៅទូទាំង​ពិភពលោក បើ​សភា​អាមេរិក អនុញ្ញាត​ឲ្យ​មាន​វិបត្តិ​សារពើពន្ធនៃ​ការ​​​​ដំឡើង​ពន្ធ​ដោយ​ស្វ័យ​ប្រវត្តិ និង​កាត់​បន្ថយ​ចំណាយ​នៅ​ឆ្នាំ​ក្រោយ​។

This content has been locked. You can no longer post any comments.
Show/hide comments
busy