Headlines:

ឥណ្ឌាព្យួរ.ក​អ្នក​វាយ​ប្រហារ​ក្រុង​បុមបៃ​ពី​ឆ្នាំ​២០០៨​



121122_17c
ជន​សកម្ម​ប្រ​យុទ្ធ​ប៉ាគីស្ថាន លោក ​កាសាប។ Reuters

ក្រុង​ញូវ​ដែលី​: ប្រទេស​ឥណ្ឌា បាន​ប្រហារ​ជីវិត​ជា​សម្ងាត់​នូវ​អ្នក​នៅ​រស់​តែ​ម្នាក់​នៃ​ក្រុម​សកម្ម​ប្រយុទ្ធ​មាន​មូលដ្ឋាន នៅ​ប៉ាគីស្ថាន​កាល​ពី​ថ្ងៃ​ពុធ ប៉ុន្មាន​ថ្ងៃ​មុន​ពេល​ខួប​ឆ្នាំ​ទី៤ នៃ​ការ​វាយ​ប្រហារ​លើ​រដ្ឋ​ធានី​បុម​បៃ ដែល​បាន​សម្លាប់​មនុស្ស​១៦៦​នាក់។

ពល​រដ្ឋ​ប៉ា​គីស្ថាន​លោក​ម៉ូ​ហាម៉ាត់ អាម៉ាល់ កាសាប ត្រូវ​បាន​គេ​ព្យួរ.ក ជា​សម្ងាត់ ដោយ​បង្ហាញ​ពី​ភាព​រសើប​ខាង​នយោ​បាយ​នៃ​ការ​សម្លាប់​រង្គាល​ថ្ងៃទី ២៦ វិច្ឆិកា ២០០៨ ដែល​នៅ​តែ​បង្ក​ភាព​អាប់​អួជុំ​វិញ​ទំនាក់​ទំនង​រវាង​ប្រទេស​ប៉ាគីស្ថាន និង​ឥណ្ឌា​ដែល​មាន​នុយ​ក្លេ​អ៊ែរ​ដូច​គ្នា។

អ្នក​នាំ​ពាក្យ​ក្រសួង​មហា​ផ្ទៃ​លោក ខេ.អេស.ថាត់​វ៉ា​លា​បាន​និយាយ​ថា​៖

«​លោក​កាសាប​ត្រូវ​បាន​ប្រហារ​ជីវិត​កាល​ពី​វេលា​ម៉ោង​៧​៣០​នាទី​ព្រឹក​»។

បន្ទាប់​ពី​កាសាប​ត្រូវ​បាន​ព្យួរ.ក​នៅ​ក្នុង​គុក​តំបន់​ពុននី ភាគ​អាគ្នេយ៍​ក្រុង​បុមបៃ លោក​រដ្ឋមន្ត្រី ស៊ូ​ស៊ីល កូម៉ារ ស៊ីនដេ ថ្លែង​ថា៖ «ក្រុម​មន្ត្រី​ប៉ូលិស​និង​កម្លាំង​គ្រប់​រូប​ដែល​បាន​បាត់​បង់​ជីវិត​នៅ​ក្នុង​ការ​ប្រយុទ្ធ​ប្រឆាំង​នឹង​ភេរវកម្ម​បាន​ទទួល​យុត្តិ​ធម៌​ហើយ ថ្ងៃ​នេះ»។

កាល​ពី​ខែ​សីហា​តុលាការ​កំពូល​របស់​ឥណ្ឌា​បាន​តម្កល់​ទោស​ប្រហារ​ជីវិត​លោក​កាសាប​ពី​បទ​វាយ​ប្រហារ​ទៅ​លើ​គោល​ដៅ​ជា​ច្រើន​នៅ​ក្នុង​ក្រុង បុមបៃ​ដែល​បាន​សម្លាប់​មនុស្ស​១៦៦​នាក់​។

មេ​បញ្ជា​ការ​ជាន់​ខ្ពស់​នៃ​ក្រុម​សកម្ម​ប្រ​យុទ្ធ ឡះ​ស្គា អ៊ី​តៃ​បា របស់​ប៉ាគីស្ថាន​ដែល​ឥណ្ឌា​បាន​ចោទ​ប្រកាន់ពី​បទ​វាយ​ប្រហារ​ទាំង​នោះ បាន​ហៅ លោក កាសាប​ថា​ជា​វីរ​បុរស​និង​បាន​និយាយ​ថា លោក​នឹង​បណ្តុះ​គំនិត​ឲ្យ​មាន​ការ​វាយ​ប្រហារ​ថែម​ទៀត។

ទាក់​ទង​តាម​ទូរស័ព្ទ​ពី​កន្លែង​គេ​មិន ប្រាប់​មួយ​មេ​បញ្ជាការ​រូប​នោះ​បាន​ប្រាប់ រ៉យ​ទ័រ​ថា៖ «ស្លាប់​ដូច​ជា​លោក​កាសាប​គឺជា​ក្តី​ស្រ​មៃ​របស់​យុទ្ធ​ជន​គ្រប់​រូប​»។

វា​ជា​លើក​ទីមួយ​ហើយ​ដែល​ការ​កាត់​ទោស​របស់​រដ្ឋ​ធានី​នេះ​បាន​ធ្វើ​ឡើង​នៅ​ឥណ្ឌា​តាំង​ពី​ឆ្នាំ​២០០៤​មក​។

ជន​បរ​ទេស​ជា​ច្រើន​ខ្លះ​ជា​ពាណិជ្ជ​ករ​ឆ្នើម​មាន​ទ្រព្យ​សម្បត្តិ​នៅ​ឥណ្ឌា​និង​អ្នក​ក្រី​ក្រ​ធ្វើ​ដំណើរ​តាម​រថ​ភ្លើង​ត្រូវ​បាន​សម្លាប់​ដោយ​ក្រុម​ខ្មាន់​កាំភ្លើង​ប៉ាគីស្ថាន​១០​នាក់​នៅ​ក្នុង​ភាព​ខឹង​ក្រោធ​បី​ថ្ងៃ​នៅ​ទូ​ទាំង​ទី​តាំង​ល្បី​បំផុត​នៅ​ក្នុង​ក្រុង​បុម​បៃ​ខ្លះៗ ក្នុង​នោះ​មាន​សណ្ឋាគារ​ទំនើប​ពីរ​កន្លែង​និង​មជ្ឈ​មណ្ឌល​ជ្វីហ្វ​មួយ​កន្លែង​ផង​៕ PN