ឥណ្ឌាផ្តល់ជំនួយជាទឹកខ្មៅលុបលាងមិនជ្រះចំនួន ៤០.០០០ ដបគិតជាទឹកប្រាក់ប្រមាណ ៨៨ ម៉ឺនដុល្លារអាមេរិក ដល់ គ.ជ.ប សម្រាប់ប្រើប្រាស់ក្នុងការបោះឆ្នោតជ្រើសតាំងតំណាងរាស្ត្រ នីតិកាលទី៥ នាពេលខាងមុខ។ ពិធីចុះហត្ថលេខានឹងធ្វើឡើងនៅព្រឹកថ្ងៃពុធនេះ។
អ្នកប្រដាល់ម៉ាត់ឆ្វេងមកពីក្លិបក្រសួងកសិកម្មត្រូវបានគណៈកម្មការ ប្រកួតកាត់ក្តីឲ្យចាញ់អ្នកប្រដាល់ចិត្តធំ ទូចសាក់មកពីក្លិបប្រដាល់រស្មីកុមារកំព្រានៅពាក់កណ្តាលទឹកទី៤ បន្ទាប់ពីរូបគេបានទាត់បន្ថែមខុសលក្ខខណ្ឌប្រកួតចំផ្ទៃមុខទូច សាក់បណ្តាលឲ្យសន្លប់ធំ សម្រាប់ការជួបគ្នា នៅលើសង្វៀនបាយ័នស្ទឹងមានជ័យ កាលពីថ្ងៃអាទិត្យ កន្លងមកនេះ ឯគូឯកប្រចាំសប្តាហ៍ពុធហ៊ុច បានយកឈ្នះពិន្ទុ ចៅ ផលឌឿ ទាំងគ្រាំគ្រាខ្លួន។
កីឡាករវ័យក្មេងបានកម្ពស់ សូត្រ ប៊ុនធី បានទទួល៣ពិន្ទុមុនគេ សម្រាប់ការប្រកួតជម្រុះដណ្តើមខ្សែក្រវាត់ K cement ទម្ងន់៥៤គីឡូក្រាម ប្រចាំពូលB ខណៈរូបគេបានយកឈ្នះលើអ្នកប្រដាល់ អែល យ៉ែស ក្នុងការប្រកួតបើកឆាកប្រចាំពូលមួយនេះ ទាំងវេទនា នៅលើសង្វៀនស៊ីធីអិន កាលពីថ្ងៃអាទិត្យ កន្លងមកនេះ។
អ្នកប្រដាល់មុខស្រស់ ខុន រាជ បានបន្តរកឃើញជ័យជម្នះជាបន្តនេះ នៅក្នុងការប្រកួតវិលជុំដណ្តើមខ្សែក្រវាត់ជើងឯក១០លានស្រាផែនដី ទម្ងន់៧១គីឡូក្រាម តាមរយៈការយកឈ្នះដោយពិន្ទុលើ ពៅ ស័ក្តិសិទ្ធិ សម្រាប់ការប្រកួតលើកទី២ នៅលើសង្វៀនស៊ីធីអិន កាលពីថ្ងៃសៅរ៍ កន្លងមកនេះ រីឯ វ៉ោយ សុធន់ ក៏បានយកឈ្នះ សាំង ស៊ីថា ដើម្បីទទួលបាន៣ពិន្ទុជាលើកដំបូងរបស់ខ្លួនផងដែរ។
អ្នកប្រដាល់ជើងថ្មី ឈិត ង៉ុយ និង ហុន ឈុនហេង ដែលមានខ្សែក្រវាត់គ្រប់គ្រងម្នាក់មួយដូចគ្នានោះ បានបង្ហាញភាពខ្លាំងរៀងៗខ្លួន សម្រាប់ការប្រកួតប្រដាល់មិត្តភាព នៅលើសង្វៀនប៉ុស្តិ៍លេខ៣ កាលពីល្ងាចថ្ងៃសៅរ៍ ដោយក្នុងនោះ ង៉ុយ បានទាត់ ឡុង ប៊ុនហេង រហូតអាជ្ញាកណ្តាលបញ្ឈប់ការប្រកួត ខណៈ ឈុនហេង បានផ្តល់មេរៀនយ៉ាងចាស់ដៃឲ្យ ពេជ្រ ម្ទេសខ្មាំង។
បន្ទាប់ពីផ្អាកការប្រកួតប្រដាល់ក្បាច់បុរាណខ្មែរប្រចាំសប្តាហ៍ អស់រយៈពេលជាង២ខែ នៅពេលនេះ ម្ចាស់ស្ថានីយទូរទស្សន៍ប៉ុស្តិ៍លេខ៣(TV3) បានសម្រេចបើកឲ្យមានកម្មវិធីប្រកួតនេះឡើងវិញ នាថ្ងៃសៅរ៍ ចុងសប្តាហ៍នេះ ខណៈកីឡាករចំនួន១០នាក់ ត្រូវបានសម្រិតសម្រាំងរួចជាស្រេច ដើម្បីបើកសម្ពោធជាថ្មីនៅលើសង្វៀនប្រដាល់ ដែលមានបំពាក់ទៅដោយម៉ាស៊ីនត្រជាក់មួយនេះ។
