Headlines:

ពល​រដ្ឋ​ឆែក​ជួប​ជុំ​គ្នា​ទាម​ទារ​ឲ្យ​រដ្ឋាភិបាល​ក្រុង​ប្រាក លា​លែង​ថ្ងៃ​បុណ្យ​ជាតិ



121119_18b
ពល​រដ្ឋ​ឆែក​ជួប​ជុំ​នៅក្រុង​ប្រាក ធ្វើ​ការ​តវ៉ា​ប្រឆាំង​រដ្ឋាភិ​បាល។ Reuters

ក្រុង​ប្រាកៈ មនុស្ស​ប្រមាណ​១​ម៉ឺន​នាក់​បាន​ចូល​រួម​បាតុ​កម្ម​មួយ​ប្រឆាំង​រដ្ឋា​ភិបាល​ដែល​សហ​ជីព និង​ក្រុម​ពល​រដ្ឋ​ខ្លះ​បាន​អំពាវ​នាវ​នៅ​កណ្តាល​ទី​ក្រុង​ប្រាក​ចំ​ថ្ងៃ​បុណ្យ​ជាតិ​កាល​ពី​ថ្ងៃ​សៅរ៍​។

ក្រុម​វាគ្មិន បាន​ទាម​ទារ​ឲ្យ​រដ្ឋាភិបាល​ចម្រុះ​របស់​នាយក​រដ្ឋ​មន្រ្តី​ស្តាំ​និយម​លោក Petr Necas​លាលែង​។

ក្រុម​វា​គ្មិន បាន​រិះ​គន់​រដ្ឋា​ភិបាល ហើយ​លោក​ហ្សា​វ៉ាឌីល​បាន​និយាយ​ថា រដ្ឋា​ភិបាល​មិន​សម​«​គ្រប់​គ្រង​យើង​ដែល​ជា​ប្រជា​ពលរដ្ឋ​នោះ​ទេ​»​ហើយ​ក្រុម​រដ្ឋ​មន្រ្តី​ទាំង​នោះ សុទ្ធ​តែ​ពុក​រលួយ​។

លោក ហ្សាវ៉ា​ឌីល​បាន​អះ​អាង​បន្ត​ថា ពេល​វេលា​សម្រាប់​កូដ​កម្ម​ទូ​ទៅ មិន​ទាន់​មក​ដល់​នោះ​ទេ​ព្រោះ​ប្រជា​ពលរដ្ឋ​នៅ​តែ​មាន​ការ​ភ័យ​ខ្លាច​។ លោក​សង្ឃឹម​ថា​ជាតិ​យើង​នឹង​ភ្ញាក់​ខ្លួន​ឡើង​វិញ»​។

ក្រុម​សកម្ម​ជន​កំពុង​គ្រវី​ទង់​ជាតិ​និង​ទង់​សហ​ជីព​ជាមួយ​សារ​បញ្ឈប់​រដ្ឋា​ភិបាល។

អ្នក​នាំ​ពាក្យ​ប៉ូលិស​លោក ជែន ដាណិក​បាន​ប្រាប់​ទី​ភ្នាក់​ងារ​ព័ត៌មាន CTK ថា​ក្រុម​ប៉ូលិស បាន​ប៉ាន់​ស្មាន​ថា ចំនួន​អ្នក​តវ៉ា​មាន​ប្រមាណ​១​ម៉ឺន​នាក់ ។

ទោះ​ជា​យ៉ាង​នេះ​ក្តី​ក៏​ប្រធាន​សហ​ព័ន្ធ​សហជីព​ក្រុម​បូ​ហេមី និង មូ​រ៉ាវី​(CMKOS) លោក ចា​រ៉ូ​ស្លាវ ហ្សាវ៉ា​ឌីល​បាន​ប្រាប់​ហ្វូង​មនុស្ស​ថា​៖ «​មាន​ពួក​យើង ២​ម៉ឺន​នាក់​នៅ​ទី​នេះ​»​ហើយ​ក្រោយ​មក​ទៀត បាន​និយាយ​ថា ២​ម៉ឺន​នាក់ ដល់​២៥​ពាន់​នាក់​នឹង​ចូល​រួម​។

ការ​ជួប​ជុំ​របស់​ក្រុម​បញ្ឈប់​រដ្ឋា​ភិបាល​នេះ បាន​ចាប់​ផ្តើម​ពី​ម៉ោង​១​រសៀល និង​បាន​បញ្ចប់​មួយ​ម៉ោង​ក្រោយ​មក​ទៀត​៕ NR