Headlines:

ហ៊ីឡារី មក​ដល់​អូស្ត្រាលី ដើម្បី​កិច្ច​ចរចា​ការ​ពារ​ជាតិ



121114_17b
លោកស្រីហ៊ីឡារី ត្រូវ​អម​ដំណើរ​ដោយ នាយក​រដ្ឋមន្ត្រី​អូស្ត្រាលី​។ Reuters

ក្រុង​ភើតៈ​រដ្ឋ​មន្រ្តី​ការ​បរទេស​អាមេរិក​លោក​ស្រី​ហ៊ី​ឡារី គ្លីន​តុន បាន​មក​ដល់​ក្រុង​ភើត​ដើម្បី​កិច្ច​ចរចា​ទ្វេ​ភាគី​ប្រចាំ​ឆ្នាំ​មួយ​រវាង​អូស្រ្តាលី និង​អាមេរិក​។

រដ្ឋ​មន្រ្តី​ការ​ពារ​ជាតិ​អាមេរិក​លោក ឡេអូន ផាណេតា គ្រោង​នឹង​មក​ដល់​នៅ​ពេល​បន្ទាប់​នៅ​ថ្ងៃ​អង្គារ​ដែរ​មុន​ពួក​គេ​ជួប​គ្នា​នៅ​ថ្ងៃ​ពុធ​ជា​មួយ​រដ្ឋ​មន្រ្តី​ការ​ពារ​ជាតិ​លោក ស្ទេហ្វិន ស្មីត និង​រដ្ឋ​មន្រ្តី​ការ​បរទេស​លោក បប់​ខារ។

ក្រុម​មេដឹកនាំ​អាមេរិក ក៏​នឹង​ជួប​ជា​មួយ​នាយក​រដ្ឋ​មន្រ្តី លោក​ស្រី​ជូលៀ ជីឡាដ ផង​ដែរ​។

កម្លាំង​សន្តិ​សុខ​តឹង​រ៉ឹង​ដែល​រួម​មាន​ក្បួន​រថយន្ត​១៥​គ្រឿង ហើយ​ឧទ្ធម្ភាគ​ចក្រ​ពីរ​គ្រឿង​ដែល​ឃ្លាំ​មើល​ព្រលាន​យន្ត​ហោះ​អន្តរជាតិ​ភើត​ពី​ខាង​លើ​កំពុង​តែ​ដំណើរ​ការ​សម្រាប់​ការ​មក​ដល់​នៃ​យន្ត​ហោះ C-37 របស់​លោក​ស្រី ហ៊ី​ឡារី​។

លោក​ស្រី ហ៊ី​ឡារី ត្រូវ​ស្វាគមន៍​ដោយ​ព្រឹទ្ធ​សមា​ជិក​លោក ខារ​និង​លោក ស្មីត នៅ​ឯ​ព្រលាន​យន្ត​ហោះ​ជា​មួយ​ឯក​អគ្គ​រដ្ឋ​ទូត​អូស្រ្តាលី​ប្រចាំ​អាមេរិក​លោក គីម​ប៊ីស្លី និង​ឯក​អគ្គ​រដ្ឋ​ទូត​អាមេរិក​ប្រចាំ​អូស្រ្តាលី​លោក ជេ្រហ្វី​ប្លីច​។​នាយក​រដ្ឋ​មន្រ្តី​អូស្រ្តាលី​ខាង​លិច​លោក Colin Barnett និង​ភរិយា​លោក​ស្រី លីន​ក៏​បាន​ចូល​រួម​ស្វាគមន៍​លោក​ស្រីហ៊ីឡារី​ដែរ។

នេះ​គឺជា​ជំនួប​ប្រចាំ​ឆ្នាំ​ដំបូង​ចាប់​តាំង​ពី​ប្រធានា​ធិបតី​អាមេរិក​លោក បារ៉ាក់ អូបាម៉ា បាន​បំពេញ​ទស្សន​កិច្ច​អូស្រ្តាលី​កាល​ពីឆ្នាំ​មុន​ហើយ​បាន​ធ្វើ​ឲ្យ​ចិន ដែល​ជា​ដៃ​គូ​ពាណិជ្ជកម្ម​ធំ​បំផុត​របស់​អូស្រ្តាលី​មួម៉ៅ​ដោយ​ប្រកាស​ថា ទាហាន​ម៉ារីន​អាមេរិក​រហូត​ដល់​២៥០០​នាក់ នឹង​ប្តូរ​វេន​តាម​រយៈ​ទី​តាំង​ហ្វឹក​ហ្វឺន​យោធា​ចម្រុះ​នៅ​ដាវីន​។

ក្រោម​ការ​រៀប​ចំ​នេះ វត្ត​មាន​យោធា​អាមេរិក នឹង​ត្រូវ​បន្ថែម​ទៅ​កាន់​មូលដ្ឋាន​កង​ទ័ព​ជើង​ទឹក​អូស្រ្តាលី​នៅ​ខាង​ត្បូង​ក្រុង​ភើត និង​ទី​តាំង​ទម្លាក់​គ្រាប់​បែក​នៅ​ភាគ​ខាង​ជើង​អូស្រ្តាលី​ជា​ផ្នែក​មួយ​នៃ​ការ​ផ្លាស់​ប្តូរ​កម្លាំង​អាមេរិក​ទៅ​តំបន់​អាស៊ី​ប៉ាស៊ីហ្វិក​។

អាហ្វ​ហ្គានី​ស្ថាន ដែល​មាន​ទាហាន​អូស្ត្រាលី​១៥៥០​នាក់​ក៏​នឹង​ជួប​ពិភាក្សា​ដែរ៕ ​NR