Headlines:

ហ៊ីឡារី ស្វែង​រក​បទ​ឈប់​បាញ់ ក្រុង​ហ្គាហ្សា​រង្គើ​ពល​រដ្ឋ​អ៊ីស្រាអែល​ស្លាប់​



121122_18a
លោក​ស្រី​ហ៊ី​ឡារី និង​នាយក​រដ្ឋ​មន្ត្រីអុីស្រាអែល​​ បេនចាមីន នេតានីញ៉ាហ៊ូ ថ្លែង​ក្នុង​សន្និសីទកាសែត​រួមនៅ​ក្រុង​ហ្សារូ​សាឡឹម កាលពី​ថ្ងៃ​អង្គារ។ Reuters

ក្រុង​ហ្សេរូ​សាឡឹម​/ហ្គាហ្សា: ការ​វាយ​ប្រហារ​ផ្លូវ​អាកាស​របស់​អ៊ីស្រាអែល​បាន​ធ្វើ​ឲ្យ​រង្គើ​តំបន់​ហ្គាហ្សា​ស្ទ្រីព​ហើយ​គ្រាប់​រ៉ុក្កែត​ប៉ាឡេស្ទីន​ជា ច្រើន បាន​វាយ​ប្រហារ​ទូទាំង​ព្រំដែន​ខណៈ​រដ្ឋ​មន្ត្រី​ការ​បរទេស​អាមេរិក​លោក​ស្រី​ហ៊ីឡារី​គ្លីន​តុន​បាន​ធ្វើ​ការ​ចរចា​នៅ​ក្នុង​ក្រុង​ហ្សេរូ​សាឡឹម​កាល​ពី​ព្រលឹម​ថ្ងៃ​ពុធ​ដោយ​ស្វែង​រក​បទ​ឈប់​បាញ់​មួយ​ដែល​អាច​រារាំង​ប្រតិ​បត្តិការ​នៃ​កង​ទ័ព​ជើង​គោក​របស់​អ៊ីស្រាអែល​។

ក្រុម​ហាម៉ាស់​ជា​ចលនា​អ៊ីស្លាម​និយម​បាន​គ្រប់​គ្រង​តំបន់​ហ្គា​ហ្សា​និង​អេហ្ស៊ីប​ដែល​រដ្ឋាភិ​បាល​អ៊ិស្លាម​និយម​ថ្មី​របស់​ខ្លួន​កំពុង​ព្យាយាម​សម្រប​សម្រួល​បទ​ឈប់​បាញ់​មួយ​ដោយ​ផ្ញើ​ក្ដី​សង្ឃឹម​ចំពោះ​បទ​ឈប់​បាញ់​កាល​ពី​រាត្រី​ថ្ងៃ​អង្គារ​ប៉ុន្តែ​នៅ​ពេល​លោក​ស្រី ហ៊ី​ឡារី​បាន​ជួប​នាយក​រដ្ឋ​មន្ត្រី​អ៊ីស្រា​អែល​លោក បេន​ចា​មីន​នេតានីញ៉ា​ហ៊ូ​វា​ក៏​ប្រាកដ​ថា​នឹង​មាន​ការ​ជជែក​តវ៉ា​ច្រើន​ទៀត​និង​អំពើ​ហិង្សា​បន្ថែម​ផង​ដែរ។

នៅ​ក្រុង​គែរ​ក្រុម​មេ​ដឹក​នាំ​ក្រុម​ហាម៉ាស់​បាន​ចោទ​ប្រកាន់​រដ្ឋ​ជ្វីហ្វ​នេះ​ថា​មិន​បាន​ឆ្លើយ​តប​សំណើ​ទាំង​នោះ​ទេ និង​បាន​និយាយ​ថា ការ​ប្រកាស​ស្ដីពី​បទ​ឈប់​បាញ់​នឹង​មិន​កើត​មាន​ទេ​នៅ​មុន​ពេល​ថ្ងៃ​នៅ​ថ្ងៃ​ពុធ​។ វិទ្យុ​អ៊ីស្រាអែល​បាន​ស្រង់​សម្ដី​មន្ត្រី​អ៊ីស្រាអែល​ម្នាក់​ដូច​បាន​ថ្លែង​ថា​បទ​ឈប់​បាញ់​ត្រូវ​បាន​បង្អាក់​ដោយ សារ​តែ​«មាន​ការ​ពន្យារ​ពេល​នា​ទី​ចុង​ក្រោយ​នៅ​ក្នុង​ការ​យោគ​យល់​គ្នា​រវាង​ក្រុម​ហាម៉ាស់​និង​អ៊ីស្រាអែល​»។

ទោះ​ជា​យ៉ាង​នេះ​ក្តី​ការ​ផ្អាក​ការ​វាយ​ប្រហារ​ជំហាន​ដំបូង​មិន​បាន​ឃើញ​ភាគី​ទាំង​សង​ខាង​ដក​កម្លាំង​ខ្លួន​ចេញ​ពី​សមរភូមិ​ភ្លាមៗ​នោះ​ទេ ប៉ុន្តែ​លោក​ស្រី ហ៊ី​ឡារី​ដែល​ធ្វើ​ដំណើរ​ទៅ​កាន់​ក្រុង​គែរ​ដើម្បី​ជួប​ប្រធានា​ធិបតី​អេហ្ស៊ីប​លោក ម៉ូហា​ម៉េត​មួរ​ស៊ី កាល​ពី​រាត្រីថ្ងៃ​ពុធ​បាន​ថ្លែង​ពី​កិច្ច​ព្រម​ព្រៀង​មួយ «​ជា​មុន​សិន​»។

