Headlines:

កម្ពុជា​ត្រៀម​លក្ខណៈ​រួច​ជា​ស្រេច​សម្រាប់​ព្រឹត្តិការណ៍ Futures



121116_28b
លោក Braen Aneiros (ស្តាំ) និយាយ​ទៅ​កាន់​កីឡាករ​របស់​ខ្លួន​នា​ពេល​ហ្វឹក​ហាត់​កាល​ពី​ថ្ងៃ​ពុធ។ ស្រេង ម៉េង​ស្រ៊ុន

ភ្នំពេញៈ កីឡាករ​នៃ​ក្រុម​ជម្រើស​ជាតិ​កម្ពុជា នឹង​មាន​ការ​រំជួល​ចិត្ត​ពី​ការ​រំភើប​ផ្សេង​ៗ​តាម​រយៈ​ក្តី​សង្ឃឹម​នៅ​មុន​ពេល​យុទ្ធ​នា​ការ​នៃ​ការ​ប្រកួត​ក្នុង​ព្រឹត្តិ​ការណ៍ NagaWorld Cambodia ITF Futures នៅ​សប្តាហ៍​ក្រោយ ខណៈ​ដែល​ពេល​វេលា​ដ៏​ធំ​នៃ​កីឡា​វាយ​កូន​បាល់​ត្រឡប់​ទៅ​កាន់​ទី​លាន​នៃ​មជ្ឈ​មណ្ឌល​ជាតិ​ហ្វឹក​ហ្វឺន​វិញ ក្រោយ​ពី​អវត្ត​មាន​ស្ទើរ​តែ​រយៈ​ពេល​២០​ខែ​។

ព្រឹត្តិ​ការណ៍ Futures ដែល​ផ្តល់​ការ​ឈ្នះ​ទឹក​ប្រាក់​ចំនួន​១០.០០០​ដុល្លារ​អាមេរិក​របស់​កម្ពុជា​មួយ​នេះ ដែល​ត្រូវ​បាន​ឧបត្ថម្ភ​ទាំង​ស្រុង​ដោយ​ទី​កន្លែង​កម្សាន្ត និង​សណ្ឋា​គារ​ណា​ហ្គា​វើល គឺ​ជា​ព្រឹត្តិ​ការណ៍​ទី​១​ក្នុង​ចំណោម​ព្រឹត្តិ​ការណ៍​ប្រកួត​ផ្នែក​បុរស​ចំនួន​បី​បន្ត​បន្ទាប់​គ្នា​ដែល​សហ​ព័ន្ធ​កីឡា​វាយ​កូន​បាល់​កម្ពុជា នឹង​ធ្វើ​ជា​ម្ចាស់​ផ្ទះ​សម្រាប់​រយៈ​ពេល​បី​សប្តាហ៍​។

លោក Braen Aneiros គ្រូ​បង្វឹក​នៃ​ក្រុម​ជម្រើស​ជាតិ និង​ជា​ប្រធាន​ព្រឹត្តិ​ការណ៍ Futures នេះ បាន​ប្រាប់​ភ្នំពេញ ប៉ុស្តិ៍ កាល​ពី​ថ្ងៃ​ម្សិល​មិញ​ថា៖ «ជា​ទូទៅ​កីឡាករ​ជម្រើស​ជាតិ​របស់​យើង​ដូច​ជា ប៊ុន កេននី មុំ បញ្ញា​រ៉ា​បង​ប្រុស​របស់​គេ មុំ ផល្គុន និង​កីឡាករ​វ័យ​ក្មេង​ជាង​គេ​បំផុត ឡុង សំនៀង សុទ្ធ​សឹង​មាន​ការ​រំភើប​។ នៅ​ពេល​ជា​មួយ​គ្នា​នេះ ពួក​គេ​មាន​ការ​ភ័យ​ខ្លាច​បន្តិច​អំពី​របៀប​ដែល​រយៈ​ពេល​បី​សប្តាហ៍​បន្ទាប់​ទៀត​នឹង​ដំណើរ​ការ​»។

