Headlines:

ឥណ្ឌា​និង​រុស្ស៊ី​សម្រេច​បាន​កិច្ច​ព្រម​ព្រៀង​ការ​ពារ​ជាតិ



121226_18c
លោក​ពូ​ទីន ចាប់​ដៃ​ជាមួយ​លោក​ស៊ីង ក្នុង​ជំនួប​កំពូល​កាល​ពី​ថ្ងៃ​ចន្ទ។ Reuters

ក្រុង ញូវដែលីៈ ឥណ្ឌា​បាន​យល់​ព្រម​ទិញ​ឧទ្ធម្ភាគ​ចក្រ​យោធា និង​គ្រឿង​ផ្គុំ​យន្ត​ហោះ​ចម្បាំង​រាប់​សិប​គ្រឿង​នៅ​ឯ​ជំនួប​កំពូល​មួយ​កាល ពី​ថ្ងៃ​ចន្ទ​ដោយ​បញ្ជាក់​ពី​ការ​រឹង​មាំ​ឡើង​វិញ​នូវ​ទំនាក់​ទំនង​រវាង​សម្ព័ន្ធ​មិត្ត​យូរ​អង្វែង​ទាំង​ពីរ​ថ្វី​បើ​វិធាន​ការ​ថ្មីៗ​របស់​ក្រុង​ញូវដែលី ផ្លាស់​ប្តូរ​ក្រុមហ៊ុន​ផ្គត់​ផ្គង់​អាវុធ​ជា​ច្រើន​របស់​ខ្លួន​ក៏​ដោយ​។

នាយក​រដ្ឋ​មន្រ្តី​ឥណ្ឌា លោក ម៉ាន់​ម៉ូហាន់ ស៊ីង និង​ប្រធានា​ធិបតី​រុស្ស៊ី លោក វ្លាឌីមៀ ពូទីន បាន​លើក​សរសើរ​ភាព​ជា​ដៃ​គូ​យុទ្ធ​សាស្រ្ត​នៃ​ប្រទេស​ពួក​គេ​នៅ​ក្នុង​ជំនួប​កំពូល​នៅ​ក្រុង​ញូវដែលី នោះ​និង​នៅ​ក្នុង​សេចក្តី​ថ្លែង​ការណ៍ រួម​មួយ ដែល​បាន​ឯក​ភាព​គ្នា​លើ​បញ្ហា​ពិភពលោក​ជា​ច្រើន​ដែល​មាន​ចាប់​ពី​ភាព​ចលាចល​នៅ​ស៊ីរី​រហូត​ដល់​មហិច្ឆតា​នុយក្លេអ៊ែរ​របស់​អ៊ីរ៉ង់​។

កិច្ច​ព្រម​ព្រៀង​ទាំង​នេះ ពង្រឹង​សម្ព័ន្ធ​ភាព​យុទ្ធ​សាស្រ្ត​យូរ​អង្វែង​មួយ​ដែល​ផ្អែក​លើ​ការ​សង្ស័យ​រួម​របស់​ចិន ថ្វី​ក្រោយ​មក​រុស្ស៊ី​បាន​ទាក់​ទាញ​សត្រូវ​របស់​ឥណ្ឌា​គឺ​ប៉ាគីស្ថាន​ហើយ​ឥណ្ឌា បាន​ងាក​ទៅ​រក​អាមេរិក និង​អឺរ៉ុប​ព្រោះ​តែ​រកាំ​ចិត្ត​នឹង​អាវុធ​យុទ្ធ​ភណ្ឌ​របស់​រុស្ស៊ី​ក្តី។

ដោយ​ស្វាគមន៍​លោក​ពូទីន​ក្នុង​នាម​ជា​«​មិត្ត​ភក្តិ​មាន​តម្លៃ​ម្នាក់ និង​ជា​ស្ថាបនិក​ដំបូង​នៃ​ភាព​ជា​ដៃ​គូ​យុទ្ធ​សាស្រ្ត​ឥណ្ឌា-រុស្ស៊ី​»​ក្នុង​សេចក្តី​ថ្លែង​ការណ៍​មួយ​លោក ស៊ីង បាន​ថ្លែង​ថា​៖«​រុស្ស៊ី ជា​ដៃ​គូ​សំខាន់​មួយ​ក្នុង​កិច្ច​ប្រឹង​ប្រែង​របស់​យើង​ដើម្បី​ធ្វើ​ទំនើប​កម្ម​កម្លាំង​ប្រដាប់​អាវុធ​របស់​យើង​»​។

ការ​ទិញ​អាវុធ​របស់​ឥណ្ឌា​៦០​ភាគ​រយ នៅ​តែ​មក​ពី​រុស្ស៊ី ប៉ុន្តែ​វា​នៅ​តែ​តិច​ថែម​ទៀត​ក្នុង​ប៉ុន្មាន​ឆ្នាំ​ថ្មីៗ​នេះ ខណៈ​ខ្លួន​ព្យាយាម​ប្រៀប អានុភាព​សេដ្ឋកិច្ច​កំពុង​កើន​ឡើង​របស់​ខ្លួន​ជា​មួយ​ឥទ្ធិ​ពល​យោធា​និង​សម្លឹង​មើល​ទៅ​ចិន​ដែល​ជា​យក្ស​ជិត​ខាង​យ៉ាង​ប្រុង​ប្រយ័ត្ន​។

ប្រភព​វិមាន​ក្រឹមឡាំង​បាន​និយាយ​ថា រុស្ស៊ី​នឹង​លក់​ឲ្យ​ឥណ្ឌា​នូវ​ឧទ្ទម្ភាគចក្រ​យោធា​៧១​គ្រឿង​តម្លៃ​១,៣ពាន់​លាន​ដុល្លារ និង​ឧបករណ៍​គ្រឿង​ផ្គុំ​បច្ចេក​វិទ្យា​តម្លៃ​១,៦​ពាន់​លាន​ដុល្លារ​ដើម្បី​ផ្គុំ​យន្ត​ហោះ​ចម្បាំង SU-3-MKI ចំនួន​៤២​គ្រឿង។ កិច្ច​ព្រម​ព្រៀង​ពីមុន​សម្រាប់​យន្ត​ហោះ​នោះ​ត្រូវ​បាន​ឯកភាព​ពី​ឆ្នាំ​មុន៕ ​NR