សួស្តីឆ្នាំថ្មី! កាសែត​ភ្នំពេញ ប៉ុស្តិ៍ សូម​ជម្រាប​ជូន​ដំណឹង​ដល់​ប្រិយ​មិត្ត​អ្នក​អាន និង​អ្នក​ផ្សាយ​ពាណិជ្ជកម្ម​ទាំង​អស់​ឲ្យ​បាន​ជ្រាប​ថា ដើម្បី​ចូល​រួម​អបអរ​ពិធី​បុណ្យ​ចូល​ឆ្នាំ​ខ្មែរ ប្រពៃណី​ជាតិ​ខាង​មុខ​នេះ ​ភ្នំពេញ ប៉ុស្តិ៍ នឹង​ផ្អាក​ចេញ​ផ្សាយ​ពី​ថ្ងៃទី​១៤ ១៥ ១៦ និង​១៧ មេសា ​២០១៤ ហើយ​នឹង​ចាប់​ផ្តើម​ចេញ​ផ្សាយ​ជា​ធម្មតា​ឡើង​វិញ​នៅ​ថ្ងៃ​ទី ១៨ មេសា ឆ្នាំ​២០១៤។ ភ្នំពេញ ប៉ុស្តិ៍ ​សូម​ជូន​ពរ មិត្ត​អ្នក​អាន និង​អ្នក​ផ្សាយ​ពាណិជ្ជកម្ម​ទាំងអស់ ជួប​តែ​សេចក្តី​សុខ សុភមង្គល​គ្រប់​ៗ​គ្នា និង​គ្រប់​ពេល​វេលា នាឆ្នាំថ្មី​​នេះ។
Headlines:

យ៉ាង​ហោច​ណាស់ កម្មករ​ប្រមាណ​៥០​នាក់​បាន​សន្លប់​ទៀត



d-114
កម្មករ កម្មការិនីដែលដួលសន្លប់ និងដឹកមកមន្ទីរពេទ្យ។រូបថតម៉ៃ វីរៈ

ភ្នំពេញៈ យ៉ាង​ហោច​ណាស់​មាន​កម្មករ កម្មាការិនី​ប្រមាណ​ជិត ៥០នាក់ នៅ​រោងចក្រ​កាត់​ដេរ​ចំនួន​៦ ស្ថិត​ក្នុង​សួន​ឧស្សាហកម្ម​វឌ្ឍនៈ​ទី ២ ក្នុង​សង្កាត់ ក្រាំង​ពង្រ ខណ្ឌ​ដង្កោ បាន​សន្លប់​ទៀត​កាល​ពី​ព្រឹក​ថ្ងៃ​ព្រហស្បតិ៍​នេះ បន្ទាប់ កម្មករ កម្មការិនី​ជិត​២០០​នាក់​  ដួលបាន​សន្លប់ បន្ត​គ្នា​និង​បាន​បញ្ជូន​ទៅ​សង្គ្រោះ​នៅ​មន្ទីរពេទ្យ​និង​ គ្លីនិក​ចំនួន​៣ កាល​ពី​រសៀល​ថ្ងៃ​ពុធ​ម្សិលមិញ។

លោក អ៊ុក លី មេប៉ុស្តិ៍​ក្រាំង​ពង្រ​បាន​ប្រាប់​ភ្នំពេញ ប៉ុស្តិ៍​ថា មាន​កម្មករ កម្មការិនី​ប្រមាណ​ជាង​៥០ នាក់​បាន​ដួល​សន្លប់​នៅ​ព្រឹក​ថ្ងៃ​ព្រហស្បតិ៍​នេះ​ដោយ​សារ​តែ​ធុំក្លិន​ប្រេង​ខ្លាំង​ពេក ពេល​ពួកគេ​នាំ​គ្នា​ធ្វើ​ការ។

លោក​បាន​បញ្ជាក់​ទៀត​ថា បច្ចុប្បន្ន ខាង​មន្ត្រី​ពាក់​ព័ន្ធ​កំពុង បង្កើត​គណៈ​កម្មការ​ចុះ​ពិនិត្យ​លើ​​បញ្ហា​ហ្នឹង។ រីឯ​កម្មករ កម្មការិនី​ដែល​មិន​ដួល​សន្លប់ ត្រូវ​បាន​អនុញ្ញាត​ឲ្យ​សម្រាក និង​ត្រលប់​ទៅ​ផ្ទះ​វិញ។

កាល​ពីម្សិលមិញ លោក ខឹម ចំណាន មន្ត្រី​សហជីព​សេរី​កម្មករ​កម្ពុជា​ដែល​បាន​ចុះ​ផ្ទាល់​ដល់​កន្លែង​កើត​ហេតុ ​បាន​ឲ្យ​ដឹង​ថា យ៉ាង​តិច​មាន​កម្មករ​ប្រមាណ​ជា​២០០​នាក់ បាន​ក្អួត​ចង្អោរ​ទន់​ដៃ​ជើង និង​ដួល​សន្លប់ នៅ​ក្នុង​៦​រោងចក្រ​នោះ មាន​រោងចក្រ​ញូវធិច, ផាភីលៀន​និង​រោងចក្រ​កាត់​ដេរ មហា​ហ្គាមេន ទី១ ទី២ និង​ទី៣ ដែល​ស្ថិត​នៅ​ក្នុង​បរិវេណ​សួន​ឧស្សាហកម្ម​វឌ្ឍនៈ។

យោង​តាម​មន្ត្រី​សហជីព​សេរីកម្មករ អ៊ុំ លីណា បាន​ឲ្យ​ដឹង​ដែរ​ថា​ចាប់​តាំង​ពី​ខែ​មករា ឆ្នាំ​២០១២ រហូត​មក​ដល់​ថ្ងៃ​នេះ មាន​កម្មករ កម្មការិនី​រោង​ចក្រ​ជាង ២០៦០​នាក់​ហើយ​បាន​ដួល​សន្លប់ ក្នុង​ពេល​បំពេញ​ការងារ។

សូមរង់ចាំអានព័ត៌មានពិស្តារក្នុងកាសែតភ្នំពេញ ប៉ុស្តិ៍

This content has been locked. You can no longer post any comments.
Show/hide comments
busy