Headlines:

រាប់​ម៉ឺន​នាក់​តវ៉ា​នៅ​បារាំង ប្រឆាំង​មង្គល​ការ​ភេទ​ដូចគ្នា​



121119_18a
បាតុករ​បារាំងលើ​កបដា«លីយ៉ុងមិ​នត្រូវការច្បាប់​​រៀបការ​ភេទ​ដូចគ្នា»។ Rtrs

ក្រុង​ប៉ារីសៈ មនុស្ស​រាប់​ម៉ឺន​នាក់​ដែល​មាន​ការ​ចូល​រួម​ពី​ក្រុម​មេ​ដឹក​នាំ​ព្រះវិហារ​កាតូលិក​បាន​ដើរ​ជា​ក្បួន​នៅ​តាម​ក្រុង​នានា​ទូទាំង​ប្រទេស​បារាំង​ពី​ថ្ងៃ​សៅរ៍​ដើម្បី​តវ៉ា​ប្រឆាំង​នឹង​ផែន​ការ​របស់​រដ្ឋា​ភិបាល​ក្នុង​ការ​ដាក់​អាពាហ៍​ពិពាហ៍​ភេទ​ដូច​គ្នា​ទៅ​ជា​ស្រប​ច្បាប់។

ក្រុម​បាតុករ​ដែល​កាន់​បដា​មាន​ពាក្យ​ស្លោក​ថា​«កុំ​ប៉ះ​ពាល់​មង្គល​ការ​ស៊ីវិល​»​«គ្រប់​គ្នា​កើត​ចេញ​ពី សម្ព័ន្ធ​ភាព​រវាង​បុរស​និង​ស្ត្រី​» ​និង​«​ឪពុក​បូក​ម្ដាយ​មាន​កូន​ច្រើន​នាក់ »​បាន​នាំ​គ្នា​ចេញ​មក​តាម​វិថី​នានា​នៅ​ក្នុង​ក្រុង​ប៉ារីស​លីយ៉ុង​ម៉ាក​សី និង​ទី​ប្រជុំ​ជន​ធំៗ​ច្រើន​ទៀត​។

ក្រុម​អង្គការ​នៅ​ពី​ក្រោយ​ការ​តវ៉ា​ដែល​មាន​ឈ្មោះ​ថា​«បាតុ​កម្ម​ដើម្បី ទាំង​អស់​គ្នា​»​ដោយ​យក​គំរូ​តាម​«​មង្គល​ការ​ដើម្បី​ទាំង​អស់​គ្នា​»ដែល​បាន​អំពាវ​នាវ​ឲ្យ​រដ្ឋាភិបាល​សង្គម​និយម​ធ្វើ​កំណែ​ទម្រង់​នៃ​មង្គល​ការ​ប្រុស​និង​ប្រុស​នឹង​គំរាម​ពី«ភាព​វឹក​វរ​ដ៏​ធំ​និង​គ្រោះ​ថ្នាក់​បំផុត»។

ក្រុម​អ្នក​រៀប​ចំ​ការ​តវ៉ា បាន​និយាយ​ថា មនុស្ស​២០​ម៉ឺន​នាក់​បាន​ធ្វើ​បាតុ​កម្ម​នៅ​ក្នុង​រដ្ឋធានី​បារាំង​នេះ បើ​ប្រៀប​ធៀប​នឹង​ការ​ប៉ាន់​ស្មាន​របស់​ប៉ូលិស​ដែល​ថា​មាន​ចំនួន​ត្រឹម​៧​ម៉ឺន​នាក់​។

សភា​ជាតិ​បារាំង​គ្រោង​នឹង​ចាប់​ផ្ដើម​ពិនិត្យ​សេចក្តី​ស្នើ​ច្បាប់​នោះ ដោយ​អនុញ្ញាត​ឲ្យ​មាន​មង្គល​ការ​ភេទ​ដូច​គ្នា​ក្នុង​ខែ​មករា​ដោយ​ការ​បោះ​ឆ្នោត​មួយ ដែល​គេ​រំពឹង​ថា​នឹង​ធ្វើ​នៅ​ពាក់​កណ្ដាល​ឆ្នាំ​២០១៣​។ វា​នឹង​ផ្ដល់​ឲ្យ​គូ​ស្នេហ៍​ប្រុស​និង​ប្រុស​នូវ​សិទ្ធិ​សុំ​កូន​មក​ចិញ្ចឹម​ប៉ុន្តែ​នឹង​មិន​ប្រើ​វិធី​សាស្ត្រ​បង្កើត​កូន ជា​ជំនួយ​នោះ​ទេ។

ការ​ស្ទង់​មតិ​ថ្មី​ៗ​នេះ​បាន​បង្ហាញ​ការ​គាំ​ទ្រ​ក្នុង​សំឡេង​ភាគ​ច្រើន​ពី​ពល​រដ្ឋ​បារាំង​ចំពោះ​ការ​រៀប​ការ​ភេទ​ដូច​គ្នា​នេះ ថ្វី​បើ​មិន​មាន​សិទ្ធិ​សម្រាប់​គូ​ស្នេហ៍​ភេទ​ដូច​គ្នា​ក្នុង​ការ​សុំ​កូន​មក​ចិញ្ចឹម​ក៏​ដោយ។

មន្ត្រី​សង្ឃ​កាតូលិក​កំពូល​នៃ ព្រះ​វិហារ​ប៉ារីស​បព្វជិត​វីង ត្រូយ​កាល​ពី​ដើម​ខែ​នេះ​បាន​រិះ​គន់​រដ្ឋាភិបាល​ពី​បទ​ជំរុញ​ផែន​ការ​នេះ​នៅ​ដែល​ប្រទេស​នេះ​បាន​ប្រឈម​នឹង​កង្វល់​សេដ្ឋ​កិច្ច​បន្ទាន់​។

សម្ដេច​ប៉ាប់​បេណេឌីក បាន ជម្រាប​ក្រុម​បព្វ​ជិត​ជាន់​ខ្ពស់​បារាំង​ដែល​កំពុង​បំពេញ​ទស្សន​កិច្ច​បុរី​វ៉ាទីកង់​កាល​ពី​ថ្ងៃ​សៅរ៍​ថា​សូម​កុំ​«​ភ័យ​ខ្លាច​»ក្នុង​ការ​ផ្សព្វ​ផ្សាយ​ការ​ប្រៀន​ប្រដៅ​របស់​ព្រះ​គ្រិស្ត​។

សម្ដេច​សង្ឃ​អង្គ​នេះ​បាន​ថ្លែង​ថា៖«​នៅ​ក្នុង​កិច្ច​ពិភាក្សា​ដ៏​សំខាន់​អំពី​សង្គម​នេះ​សំឡេង​នៃ​វិហារ​ត្រូវ​តែ​ផ្សព្វ​ផ្សាយ​ឲ្យ​គេ​បាន​ដឹង​ឥត​ឈប់​ឈរ​និង​ដោយ​មាន​ការ​តាំង​ចិត្ត​»។ បុរី​វ៉ាទី​កង់​បាន​សន្យា​ក្នុង​ខែ​នេះថា នឹង​មិន​បោះ​បង់​ការ​ប៉ុន​ប៉ង​ប្រយុទ្ធ​ដើម្បី​លុប​បំបាត់​តួនាទី​បុព្វ​សិទ្ធិ​នៃ​អាពាហ៍​ពិពាហ៍​ភេទ​ដូច​គ្នា​នេះ​ឡើយ៕ PN