លោក​បាន​បន្ថែម​ទៀត​ថា៖ «កីឡាករ​ដឹង​ថា ការ​លេង​នៅ​លើ​ទឹក​ដី​ខ្លួន​ឯង​នឹង​ជួយ​ដល់​ស្មារតី​របស់​ពួក​គេ ប៉ុន្តែ​វា​ក៏​អាច​ដាក់​សម្ពាធ​ទៅ​លើ​ទម្រង់​លេង​ផង​ដែរ ហើយ​មធ្យោបាយ​ដ៏​ល្អ​បំផុត​ក្នុង​ការ​រត្រៀម​លក្ខណៈ​សម្រាប់​យុទ្ធ​នាការ​នេះ គឺ​ការ​ហ្វឹក​ហាត់​ដ៏​លំបាក​ជា​អ្វី​ដែល​ពួក​គេ​ចាប់​ផ្តើម​ពី​ឥឡូវ​ទៅ​»។

ការ​ផ្តល់​លិខិត​អនុ​ញ្ញាតិ​សម្រាប់​ការ​ប្រកួត​វគ្គ​ចាប់​ឆ្នោត​សម្រាប់​កីឡាករ​៣២​នាក់​នៅ​ថ្ងៃ​ចន្ទ បាន​ប្រគល់​រួច​ជា​ស្រេច​ទៅ​ឲ្យ ប៊ុន កេននី​បង​ប្អូន​ត្រកូល​មុំ​។ ចំណែក ឡុង សំនៀង បាន​ទទួល​លិខិត​អនុញ្ញាតិ​ដើម្បី​ទៅ​ប្រកួត​ក្នុង​វគ្គ​ជម្រុះ​ជុំ​ទី​២​ដែល​នឹង​ចាប់​ផ្តើម​នៅ​ថ្ងៃ​ស្អែក​។

ការ​ចាប់​ឆ្នោត​ជា​ផ្លូវ​ការ​សម្រាប់​កីឡាករ​ប្រកួត​ក្នុង​វគ្គ​ជម្រុះ នឹង​ធ្វើ​ឡើង​នៅ​ថ្ងៃ​នេះ ខណៈ​ការ​ចាប់​ឆ្នោត​ប្រកួត​សម្រាប់​កីឡាករ​ទាំង​៣២​នាក់ នឹង​ត្រូវ​ធ្វើ​ឡើង​នៅ​ម៉ោង​៤​ល្ងាច​នៅ​ថ្ងៃ​អាទិត្យ​។

លោក Punit Gupta សញ្ជាតិ​ឥណ្ឌា ដែល​ជា​មន្ត្រី​រៀប​ចំ​ការ​ប្រកួត​របស់ ITF និង​ដែល​ជា​អ្នក​បាន​ដឹក​នាំ​ក្រុម​មន្ត្រី​កាល​ពី​ឆ្នាំ​២០១១​នោះ នៅ​តែ​រក្សា​ជា​ប្រធាន​រៀប​ចំ​ការ​ប្រកួត​នេះ​ដដែល​។

ចំពោះ​ក្រុម​មន្ត្រី​អាជ្ញា​កណ្តាល​ទាំង​៥​ក៏​រាប់​បញ្ចូល​ទាំង​មន្ត្រី​របស់ ITF ផង​ដែរ​ដែល​រួម​មាន លោក Supreeth Kadavigare (សញ្ជាតិ​ឥណ្ឌា) លោក Razmee Rawi (សញ្ជាតិ​ម៉ា​ឡេ​ស៊ី) លោក Herta Shiro (ឥណ្ឌូ​នេស៊ី) និង​លោក Petrus Widiyanto (ឥណ្ឌូ​នេស៊ី)​។ ចំណែក​សមា​ជិក​អាជ្ញា​កណ្តាល​ទី​៥​គឺ​លោក Nhan Vo Huynh សញ្ជាតិ​វៀត​ណាម ដែល​ជា​អាជ្ញា​កណ្តាល​ជម្រើស​ជាតិ​។ ក្រុម​អាជ្ញា​កណ្តាល​ក្នុង​ស្រុក​ចំនួន​១២ ទៅ​១៥​នាក់ នឹង​ទទួល​ខុស​ត្រូវ​ក្នុង​នាម​ជា​អាជ្ញា​កណ្តាល​ខ្សែ​បន្ទាត់​៕ IS