សួស្តីឆ្នាំថ្មី! កាសែត​ភ្នំពេញ ប៉ុស្តិ៍ សូម​ជម្រាប​ជូន​ដំណឹង​ដល់​ប្រិយ​មិត្ត​អ្នក​អាន និង​អ្នក​ផ្សាយ​ពាណិជ្ជកម្ម​ទាំង​អស់​ឲ្យ​បាន​ជ្រាប​ថា ដើម្បី​ចូល​រួម​អបអរ​ពិធី​បុណ្យ​ចូល​ឆ្នាំ​ខ្មែរ ប្រពៃណី​ជាតិ​ខាង​មុខ​នេះ ​ភ្នំពេញ ប៉ុស្តិ៍ នឹង​ផ្អាក​ចេញ​ផ្សាយ​ពី​ថ្ងៃទី​១៤ ១៥ ១៦ និង​១៧ មេសា ​២០១៤ ហើយ​នឹង​ចាប់​ផ្តើម​ចេញ​ផ្សាយ​ជា​ធម្មតា​ឡើង​វិញ​នៅ​ថ្ងៃ​ទី ១៨ មេសា ឆ្នាំ​២០១៤។ ភ្នំពេញ ប៉ុស្តិ៍ ​សូម​ជូន​ពរ មិត្ត​អ្នក​អាន និង​អ្នក​ផ្សាយ​ពាណិជ្ជកម្ម​ទាំងអស់ ជួប​តែ​សេចក្តី​សុខ សុភមង្គល​គ្រប់​ៗ​គ្នា និង​គ្រប់​ពេល​វេលា នាឆ្នាំថ្មី​​នេះ។
Headlines:

ចិន មិន​ចង់​ឲ្យ​បញ្ហា​សមុទ្រ​ចិន​ខាង​ត្បូង​គ្រប​ដណ្តប់​ជំនួប​កំពូល​អាស៊ាន



121119_17a
នាវា​ផ្គត់​ផ្គង់​កងទ័ព​ជើង​ទឹក​អាមេរិក USNS Rappahannock ត្រូវ​បាន​ដាក់​ឲ្យ​ឈរជើង​នៅ​សមុទ្រ​ចិន​ខាង​ត្បូង កាល​ពី​ថ្ងៃទី២១ មីនា ២០១២។ Reuters

ក្រុង​ប៉េកាំង/​ភ្នំពេញៈ អ្នក​ការ​ទូត​ចិន​កំពូល​ម្នាក់ បាន​និយាយ​កាល​ពី​ថ្ងៃ​សៅរ៍​ថា​ជំនួប​កំពូល​ក្នុង​តំបន់​មួយ​នៅ​កម្ពុជា មិន​ត្រូវ​ឲ្យ​ជម្លោះ​ជុំ​វិញ​សមុទ្រ​ចិន​ខាង​ត្បូង​គ្រប​ដណ្តប់​នោះ​ទេ​ខណៈ​ដែល​ស្ថាន​ការណ៍​នេះ​ស្ថិត​នៅ​ក្រោម​ការ​គ្រប់​គ្រង​ហើយ​ប្រទេស​ជា​ច្រើន​ដែល​ពាក់​ព័ន្ធ អាច​ដោះ​ស្រាយ​ជម្លោះ​ដោយ​ខ្លួន​ឯង​។

ការ​អះ​អាង​អធិបតេយ្យ​ភាព​របស់​ចិន​លើ​ដែន​ទឹក​ក្នុង​សមុទ្រ​ក្បែរ​ឆ្នេរ​សមុទ្រ​ខាង​ត្បូង​របស់​ខ្លួន​និង​ភាគ​ខាង​កើត​នៃ​តំបន់​ដី​គោក​អាស៊ី​អាគ្នេយ៍​បាន​ធ្វើ​ឲ្យ​ប៉ះ​ពាល់​ដោយ​ផ្ទាល់​នឹង​វៀត​ណាម​និង​ហ្វីលីពីន រីឯ​ប្រ៊ុយណេ តៃវ៉ាន់ និង​ម៉ាឡេស៊ី ក៏​បាន​ទាម​ទារ​ផ្នែក​ជា​ច្រើន​ផង​ដែរ ដោយ​ធ្វើ​ឲ្យ​វា​ជា​ចំណុច​បញ្ហា​យោធា​ជា​សក្តា​នុ​ពល​ធំ​បំផុត​នៅ​អាស៊ី​។