អ្នកប្រដាល់មុខស្រស់ ខុន រាជ និងកីឡាករជំនាញវាយកៀក ពៅ ស័ក្តិសិទ្ធិ ដែលមាន៣ពិន្ទុក្នុងដៃដូចគ្នានោះ កំពុងតែបង្កើតនូវក្តីស្រមៃរៀង ៗខ្លួនថា ពួកគេនឹងអាចស្វែងរកបាន៣ពិន្ទុបន្ថែមទៀត សម្រាប់ការជួបគ្នាក្នុងការប្រកួតវិលជុំដណ្តើមខ្សែក្រវាត់ជើងឯក ១០លានស្រាផែនដី ទម្ងន់៧១គីឡូក្រាម នៅលើសង្វៀនស៊ីធីអិន ថ្ងៃសៅរ៍ ខាងមុខនេះ រីឯ សាំង ស៊ីថា និង វ៉ោយ សុធន់ ក៏ត្រូវប្រជែងគ្នាគេចចេញពីការចាញ់លើកនេះផងដែរ។
ព្រឹត្តិការណ៍ប្រកួតជម្រុះតាមពូលBដណ្តើមខ្សែក្រវាត់ក្រុមហ៊ុនសេង ហុងហេង ប្រភេទទម្ងន់៦៣,៥គីឡូក្រាមបានឈានចូលដល់ជុំទី៤ហើយនាថ្ងៃសុក្រ ខាងមុខនេះ ហើយការប្រកួតនេះ នឹងត្រូវប្តូរទៅប្រកួតនៅលើសង្វៀនថ្មីបាយ័នស្ទឹងមានជ័យ។
អ្នកប្រដាល់ស្រករក្រោយផាន់ គ្រាន់ មកពីក្លិបព្រះខ័នរាជ បានប្រកាសសុំសងសឹកជាមួយអ្នកប្រដាល់រៀមច្បង សារឿន ចាន់ (អតីតប្រើឈ្មោះរាជសីហ៍ ចាន់រ៉ា) មកពីក្លិបរាជសីហ៍បង្ក្រាបគ្រឿងញៀនដែលជាម្ចាស់ខ្សែក្រវាត់ K Cement ទម្ងន់៥៧គីឡូក្រាមឆ្នាំ២០១២។
កម្មវិធីប្រដាល់របស់ ONE FC នឹងវិលទៅកាន់ទីក្រុងហ្សាការតាវិញសម្រាប់ការបង្ហាញមួយដែលនឹង ត្រូវយកការប្រកួតដណ្តើមខ្សែក្រវាត់ក្នុងប្រភេទទម្ងន់ស្រាលរវាង កីឡាករជើងចាស់របស់ជប៉ុនចំនួនពីររូបធ្វើជាជំនួបគូឯក។
អ្នកប្រដាល់ទម្ងន់៦៣,៥គីឡូក្រាមចំនួន៦នាក់ មាន រិន មុន្នី នេន វណ្ណា កន ចន្ថា សុខ ចិន្តា ពេជ្រ ប៊ុនសេន និង ឡៅ ផានាថ នឹងត្រូវធ្វើការប្រកួតប្រជែងដណ្តើម៣ពិន្ទុ ក្នុងការប្រកួតវិលជុំដណ្តើមខ្សែក្រវាត់ស្រាបៀរ Ganz Berg នៅលើសង្វៀនស៊ីធីអិនខេត្តសៀមរាប នៅល្ងាចថ្ងៃពុធនេះ។
ម្ចាស់ខ្សែក្រវាត់អាជ្ញាធរប្រយុទ្ធប្រឆាំងគ្រឿងញៀនទម្ងន់៦០ គីឡូក្រាមឆ្នាំ២០១៣ឈឿនឆៃដែនរបស់ក្លិបប្រដាល់និរោធមានជ័យបានសន្លប់ យ៉ាងផុយស្រួយ ខណៈរូបគេត្រូវបាន ឈានហុងមកពីក្លិបអាជ្ញាធរអាវុធគីមីទាត់ត្រូវក្បែរចង្កាផ្នែក ចំហៀងយ៉ាងស្រាលនោះ ហើយការចាញ់នេះ ត្រូវបានអ្នកទស្សនាលើកឡើងបែបចំអកថា៖«មកពី ឆៃដែនខ្ជិលងើបឡើងប្រកួតបន្ត ទើបសុំចុះចាញ់តែម្តងទៅ»។
