សួស្តីឆ្នាំថ្មី! កាសែត​ភ្នំពេញ ប៉ុស្តិ៍ សូម​ជម្រាប​ជូន​ដំណឹង​ដល់​ប្រិយ​មិត្ត​អ្នក​អាន និង​អ្នក​ផ្សាយ​ពាណិជ្ជកម្ម​ទាំង​អស់​ឲ្យ​បាន​ជ្រាប​ថា ដើម្បី​ចូល​រួម​អបអរ​ពិធី​បុណ្យ​ចូល​ឆ្នាំ​ខ្មែរ ប្រពៃណី​ជាតិ​ខាង​មុខ​នេះ ​ភ្នំពេញ ប៉ុស្តិ៍ នឹង​ផ្អាក​ចេញ​ផ្សាយ​ពី​ថ្ងៃទី​១៤ ១៥ ១៦ និង​១៧ មេសា ​២០១៤ ហើយ​នឹង​ចាប់​ផ្តើម​ចេញ​ផ្សាយ​ជា​ធម្មតា​ឡើង​វិញ​នៅ​ថ្ងៃ​ទី ១៨ មេសា ឆ្នាំ​២០១៤។ ភ្នំពេញ ប៉ុស្តិ៍ ​សូម​ជូន​ពរ មិត្ត​អ្នក​អាន និង​អ្នក​ផ្សាយ​ពាណិជ្ជកម្ម​ទាំងអស់ ជួប​តែ​សេចក្តី​សុខ សុភមង្គល​គ្រប់​ៗ​គ្នា និង​គ្រប់​ពេល​វេលា នាឆ្នាំថ្មី​​នេះ។
Headlines:

ឥណ្ឌូនេស៊ី​ត្រៀម​ចេញ​ច្បាប់​ស្បៀង​ថ្មី​ដើម្បី​ស្វ័យ​ទ្រ​ទ្រង់



121122_17b
កម្មករ​ឥណ្ឌូ​នេស៊ី​លី​បាវអង្ករ​នៅ​ក្នុង​ផ្សារ​ក្នុង​ក្រុង​ហ្សាការតា។ Reuters

ក្រុង​ហ្សាការតាៈ ឥណ្ឌូនេស៊ី​បាន​ព្រាង​ច្បាប់​ស្តី​ពី​ស្បៀង​អាហារ​មួយ​ដើម្បី​បង្កើន​កិច្ច​ប្រឹង​ប្រែង​ពឹង​ផ្អែក​លើ​ខ្លួន​ឯង​ដោយ​បង្កើត​«​ស្ថាប័ន​កំពូល​»​ថ្មី​មួយ​ដែល​អាច​នាំ​ទៅ​រក​ការ​ទប់​ស្កាត់​ធំ​ជាង​មុន​លើ​ការ​នាំចូល​និង​នាំ​ចេញ​អាហារ​សំខាន់​ដោយ​រារាំង​ការ​វិនិយោគ​ពី​បរទេស​ដែល​គេ​ត្រូវ​ការ​បំផុត​និង​នៅ​ទីបញ្ចប់​បាន​ជំរុញ​ឲ្យ​ស្បៀង​អាហារ​ឡើង​ថ្លៃ​។

ខណៈ​ឥណ្ឌូនេស៊ី ខំ​ប្រឹង​បំពេញ​តម្រូវ​ការ​កំពុង​កើន​ឡើង​ពី​ពល​រដ្ឋ​២៤០​លាន​នាក់​ដែល​ចេះ​តែ​កើន​ឡើង​ពេល​នេះ​ឥណ្ឌូនេស៊ី គឺ​ជា​អ្នក​នាំ​ចូល​ស្ករស​កំពូល​ក្នុង​ពិភពលោក​ជា​អ្នក​ទិញ​ស្រូវ​សាលី​ច្រើន​បំផុត​នៅ​អាស៊ី​និង​នាំ​ចូល​អង្ករ​និង​ពោត​ប្រមាណ​២​ពាន់​តោន​ក្នុង​មួយ​ឆ្នាំ​ៗ​។

ច្បាប់​ចម្លង​មួយ​នៃ​ច្បាប់​ដែល​រ៉យទ័រ​បាន​មើល​ឃើញ​ដែល​គេ​គ្រោង​នឹង​ចុះ​ហត្ថលេខា​ដោយ​ប្រធានា​ធិបតី​នៅ​ចុង​ឆ្នាំ​២០១២ បង្ហាញ​ថា វា​គ្រប​ដណ្តប់​វិស័យ​ជា​ច្រើន​ដូច​ជា​សុវត្ថិភាព​ម្ហូប​អាហារ និង​ផ្សារ​ភាគ​ហ៊ុន ពាណិជ្ជ​កម្ម​ការ​ទិញ តម្លៃ ការ​ចែក​ចាយ និង​ការ​ប្រើ​ប្រាស់​ស្បៀង​អាហារ​ចាំ​បាច់​និង​មិន​ជាក់​លាក់​។

ប្រមុខ​ទី​ភ្នាក់​ងារ​សន្តិ​សុខ​ស្បៀង​នៃ​ក្រសួង​កសិ​កម្ម​របស់​ប្រទេស​នេះ​លោក អាក់ម៉ាត់ ស៊ី​រី​យ៉ា​ណា បាន​អះ​អាង​ថា​៖«​ក្នុង​ច្បាប់​ថ្មី​នេះ យើង​សង្កត់​ធ្ងន់​ពី​អធិបតេយ្យ​និង​ស្វ័យ​ភាព​ស្បៀង​»​។ លោក​បាន​បន្ថែម​ថា​វា​ផ្តល់​នូវ​អាទិភាព​ដល់​ការ​ធានា​ការ​ផ្គត់​ផ្គង់​ស្បៀង​គ្រប់​គ្រាន់​ពី​ធន​ធាន​ក្នុង​ស្រុក។

លោក​បាន​បញ្ជាក់​ថា​៖ «​ដូច្នេះ​ការ​នាំ​ចូល​ស្បៀង​មាន​លក្ខណៈ​បន្ទាប់​បន្សំ ឬ​ជាង​នេះ​ទៅ​ទៀត ជា​ជម្រើស​ចុង​ក្រោយ​»​។

ដោយ​ពង្រឹង​ការ​ទប់​ស្កាត់​ដែល មាន​ស្រាប់​នានា​លើ​ទំនិញ​ស្បៀង​មាន​ដូច​ជា​កម្រិត​ការ​នាំ​ចូល និង​ពន្ធ​នាំ​ចូល​ដើម្បី​ការ​ពារ​កសិករ​ក្នុង​ស្រុក​ច្បាប់​ថ្មី​នេះ​ផ្តល់​ឲ្យ​គេ​បង្កើត​ស្ថាប័ន​ថ្មី​នេះ​ក្នុង​រង្វង់​ពេល​បី​ឆ្នាំ​។ ច្បាប់​នេះ មាន​បំណង​ជួយ​រដ្ឋា​ភិបាល​សម្រេច​បាន​នូវ​ការ​ពឹង​លើ​ខ្លួន​ឯង​លើ​ស្បៀង​ចាំ​បាច់​មាន​ដូច​ជា​ស្រូវ សណ្តែក​សៀង ស្ករស សាច់​គោ​និង​ពោត​៕​NR