ប៉ុន្តែ​អនុ​រដ្ឋ​មន្រ្តី​ការ​បរទេស​ចិន​លោក​ស្រី​ហ៊្វូ​យីង​បាន​ថ្លែង​ថា​ជម្លោះ​គេ​អាច​គ្រប់​គ្រង​ក្នុង​ដៃ​ហើយ នៅ​មុន​ជំនួប​មួយ​ដែល​កំពុង​ចាប់​ផ្តើម​នៅ​ចុង​សប្តាហ៍​នេះ​របស់​ក្រុម​មេ​ដឹកនាំ​នៅ​ក្នុង​តំបន់​នៅ​ក្នុង​ប្រទេស​កម្ពុជា ដែល​ប្រមុខ​រដ្ឋ​អាស៊ាន​និង​នាយក​រដ្ឋ​មន្រ្តី​ចិន លោក វេន ជាប៉ាវ និង​ប្រធានា​ធិបតី​អាមេរិក​លោក បារ៉ាក់ អូបាម៉ា​ចូល​រួម​ផង​ដែរ​។

លោក​ស្រីហ៊្វូ បាន​ប្រាប់​ក្រុម​អ្នក​យក​ព័ត៌មាន​ថា​៖​«ឲ្យ​តែ​តំបន់​នេះ ត្រូវ​បាន​គេ​ទិញ​ដាច់​គ្រប់​ៗ​គ្នា​គិត​ថា វា​មាន​គ្រោះ​ថ្នាក់​មាន​ភាព​រពើត​រពើង​ខ្លាំង​ណាស់​ដោយ​សារ​តែ​បញ្ហា​សមុទ្រ​ចិន​ខាង​ត្បូង​។ តាម​ពិត​កាល​ពីមួយ-ពីរ​ឆ្នាំ​កន្លង​ទៅ ចិន និង​ប្រទេស​ជា​ច្រើន​ទៀត​ដែល​នៅ​ជុំ​វិញ​សមុទ្រ​ចិន​ខាង​ត្បូង បាន​គ្រប់​គ្រង​ដោយ​ជោគ​ជ័យ​នូវ​ជម្លោះ​នេះ និង​មិន​បាន ធ្វើ​ឲ្យ​ជម្លោះ​រីក​រាល​ដាល​ទេ​»​។

លោក​ស្រី បាន​បញ្ជាក់​ថា បទ​ពិសោធ​របស់​អាស៊ី​ចាប់​តាំង​ពី​ការ​បញ្ចប់​សង្គ្រាម​ត្រជាក់​ដែល​គេច​ពី​ជម្លោះ​ទ្រង់​ទ្រាយ​ធំ បាន​បង្ហាញ​ថា​បញ្ហា​សមុទ្រ​ចិន​ខាង​ត្បូង ក៏​គេ​អាច​គ្រប់​គ្រង​បាន​ដែរ​។

ទោះ​ជា​យ៉ាង​ណា​ក៏​ដោយ ក៏​ចិន​នៅ​តែ​ជំទាស់​នឹង​សំណើ​សម្រាប់​កិច្ច​ចរចា​ពហុ​ភាគី​លើ​បញ្ហា​សមុទ្រ​នេះ ដោយ​ចង់​ព្យាយាម​ចរចា​ជម្លោះ​ជា​មួយ​ប្រទេស​នីមួយ​ៗ​ដែល​ជា​អ្នក​ទាម​ទារ​ដែល​មិន​សូវ​មាន​ឥទ្ធិ​ពល​។ ចិន​ក៏​បាន​ជំទាស់​នឹង​ការ​ប៉ុន​ប៉ង​ចូល​រួម​ពាក់​ព័ន្ធ​របស់​ក្រុង​វ៉ាស៊ីន​តោន​ដែរ។ ការ​ប្រយុទ្ធ​គ្នា​ពុំ​ធ្លាប់​មាន​ពី​មុន​មក​ជុំវិញ​ការ​ជំរុញ ឲ្យ​ដាក់​ចេញ​ក្រម​សីល​ធម៌​រួម​ចំពោះ​ភាព​តាន​តឹង​ទឹក​ដី​ជា​មួយ​ចិន​បាន​ធ្វើ​ឲ្យ​ជំនួប​កំពូល​អាស៊ាន​ពី​ខែ​កក្កដា​បរាជ័យ​៕​ ​NR