អ្នកប្រដាល់ អ៊ុង ស៊ីណា បានសម្រេចឈប់ប្រកួតនៅត្រឹមទឹកទី៣ បន្ទាប់ពីរូបគេត្រូវបានគូប្រកួត ម៉ន វិរៈ វាយកែងត្រូវចំហៀងកពីក្រោយ ដែលជាផ្នែកមួយនៃកន្លែងហាមឃាត់នោះ ប៉ុន្តែរូបគេនៅតែប្រកាសឲ្យចាញ់ក្នុងការប្រកួតជម្រុះតាមពូល ដណ្តើមខ្សែក្រវាត់ K cement ទម្ងន់៥៤គីឡូក្រាមមួយនេះដដែល រីឯអ្នករៀបចំការប្រកួតនេះក៏បាននិយាយគាំទ្រទៅនឹងការសម្រេចនេះ ដែរ។
ភ្នំពេញ: អ្នកប្រដាល់ រឿង សោភ័ណ្ឌ បានទ្រាំទទួលយកការកាត់សេចក្តីឲ្យរូបគេចាញ់ពិន្ទុ ផល សោភ័ណ្ឌ ទាំងគ្មានជម្រើស សម្រាប់ការជួបគ្នាជាលើកទី២ នៅលើសង្វៀនបាយ័នបឹងស្នោ កាលពីថ្ងៃអាទិត្យព្រោះការតវ៉ាណាមួយក៏គ្មានលទ្ធផលវិជ្ជមានចំពោះ រូបគេនោះដែរ ផ្ទុយទៅវិញគេអាចត្រូវទទួលការព្រមាន ឬឈប់ផ្តល់ឱកាសឲ្យឡើងប្រកួតទាក់ទងទៅនឹងការតវ៉ានេះក៏ថាបាន។
អ្នកលេងស្នៀតជង្គង់ ឌុន រដ្ឋា និងកីឡាករជាទាហាន មាស ភិរម្យ បានព្យាយាមស្វែងរក៣ពិន្ទុបន្ថែមទៀត សម្រាប់ការប្រកួតវិលជុំដណ្តើមខ្សែក្រវាត់ជើងឯក១០លានស្រាផែនដី ទម្ងន់៧១គីឡូក្រាមបន្ទាប់ពីពួកគេបានទទួលជ័យជម្នះជាលើកទី២លើ កីឡាករ ម៉ន សំណាង និង វី សាយ័ន នាការប្រកួត នៅលើសង្វៀនស៊ីធីអិន កាលពីថ្ងៃសៅរ៍។
កីឡាករ Adonis Stevenson បានបញ្ឈប់Chad Dawson ជាមួយនឹងកណ្តាប់ដៃឆ្វេងយ៉ាងធ្ងន់នៅក្នុងនាទី ទី១ និង១៦វិនាទីនៃទឹកទី១នៅក្នុងទីក្រុង Montreal កាលពីថ្ងៃសៅរ៍ដើម្បីឈ្នះខ្សែក្រវាត់ WBC (ក្រុមបឹក្សាកីឡាប្រដាល់ពិភពលោក) របស់ Dawson ក្នុងប្រភេទទម្ងន់ធ្ងន់។
កីឡាករ ចេង រិទ្ធី ទទួលបានចំណាត់ថ្នាក់លេខ១ក្នុងពូលAនៃការប្រកួតដណ្តើមខ្សែ ក្រវាត់ K cement ទម្ងន់៥៤គីឡូក្រាម ជាបណ្តោះអាសន្ន តាមរយៈការយកឈ្នះដោយពិន្ទុលើអ្នកប្រដាល់ក្មេងខ្ចី ឃីម ឌីម៉ា នាការប្រកួតបើកឆាក កាលពីចុងសប្តាហ៍មុននេះ រីឯកីឡាករ អ៊ុង ស៊ីណា បានអះអាងថា គេមានសង្ឃឹម១០០ភាគរយ ក្នុងការយកឈ្នះលើ ម៉ន វិរៈ នាការប្រកួតលើកទី១នៅថ្ងៃអាទិត្យ នាចុងសប្តាហ៍នេះ។
កីឡាករ ផល សោភ័ណ្ឌ និងរឿង សោភ័ណ្ឌ ដែលធ្លាប់បញ្ចប់ក្នុងលទ្ធផលស្មើក្រោមការគាំទ្រយ៉ាងច្រើននោះ ត្រូវបានគេរៀបចំឲ្យឡើងជួបគ្នាជាថ្មីម្តងទៀត នៅលើសង្វៀនបាយ័នបឹងស្នោ នាល្ងាចថ្ងៃអាទិត្យនេះ ដើម្បីបញ្ជាក់ឲ្យបានច្បាស់ថា តើអ្នកណាជាជើងខ្លាំងពិតប្រាកដ?
