Headlines:

ក្រុមPAD លុប​​ចោលព្រឹត្តិការណ៍ខ្លួន គាំទ្រ​ក្រុមការ​ពារ​សៀម



PAD

ក្រុង​បាង​កកៈ សម្ព័នប្រ​ជាជន​ដើម្បី​លទ្ធិ​ប្រជា​ធិបតេយ្យ​(PAD) បាន​លុប​ចោល​​សកម្ម​ភាព​នយោ​បាយ​​របស់​ខ្លួន​​នៅ​ចុង​សប្តាហ៍នៃថ្ងៃ​ទី​២៤-​២៥ វិច្ឆិកា ​ដើម្បី​ទុក​ឲ្យ​ក្រុម​អ្នក​គាំទ្រ​របស់​ខ្លួន​ ចូល​រួម​ការ​ជួប​ជុំ​ប្រឆាំង​រដ្ឋា​ភិបាល​ដែល​រៀប​ចំ​ដោយ​​ក្រុម​ភីតាក់​ស្យ៉ាម (ការពារ​សៀម​)​។

មេដឹក​នាំសំខាន់​របស់​ PAD ឧត្តមសេនីយ៍​ទោ ចំឡង ស្រីមឿង បាន​និយាយ​កាលពី​ថ្ងៃ​ចន្ទ​ថា ក្រុម​មេដឹក​នាំ​​ PAD នឹង​មិន​ចូល​រួម​ការ​ជួប​ជុំ​របស់​ភីតាក់​ស្យ៉ាម​ទេ ប៉ុន្តែ​នឹង​​ផ្តល់​ការ​គាំទ្រ​ខាង​​សីល​ធម៌​វិញ​។

អ្នក​គាំទ្រ​ធម្ម​តា​ អាច​ចូល​រួម​​​​តាម​​ឆន្ទានុ​សិទ្ធិ​របស់​ពួក​គេ ​ព្រោះ​វាជា​សិទ្ធិ​របស់​ពួក​គ េ​ក្រោម​រដ្ឋ​ធម្មនុញ្ញ​។

​ឧត្តម​សេនីយ៍​ទោ ចំឡង បានបញ្ជាក់​បន្ថែម​ថា ជា​ការ​បង្ហាញ​ពី​ការ​គាំទ្រ​ដល់​ ភី​តាក់​ស្យ៉ាម​សមា​ជិក​សំខាន់​ៗ​របស់ PAD បាន​សម្រេច​ចិត្ត​​ លុប​ចោល​សកម្ម​ភាព​នយោ​បាយ​ផ្ទាល់​របស់​ខ្លួន​​សម្រាប់​ចុង​សប្តាហ៍​​នោះ​ ដែលក្នុង​មាន​​​សិក្ខា​សាលា​កំណែ​ទម្រង់​មួយ​នៅ​ខេត្ត​​កញ្ច​នា​បុរី នៅ​ថ្ងៃ​ទី​២៤ វិច្ឆិកា និង​នៅ​ខេត្ត​ពេត​ឆា​បុរី នៅ​​ថ្ងៃ​ទី​២៥ វិច្ឆិកា ដើម្បី​ទុកឲ្យ​ពល​រដ្ឋ​ចូល​រួម​ដោយ​សេរី​នូវ​ការ​ជួប​ជុំ​របស់​ភី​តាក់​ស្យ៉ាម​។ BANGKOK POST

សូមអាន​ព័ត៌មាន​ពិស្តារ​នៅ​ក្នុង​កាសែត​ភ្នំពេញ​ប៉ុស្តិ៍ ភាសារ​ខ្មែរ

This content has been locked. You can no longer post any comments.
Show/hide comments
busy