ខណៈ​លោក​ស្រី​បាន​អញ្ជើញ​ដល់​អ៊ីស្រាអែល​នៅ​រាត្រី​នោះ​អ៊ីស្រាអែល​កំពុង​បង្កើន​ការ​ទម្លាក់​គ្រាប់​បែក​របស់​ខ្លួន​។​កាំ​ភ្លើង​ធំ​និង​មីស៊ីល​ដែល​បាន​បាញ់​ចេញ​ពី​នាវា​ចម្បាំង​នៅ​ឯ​ឆ្នេរ​សមុទ្រ​បាន​វាយ​ប្រហារ​ធ្ងន់​ធ្ងរ​លើ​ទឹក​ដី ហ្គាហ្សា ហើយ​ការ​វាយ​ប្រហារ​ផ្លូវ​អាកាស​បាន​កើត​ឡើង​ជា​រឿយ​ៗ នៅ​រាល់​១០​នាទី​ម្ដង។

បន្ទាប់​ពី​មាន​តែ​អរិភាព​រយៈ​ពេល​៧​ថ្ងៃ​ដែល​បាន​សម្លាប់​ពល​រដ្ឋ​ប៉ាឡេស្ទីន​ជាង​១៣០​នាក់​និង​ពល​រដ្ឋ​អ៊ីស្រាអែល​៥​នាក់​ដែល​ពីរ​នាក់​បាន​ស្លាប់​កាល​ពី​ថ្ងៃ​អង្គារ​ភាគី​ទាំង​ពីរ​កំពុង​ស្វែង​រក​លើស​ពី​ការ​វិល​ត្រឡប់​ទៅ​រក​ភាព​ស្ងប់​ស្ងាត់​យូរ​ៗ​ម្តង​ដែល​កើត​មាន​នៅ​ទូទាំង​តំបន់​បរិ​ព័ទ្ធ​ភូមិ​ដែល​គេ​បាន​ហ៊ុមព័ទ្ធ​ចាប់​តាំង​ពី​អ៊ីស្រាអែល​បាន​បញ្ចប់​ការ​វាយ​ប្រហារ​លើ​ដី​និង​ផ្លូវ​អាកាស​ដ៏​បង្ហូរ​ឈាម​៤​ឆ្នាំ​មក​ហើយ។

លោក នេតានីញ៉ា​ហ៊ូ​ដែល​ប្រឈម​នឹង​ការ​បោះ​ឆ្នោត​ក្នុង​រយៈ​ពេល​២ខែ​ទៀត​ដែល​ពេល​នេះ​លោក​សង្ឃឹម​ថា​ឈ្នះ​នោះ​បាន​ប្រាប់​លោក​ស្រី ហ៊ី​ឡារី​ថា លោក​ចង់​បាន​ដំណោះ​ស្រាយ​«រយៈ​ពេល​វែង»​មួយ​។ ដោយ​បរា​ជ័យ​ចំពោះ​រឿង​នោះ​លោក នេតានីញ៉ា​ហ៊ូ​បាន​បញ្ជាក់​ច្បាស់​ថា លោក​បាន​ត្រៀម​ខ្លួន​ជា​ស្រេច​ដើម្បី​បង្កើន​យុទ្ធ​នាការ​យោធា​ដើម្បី​បញ្ឈប់​សំឡេង​គ្រាប់​រ៉ុក្កែត​របស់​ក្រុម​ហាម៉ាស់។

ចំពោះ​ភាគី​ក្រុម​ហាម៉ាស់​វិញ​កំពុង​ស្វែង​រក​ឱកាស​ដែល​ការ​បះ​បោរ​អារ៉ាប់​កាលពី​ឆ្នាំ​មុន​បាន​ធ្វើ​ឲ្យ​ខ្លួន​ទទួល​បាន​ការ​គាំ​ទ្រ​ពី​រដ្ឋាភិបាល​រដ្ឋ​អ៊ិស្លាម​និយម​ថ្មី​និង​ពី​មហា​អំណាយ​ឈូង​សមុទ្រ​និកាយ​ស៊ុន​នី​ដែល​រីក​រាយ​ទាក់​ទាញ​ខ្លួន​ឲ្យ​ចេញ​ពី​អ៊ីរ៉ង់​ខាង​និកាយ​ស៊ីអ៊ីត។ ពួក​គេ​បាន​ប្រើ​មីស៊ីល​រយៈ​ចម្ងាយ​ឆ្ងាយ​ដែល​មី​ស៊ីល​ខ្លះ​អ៊ីរ៉ង់​បាន​បញ្ជូន​មក​និង​សង្ឃឹម​ថា លើស​លប់​លើ​ប្រធានា​ធិបតី​ប៉ាឡេស្ទីន​លោក​ម៉ះ​មូដ​អាបាស់​គាំ​ទ្រ​ដោយ​បស្ចិម​ប្រទេស​។

លោក​ស្រីហ៊ី​ឡារី ដែល​បាន​បញ្ចប់​ទស្សន​កិច្ច​អាស៊ាន​ជា​មួយ​ប្រធានា​ធិបតី​លោក បារ៉ាក់ អូបាម៉ា​និង​ដែល​បាន​ធានា​ចំពោះ​លោក នេតា នីញ៉ា​ហ៊ូ ពី​ការ​គាំ​ទ្រ​«ដ៏​រឹង​មាំ»​របស់​អាមេរិក​សម្រាប់​សន្តិ​សុខ​អ៊ីស្រាអែល​បាន​ថ្លែង​ពី​ការ​ស្វែង​រក​«លទ្ធ​ផល​ស្ថិត​ថេរ​»​និង​ពី​«ការ​ទទួល​ខុស​ត្រូវ​»​របស់​ប្រទេស​អេហ្ស៊ីប​ដើម្បី​លើក​ស្ទួយ​សន្តិ​ភាព៕ PN