Headlines:

ក្រសួង​ប្រកាស​ថា​នឹង​មាន​ខ្យល់​បោក​បក់​ខ្លាំង​នៅ​សប្តាហ៍​នេះ



Reuters

ក្រសួង​ធនធាន​ទឹក​និង​ឧតុនិយម​បាន​ប្រកាស នៅ​ថ្ងៃពុធ​នេះ​ថា​ នឹង​មាន​ខ្យល់​បោក​បក់​ខ្លាំង​និង​ភ្លៀង​ធ្លាក់​នៅ​ក្នុង​ខេត្ត​ចំនួន​៧​ នៅ​ក្នុង​ប្រទេស​កម្ពុជា​ចាប់​ពី​ថ្ងៃ​ព្រហស្បត្តិ៍​ដល់​ថ្ងៃ​សៅរ៏​សប្តាហ៏​នេះ។

បន្ទាប់​ពី​បាន​ធ្វើ​ការ​អង្កេត​និង​តាម​ដាន​អាកាសធាតុ​រួច​មក ក្រសួង​ធនធាន​ទឹក​និង​ឧតុនិយម​បាន​ចេញ​សេចក្តី​ប្រកាស​មួយ​ដល់​ប្រពលរដ្ឋ​និង​អាជ្ញាធរ​គ្រប់​លំដាប់​ថ្នាក់​ឲ្យ​បាន​ជ្រាប​ថា​មាន​វិសម្ពាធ​មួយ​បាន​កើត​ឡើង​នៅ​វេលា​ម៉ោង ១ព្រឹក​ថ្ងៃពុធ​នៅ​ក្នុង​សមុទ្រ​ចិន​ភាគ​ខាង​ត្បូង។

វិសម្ពាធ​នេះ​នឹង​ធ្វើ​ដំណើរ​មក​ដល់​ឈូង​សមុទ្រ​ថៃ​នៅ​ថ្ងៃ​ទី១៦​ខែ​វិច្ឆិកាថ្ងៃ​សុក្រ​សប្តាហ៏​នេះ ហើយ​ស្ថានភាព​បែប​នេះ​នឹង​ធ្វើ​ឲ្យ​ផ្ទៃមេឃ​មាន​ពពក​ច្រើន មាន​ខ្យល់​បក់​បោក​ខ្លាំង​នៅ​តំបន់​មាត់​សមុទ្រ​និង​បង្ក​ឲ្យ​មាន​ភ្លៀង​ធ្លាក់​ពី​មធ្យម​ទៅ​ច្រើន​នៅ​ក្នុង​ព្រះ​រាជា​ណា​ចក្រ​កម្ពុជា​ចាប់​​ពី​ថ្ងៃ​ព្រហស្បត្តិ៍​ទី​១៥​វិច្ឆិកា​ដល់​ថ្ងៃ​សៅរ៍​ទី​១៧​ខែ​វិច្ឆិកា​នេះ។

តំបន់​ទាំង​នោះ​រួម​មាន​តំបន់​ទំនាប​កណ្តាល​ដែល​មាន​ខេត្ត​ព្រៃវែង ស្វាយ​រៀង​និង​ខេត្ត​តាកែវ និង​តំបន់​មាត់​សមុទ្រ​ដែល​រួម​មាន​ខេត្ត​កោះកុង កែប កំពត និង​ព្រះសីហនុ។

សេចក្តី​ប្រកាស​ដែល​ចុះ​ហត្ថលេខា​ដោយ​លោក​រដ្ឋ​មន្រ្តីលឹម គាន​ហោ​បាន​ញ្ជាក់​ថា​«រលក​សមុទ្រ​មាន​កំពស់​ចាប់​ពី​១ទៅ២ម៉ែត្រ។​សូម​សាធារណ​ជន​ជ្រាប​ជា​ព័តិមាន​និង​ជាពិសេស​សូម​បង​ប្អូន​ប្រជានេសាទ​ផ្អាក​សកម្មភាព​នេសាទ​តាម​សមុទ្រ​ចាប់​ពី​ថ្ងៃ​ទី១៥​ដល់​១៧​ខែ​វិច្ឆិកា​នេះ»។

This content has been locked. You can no longer post any comments.
Show/hide comments
busy