​កម្ពុជា​បើក​វគ្គ​ហ្វឹក​ហ្វឺន​លំហាត់​ឆ្មាំ​អង្គរ ២០១៤ រវាង​កង​ទ័ព​ជើង​គោក​កម្ពុជា និង​កង​ទ័ព​​អាមេរិក​ប្រចាំ​អាស៊ី​ប៉ាស៊ីហ្វិក​ នៅ​ព្រឹក​ថ្ងៃ​ចន្ទ​​នេះ​ក្នុង​ខេត្ត​កំពង់​ស្ពឺ លើ​ការ​ងារ​សហ​ប្រតិ​បត្តិ​ការ​សន្តិ​សុខ និង​ដើម្បី​កសាង​សមត្ថភាព​ជួយ​សង្គ្រោះ​គ្រោះ​មហន្តរាយនិង​ជំនួយ​មនុស្ស​ធម៌។
Headlines:

Gerrard រឹងមាំ​គ្រប់​គ្រាន់​ដើម្បី​បង្ហាញ​ខ្លួន​ជា​លើក​ទី​១០០​សម្រាប់​ជម្រើស​ជាតិ​



121114_27a
Steven Gerrard នឹង​មាន​ឱកាស​បង្ហាញ​ខ្លួន​លើ​ក​ទី​១០០​សម្រាប់​ជម្រើស​ជាតិ​។ Reuters

ក្រុង​ឡុងដ៍ៈ Steven Gerrard ដែល​ជា​ប្រធាន​ក្រុម​នៃ​ក្រុម​កីឡា​បាល់​ទាត់​ជម្រើស​ជាតិ​អង់​គ្លេស បាន​ស្ថិត​ក្នុង​សភាព​រឹង​មាំ​គ្រប់​គ្រាន់​សម្រាប់​ការ​ប្រកួត​មិត្ត​ភាព​អន្តរ​ជាតិ​នៅ​រាត្រី​នេះ​ជា​មួយ​នឹង​ក្រុម​ជម្រើស​ជាតិ​ស៊ុយ​អែត ក្រោយ​ពី​ការ​ពិនិត្យ​ដោយ​ម៉ាស៊ីន​ស្កែន​មួយ ហើយ​នឹង​ត្រូវ​ក្លាយ​ជា​កីឡាករ​អង់​គ្លេស​ទី​៦​ក្នុង​ការ​បង្ហាញ​ខ្លួន​ជា​អន្តរ​ជាតិ​លើក​ទី​១០០​។

Gerrard បាន​រង​របួស​អំឡុង​ពេល​ដែល​ក្រុម Liverpool បាន​បញ្ចប់​ក្នុង​លទ្ធ​ផល​ស្មើ​ជា​មួយ​នឹង Chelsea នៅ​ឯ​កីឡ​ដ្ឋាន Stamford Bridge កាល​ពី​ថ្ងៃ​អាទិត្យ ប៉ុន្តែ​សមា​គម​កីឡា​បាល់​ទាត់​អង់​គ្លេស (FA) បាន​និយាយ​ថា ខ្សែ​បម្រើ​រូប​នេះ នឹង​ធ្វើ​ដំណើរ​ជាមួយ​នឹង​ក្រុម​។

FA បាន​បញ្ជាក់​នៅ​លើ​គេហ​ទំព័រ​របស់​ពួក​គេ (www.thefa.com) ថា៖ «Steven Gerrard នឹង​ត្រូវ​ធ្វើ​ដំណើរ​ជាមួយ​នឹង​ក្រុម​ជម្រើស​ជាតិ​អង់​គ្លេស​ទៅ​កាន់​ប្រទេស​ស៊ុយ​អែត ក្រោយ​ពី​ទទួល​នូវ​ការ​ត្រួត​ពិនិត្យ​ដោយ​ម៉ាស៊ីន​ស្កែន​យ៉ាង​ប្រុង​ប្រយ័ត្ន​កាល​ពី​រសៀល​ថ្ងៃ​ចន្ទ​។

ដំណឹង​នេះ នឹង​នាំ​នូវ​ភាព​ធូរ​ស្រាល​មួយ​ដល់​លោក​គ្រូ​បង្វឹក Roy Hodgson ខណៈ​ដែល​ក្រុម​របស់​លោក​ត្រូវ​បាន​កាត់​បន្ថយ​ដោយ​សារ​តែ​ការ​ដក​ខ្លួន​របស់​សមា​ជិក​សំខាន់​ៗ​ចំនួន​៥​នាក់ ដែល​ក្នុង​នោះ​រាប់​បញ្ចូល​ទាំង Wayne Rooney និង Theo Walcott ផង​ដែរ​។

ខ្សែ​បម្រើ Raheem Sterling វ័យ​១៧​ឆ្នាំ ដែល​ជា​មិត្ត​រួម​ក្រុម Liverpool ជា​មួយ​Gerrard អាច​នឹង​ធ្វើ​ការ​បង្ហាញ​ខ្លួន​ជា​អន្តរជាតិ​ជា​លើក​ទី​១​របស់​គេ ក៏​ដូច​ជា​ខ្សែ​បម្រើ Leon Osman វ័យ​៣១​ឆ្នាំ របស់​ក្រុម Everton​។

ការ​កោះ​ហៅ​កីឡាករ​វ័យ​ក្មេង​ដែល​មាន​បទ​ពិសោធ​មួយ​ចំនួន​ដូច​ជា កីឡាករ Raheem និង​ខ្សែ​បម្រើ Wilfried Zaha វ័យ​២០ឆ្នាំ​របស់​ក្រុម Crystal Palace ដែល​ស្ថិត​នៅ​ក្នុង​ក្រប​ខ័ណ្ឌ Championship ក៏​បាន​បង្ហាញ​ផង​ដែរ​ថា លោក Hodgson កំពុង​តែ​ត្រៀម​លក្ខណៈ​ក្នុង​ការ​ផ្តល់​ឱកាស​ដល់​ក្រុម​កីឡា​យុវ​ជន​របស់​លោក​ដើម្បី​ធ្វើ​ការ​បង្ហាញ​ខ្លួន​ក្នុង​ការ​ប្រកួត​ដែល​អាច​នឹង​ក្លាយ​ជា​ការ​ប្រកួត​ដ៏​រំភើប​មួយ​៕ IS