Headlines:

អេហ្ស៊ីប អនុ​ម័ត​រដ្ឋ​ធម្មនុញ្ញ​ថ្មី​ ជាផ្លូវ​ការ



EGYPT

ក្រុង​គែរៈ លទ្ធ​ផល​​​ដែល​​គេ​បាន​ប្រកាស​​ពី​ថ្ងៃ​អង្គារ បាន​បង្ហាញ​ថា​ អ្នក​បោះ​ឆ្នោត​អេហ្ស៊ីប បាន​​​អនុ​ម័ត​ដ៏​ច្រើន​លើស​លុប​​លើ​រដ្ឋ​ធម្មនុញ្ញ​មួយ​ ដែល​តាក់តែង​ដោយ​ក្រុម​សម្ព័ន្ធ​មិត្ត​របស់​ប្រធានា​ធិបតី​លោក ម៉ូហាម៉េត មួរស៊ី ​ដោយ​បង្ហាញ​ថា ក្រុម​សេរីនិយម ក្រុម​ឆ្វេង​និយម និង​​ក្រុម​គ្រិស្តសាសនិក​ មិន​មាន​អំណាច​បញ្ឈប់​ដំណើរ​របស់​​​​ក្រុម​អ៊ិស្លាម​និយម​​ដែល​កំពុង​កាន់​អំណាច​បាន​ទេ​​។

តួលេខ​ពី​គណៈ​កម្មការ​រៀប​ចំ​ការ​បោះ​ឆ្នោត​ចុង​ក្រោយ បាន​​បង្ហាញ​ថា រដ្ឋ​ធម្មនុញ្ញនេះ​ ត្រូវ​បាន​​អនុ​ម័ត​ដោយ​សន្លឹក​ឆ្នោត​៦៣,៨​ភាគ​រយ​នៅ​ក្នុង​ការ​ធ្វើ​ប្រជា​មតិ​ ដែល​គេ​ធ្វើ​ពីរ​ថ្ងៃ​ក្នុង​ខែ​នេះ ​ដោយ​ផ្តល់​ឲ្យ​ក្រុម​អ៊ិស្លាម​រ​បស់​លោក មួរស៊ី នូវ​ជ័យ​ជម្នះ​ការ​បោះ​ឆ្នោត​ទី​បី​ ចាប់​តាំង​ពី​ជន​​ផ្តាច់​ការ​លោក ហូស្នី មូបារ៉ាក់ ត្រូវ​បាន​គេ​ផ្តួល​រំលំ​នៅ​​ក្នុង​បដិវត្តន៍​​ឆ្នាំ​២០១១​។

ក្រុម​ប្រឆាំង បាន​តវ៉ា​នៅតាម​ផ្លូវ​ដើម្បី​រាំង​​ខ្ទប់​នូវ​អ្វី​ដែល​ពួក​គេ​​មើល​ឃើញ​ថា​ជា​ទង្វើ​ដើម្បី​ទម្លាយ​រដ្ឋ​ធម្មនុញ្ញ​មួយ​ដែល​​បញ្ចូល​គ្នា​រវាង​នយោ​បាយ និង​សាសនា​ដ៏​គ្រោះ​ថ្នាក់ ​និង​​ធ្វើ​ព្រងើយ​ចំ​ពោះ​ឺ​សិទ្ធិ​របស់​ក្រុម​ភាគ​តិច​។

លោក មួរស៊ី បាន​ថ្លែង​ថា​ រដ្ឋ​ធម្មនុញ្ញ​​ដែល​ជា​រដ្ឋ​ធម្ម​នុញ្ញ​ដំបូង​របស់​​អេហ្ស៊ីប ​ចាប់​តាំង​ពី​ការ​ដួល​រំលំ​របស់​លោក មូបារ៉ាក់ បាន​ផ្តល់​ការ​ការ​ពារ​គ្រប់​គ្រាន់​សម្រាប់​ក្រុម​ភាគ​តិច ហើយ​ការ​អនុ​ម័ត​វា​យ៉ាង​រហ័សដូច្នោះ​ ជា​រឿង​ចាំបាច់​ដើម្បី​បញ្ចប់​ភាព​ចលា​ចល​ និង​ភាព​មិន​ប្រាកដ​នយោ​បាយពីរ​ឆ្នាំដែល​បាន​បំផ្លាញ​សេដ្ឋ​កិច្ច​។

សូមអាន​ព័ត៌មាន​ពិស្តារ​នៅ​ក្នុង​កាសែត​ភ្នំពេញ​ប៉ុស្តិ៍

This content has been locked. You can no longer post any comments.
Show/hide comments
busy