Headlines:

ណូដា​ទំនង​ជា​អំពាវ​នាវ បោះ​ឆ្នោត​ក្នុង​ខែ​ក្រោយ



121113_17b
លោកយ៉ូ​ស៊ី​ហ៊ីកូ ណូដា នៅ​ក្នុង​ជំនួប​អាសេម ប្រទេសឡាវ។ Reuters

ក្រុង​តូក្យូៈ ក្រោម​សម្ពាធ​ពី​បក្ស​ប្រឆាំង​កាន់​តែ​ខ្លាំង​ឲ្យ​រក្សា​ពាក្យ​សន្យា​ដែល​អំពាវ​នាវ​ឲ្យ​មាន​ការ​បោះ​ឆ្នោត​ឆាប់​ៗ​នាយក​រដ្ឋ​មន្រ្តី​ជប៉ុន​លោក​យូស៊ីហ៊ីកូ ណូដា​មើល​ទៅ​ទំនង​ជា​មាន​ទំនោរ​ទៅ​រក​ការ​អំពាវ​នាវ​ឲ្យ​មាន​ការ​បោះ​ឆ្នោត​មុន​កាល​កំណត់​ក្នុង​ខែ​ក្រោយ​បន្ទាប់​ពី​ការ​សន្យា​គាំទ្រ​កិច្ច​ព្រម​ព្រៀង​ពាណិជ្ជ​កម្ម​សេរី​ដែល​ដឹក​នាំ​ដោយ​អាមេរិក​ដ៏​ចម្រូង​ចម្រាស​។

លោក​ណូដា​ដែល​ពុំ​មាន​ប្រជាប្រិយ​ភាព អាច​សង្ឃឹម​យក​ឈ្នះ​ល្បែង​បោះ​ឆ្នោត​ដ៏​ក្លាហាន​របស់​មេ​ដឹក​នាំ​លោក ជូនីឈី​រ៉ូ កូ​អ៊ីហ្សូមី​និង​ប្រើ​ប្រាស់​ការ​អំពាវ​នាវ​ឲ្យ​មាន​កំណែ​ទម្រង់​សេដ្ឋ​កិច្ច​ធំ​មួយ​ដើម្បី​សម្រួល​ការ​ខ្មាស​អៀន​ដែល​គណ​បក្ស​ប្រជាធិបតេយ្យ​របស់​លោក ត្រូវ​គេ​រំពឹង​ថា​នឹង​រង​គ្រោះ​ក្នុង​ដៃ​អ្នក​បោះ​ឆ្នោត​ដែល​មាន​ការ​ខក​ចិត្ត​។

ពាក្យ​សន្យា​របស់​លោក កូអ៊ីហ្សូមី ដែល​ឯកោ​ដើម្បី​ធ្វើ​ឯក​ជន​ភាវូបនីយ​កម្ម​ប្រព័ន្ធ​ប្រៃ​សណីយ៍​ធំ​ជា​សញ្ញា​មួយ​នៃ​កំណែ​ទម្រង់​ធំ​ដែល​បាន​ជួយ​លោក​ដឹក​នាំ​ក្រុម​ប្រជា​ធិប​តេយ្យ​សេរី​និយម​ដែល​កាន់​អំណាច​នៅ​គ្រា​នោះ​ថ្វី​បើ​មាន​ការ​ជំទាស់​ពី​ក្រុម​អ្នក​បោះ​ឆ្នោត​នៅ​ក្នុង​បក្ស​លោក​ផ្ទាល់​ក្តី​។

អតីត​រដ្ឋ​មន្រ្តី​យុទ្ធ​សាស្រ្ត​ជាតិ​លោក ម៉ូ​តូ​ហ៊ី​សា ហ៊្វូរូកាវ៉ា បាន​ប្រាប់​រ៉យទ័រ​កាល​ពី​សប្តាហ៍​មុន​ថា​៖​«​យើង​គិត​ថា ការ​បោះ​ឆ្នោត គឺ​កៀក​ណាស់​ហើយ។ វា​ពិត​ជា​អាច​ធ្វើ​នៅ​ថ្ងៃ​ទី​១៦ ធ្នូ។ លោក​បាន​បញ្ជាក់​ថា​៖«​ខ្ញុំ​គិត​ថា ស្ថាន​ការណ៍ នឹង​មិន​ប្រសើរ​ទេ ប្រសិន​បើ យើង ពន្យារ​ពេល​នោះ​»។

ដោយ​ការ​គាំទ្រ​ពី​អ្នក​បោះ​ឆ្នោត សម្រាប់​គណៈ​រដ្ឋ​មន្រ្តី​របស់​លោក​ធ្លាក់​ក្រោម​២០​ភាគ​រយ ពេល​នេះ​លោក​ណូដា​ចង់​បន្ត​ការ​គាំ​ទ្រ​កិច្ច​ព្រម​ព្រៀង​ពាណិជ្ជ​កម្ម​ឆ្លង​មហា​សមុទ្រ​ប៉ាស៊ីហ្វិក​(TPP)​ដែល​ដឹក​នាំ​ដោយ​អាមេរិក​ជា​យុទ្ធ​នាការ​ឃោសនា​ថ្មី​របស់​គណ​បក្ស។

លោក​ណូដា បាន​ប្រាប់​ក្រុម​អ្នក​យក​ព័ត៌​មាន​ពី​ចុង​សប្តាហ៍​ថា​៖

«​យើង​នឹង​ស្វែង​រក​ស្រប​គ្នា​ជា​មួយ​នឹង​TPP»៕ ​NR