Headlines:

អាមេរិក​នឹង​ព្រម​ព្រៀង​គ្នា​ដំឡើង​ពន្ធ​លើ​អ្នក​មាន​ទ្រព្យ​សម្បត្តិ



obama_0

លោក​ប្រធានា​ធិបតី​ បារ៉ាក់ អូបាម៉ា បាន​ឲ្យ​ដឹង​កាល​ពី​ថ្ងៃ​ពុធថា សមាជិក​គណបក្ស​សាធារណរដ្ឋ នឹង​ត្រូវ​ព្រម​ព្រៀង​ក្នុង​ការ​ដំឡើង​ពន្ធ​លើ​អ្នក​មាន​ទ្រព្យ​សម្បត្តិ​ច្រើន ដោយ​ចាត់​ទុក​ថា​ជា​ជំហ៊ាន​ដំបូង​ក្នុង​កិច្ច​ព្រមព្រៀង​លើ​គម្រោង​ថវិកា ដែលនឹង​ទប់​ស្កាត់​មិន​ឲ្យ​រដ្ឋាភិបាល​ក្រុង​វ៉ាស៊ីនតោនបំពេញ​ការ​ងារ​ខុស​ក្នុង​ការ​ជំរុញ​សេដ្ឋកិច្ច​អាមេរិក ឲ្យ​ធ្លាក់​ចូល​ក្នុង​វិបត្តិ​។

នៅ​ក្នុង​សន្និសីទ​សារព័ត៌មាន​លើក​ដំបូង​របស់​លោក ចាប់​តាំង​ពី​លោក​បាន​ជាប់​ឆ្នោត​ជា​ប្រធានា​ធិបតី​ម្តង​ទៀត​កាល​ពី​សប្តាហ៍​មុន លោក អូបាម៉ា បាន​ឲ្យ​ដឹង​ថា លោក​នឹង​ស្វាគមន៍​ចំពោះ​ការ​ពិចារណា​ពី​អាទិភាព​របស់​សមាជិកគណបក្សសាធារណរដ្ឋ​ ដូច​ជា​កំណែ​ទម្រង់​សិទ្ធិ​ និង​មធ្យោបាយ​ផ្សេង​ទៀត ក្នុង​ការ​ដំឡើង​ប្រាក់​ចំណូល​ពន្ធ ដែល​ជា​ផ្នែក​មួយ​នៃ​កិច្ច​ព្រម​ព្រៀង​ដែលមាន​លក្ខណៈ​ធំ​ទូលាយ ដើម្បី​រៀប​ចំ​ហិរញ្ញវត្ថុ​របស់​អាមេរិកឲ្យ​ចំ​គោល​ដៅ​ប្រកប​ដោយ​និរន្ត​ភាព​។​​​

តែ​លោក អូបាម៉ា មាន​ប្រសាសន៍​ថា សមាជិក​គណបក្ស​សាធារណរដ្ឋ​នៅ​សភា ជា​បឋម​ត្រូវ​ឯកភាព​ចំពោះ​អាទិភាព​កំពូល​របស់​លោក​នៅ​ក្នុង​ការ​ចរចា​ដ៏​ស្មុគ​ស្មាញ​ ក្នុង​គោល​បំណង​ទប់​ស្កាត់​កំណើន​ពន្ធដែលមាន​ចំនួន ៦០០​ពាន់​លាន​ដុល្លារ​ និង​កាត់​បន្ថយ​ចំណាយ​មិន​ឲ្យ​កើត​ឡើង​នៅ​ដើម​ឆ្នាំ​ក្រោយ​នេះ​​ ដែល​បញ្ហា​នេះ គឺ​ជា​បន្សំ​ថ្នាំ​ពុលហៅ​ថា​វិបត្តិ​សារពើពន្ធ​  ដែល​អាច​រារាំង​ដល់​ការ​ស្ទុះ​ងើប​ឡើង​វិញ​នៃ​សេដ្ឋកិច្ច​ដ៏​ទន់​ខ្សោយ​របស់​អាមេរិក។​​

មុន​កិច្ច​ប្រជុំ​ជាមួយ​នឹង​នាយក​ប្រតិបត្តិ​ក្រុម​ហ៊ុន​សាជីវកម្ម​ ដែល​កំពុង​ជំរុញ​ឲ្យ​មាន​ដំណោះ​ស្រាយ​​ឆាប់​រហ័ស លោក​ អូបាម៉ា បាន​បន្ត​ឲ្យ​ដឹង​ទៀត​ថា​៖«អ្វី​ដែល​ខ្ញុំ​មិន​ធ្វើនោះ​គឺ ការ​ពន្យាពេល​កាត់​បន្ថយ​ពន្ធ​ជា​បន្ត​សម្រាប់​អ្នក​ ដែល​មិន​ត្រូវ​ការ​វា​»។​​

This content has been locked. You can no longer post any comments.
Show/hide comments
busy