Headlines:

ពលរដ្ឋ​៨នាក់​ត្រូវ​​ប៉ូលីស​ចាប់​ដោយ​សារ​ដាក់​រូប​អូបាម៉ា​លើ​ដំបូង​ផ្ទះ



IMG_7005
បុរសម្នាក់កំពុង បិទរូបថតលោកអូបាម៉ា លើដំបូងផ្ទះខ្លួនដែលជិត​ព្រលាន​យន្ត​ហោះ។​រូបថត​ហុង មិនា

ភ្នំពេញៈ ប្រជាពលរដ្ឋ​ចំនួន ៨​នាក់ រស់​នៅ​ក្នុង​សហគមន៍​ថ្ម​គោល ដែល​ស្ថិត​នៅ​ជាប់​ព្រលាន​យន្ត​ហោះ​អន្តរជាតិ​ភ្នំពេញ ត្រូវ​បាន​អាជ្ញាធរ​សមត្ថកិច្ច​ចាប់​ខ្លួន​ទៅ​កាន់​អធិការ​ដ្ឋាន​នគរបាល​រាជធានី​ភ្នំពេញ កាល​ពី​ព្រឹក​ថ្ងៃ​ទី​១៥​ ខែ​វិច្ឆិកា​នេះ ដោយ​សារ​តែ​ពួកគេ បាន​បាញ់​ថ្នាំ​សរសរ​អក្សរ​ឲ្យ​ជួយ​ពួកគេ (SOS) និង​ដាក់​រូប​ថត​លោក​អូបាម៉ា លើ​ដំបូង​ផ្ទះ​ពួគគេ។

ពលរដ្ឋ​ដែល​ត្រូវ​បាន​ចាប់​ខ្លួន​នោះ ភាគ​ច្រើន​គឺជា​តំណាង​ប្រជាពលរដ្ឋ​ក្នុង​សហគមន៍​ថ្មគោល​នេះ​ដែល​កំពុង​ប្រឈម​នឹង​ការ​បណ្តេញ​ចេញ ក្នុង​នោះ​រួម​មាន អ្នក​ស្រី ឆ្រាយ នីម, ភួង សុភាព, ឃាង សារី, អ៊ុន ម៉ាប់, លោកអ៊ុន សុខនី និង​ប្រជាពលរដ្ឋ​មួយ​ចំនួន​ទៀត។

អ្នកស្រី ឡេង វី ដែល​ត្រូវ​ជា​ភរិយា​របស់​លោក អ៊ុន​ សុខនី​ ដែល​ត្រូវ​សមត្ថកិច្ច​ចាប់​ខ្លួន​កាល​ពី​ព្រឹក​មិញ បាន​ប្រាប់​ភ្នំពេញ ប៉ុស្តិ៍​ថា​ ការ​ចាប់​ខ្លួន​នេះ​បាន​ធ្វើ​ឡើង ក្រោយ​ពី​មាន​ការ​ព្រមាន​ឲ្យ​រុះរើ ផ្ទាំង​រូបភាព​លោក​អូបាម៉ា និង​លុប​ចោល​នូវសារ ជា​អក្សរ​ដែល​សរសេរ​ថា SOS ចោល​ជា​បន្ទាន់ កាល​ពី​ល្ងាច​ថ្ងៃ​ពុធ ពី​សំណាក់​អាជ្ញាធរ​ដែនដី។

អ្នកស្រី​បាន​បញ្ជាក់​ថា អ្នក​ស្រី​មិន​ទាន់​ដឹង​ថា អាជ្ញាធរ​ដែល​ចាប់​ពួកគេ​ទាំង​នោះ ត្រូវ​ចោទ​ប្រកាន់​ពី​បទ​អ្វី​នោះ​ទេ។  ប៉ុន្តែ​បច្ចុប្បន្ន ពលរដ្ឋ​ម្នាក់​ក្នុង​ចំណោម អ្នក​ត្រូវ​បាន​ចាប់​ខ្លួន​បីនាក់​ចុង​ក្រោយ​នោះ ត្រូវ​បាន​សមត្ថកិច្ច​ដោះ​លែង​មក​វិញ​ហើយ។

សូមបញ្ជាក់ថា ប្រជាពលរដ្ឋ​ប្រមាណ​ជាង​ ១៨០ គ្រួសារ​ដែល​រស់​នៅ​ក្នុង​សហគមន៍​ថ្មគោល​នោះ ត្រូវ​បាន​អាជ្ញាធរ​ដែន​ដី ចេញ​លិខិត​ឲ្យ​រុះរើ​លំនៅដ្ឋាន​របស់​ពួកគេ​ឃ្លាត​ចេញ​ពី​របង​ព្រលាន​យន្ត​ហោះ ដើម្បី​ធ្វើ​ការ​ពង្រីក​ព្រលាន​យន្ត​ហោះ និង​ធានា​ការពារ​សន្តិសុខ​ដល់​មេដឹក​នាំ​កំពូលៗ ក្នុង​ពិភព​លោក ដែល​នឹង​មក​ចូល​រួម​កិច្ច​ប្រជុំ​កំពូល​អាស៊ាន​នៅ​ប៉ុន្មាន​ថ្ងៃ​ខាង​មុខ​នេះ។

This content has been locked. You can no longer post any comments.
Show/hide comments
busy