អ្នកប្រដាល់ជាពលទាហាន មាស ភិរម្យ និងកីឡាករជំនាញប្រើស្នៀតជង្គង់ ឌុន រដ្ឋា ដែលបានផ្តួលគូប្រកួតឲ្យសន្លប់និងលើកទង់ស ក្នុងទឹកទី៣ដូចគ្នានាការប្រកួតបើកឆាកដណ្តើមខ្សែក្រវាត់ជើងឯក ១០លានស្រាផែនដីទម្ងន់៧១គីឡូក្រាម កន្លងមកនោះ កំពុងតែមានទំនុកចិត្តរៀងៗខ្លួន ក្នុងការរកបាន៣ពិន្ទុបន្ថែមទៀត ព្រោះការប្រកួតលើកទី២ នៅលើសង្វៀនស៊ីធីអិន នាថ្ងៃសៅរ៍ ខាងមុខនេះ អ្នកទាំង២ត្រូវជួបកីឡាករ ម៉ន សំណាង និង វី សាយ័ន ដែលមានប្រវត្តិចាញ់ដោយសន្លប់ដូចគ្នា។
ការប្រកួតជម្រុះតាមពូលដណ្តើមខ្សែក្រវាត់ក្រុមហ៊ុនសេងហុងហេង ទម្ងន់៦៣,៥គីឡូក្រាម ដែលត្រូវប្រកួតនៅថ្ងៃសុក្រ ខាងមុខនេះ ត្រូវបានផ្លាស់ប្តូរពីសង្វៀនបាយ័នបឹងស្នោ ទៅប្រកួតនៅសង្វៀនបាយ័នស្ទឹងមានជ័យ វិញម្តងខណៈ កែវ រំចង់ និងចាន់ រតនា ក៏ត្រូវបានរៀបចំឲ្យឡើងប្រកួត ដើម្បីសម្ពោធសង្វៀនថ្មីមួយនេះដែរ។
បន្ទាប់ពីទទួលភាពជូរចត់ ក្នុងការប្រកួតកំពូលអ្នកប្រយុទ្ធអន្តរជាតិ ដែលបានរៀបចំឡើងនៅស៊ីធីអិន កាលពីចុងខែឧសភា កន្លងមកធី តុងហ៊ី បានវិលទៅកាន់សង្វៀនស៊ីធីអិនខេត្តសៀមរាប កាលពីម្សិលមិញនេះ ព្រោះនៅល្ងាចថ្ងៃពុធនេះរូបគេ ត្រូវឡើងប្រកួតវិលជុំដណ្តើមខ្សែក្រវាត់Ganz Berg ក្នុងទម្ងន់៦៣.៥គីឡូក្រាម ជាមួយមាស សុជាតិ របស់ក្លិបរាជសីហ៍ខេត្តបន្ទាយមានជ័យ នៅទីនោះ។
អ្នកប្រដាល់ ចេង រិទ្ធី ប៊ិះតែបង្កើតកំណត់ត្រាជូរចត់ដោយសារគ្រូពេទ្យបញ្ឈប់ នៅក្នុងការប្រកួតជម្រុះបើកឆាកតាមពូលដណ្តើមខ្សែក្រវាត់ K cement ក្នុងប្រភេទទម្ងន់៥៧គីឡូក្រាម មុនគេទៅហើយ ខណៈរូបគេត្រូវបានគូប្រកួតដែលជាក្មេងជំនាន់ក្រោយ ឃីម បូរ៉ា វាយឲ្យបែកចិញ្ចើមហូរឈាមដូចអារកមាន់នោះ ប៉ុន្តែរិទ្ធី បានព្យាយាមប្រើកណ្តាប់ដៃវាយលុកទៅលើ បូរ៉ា ដើម្បីស្វែងរកជ័យជម្នះត្រឡប់មកវិញដ៏គួរឲ្យកោតសរសើរ។
ភ្នំពេញ ប៉ុស្តិ៍
