ភ្នំពេញ ប៉ុស្តិ៍
ក្រុងឡូសអេនជឺឡេសៈ ថ្វីដ្បិតតែការរៀបការអាចចំណាយប្រាក់អស់ច្រើនមែន ប៉ុន្តែចំពោះគូស្នេហ៍ដែលស្មោះស្ម័គ្រនឹងគ្នាក្នុងគ្រាក្រខ្សត់ ក៏អាចងាកទៅរកសេវាអាពាហ៍ពិពាហ៍ដ៏សាមញ្ញដែលមានតម្លៃមិនដល់១០០ ដុល្លារផងដែរ។
សេវាកម្មថ្មីមួយមានឈ្មោះថា រថយន្តរៀបការឡាសវេហ្គាស ដែលមានផ្តល់ជូននូវរថយន្តសម្រាប់ដឹកគូស្នេហ៍រៀបមង្គលការជិះ ដើរកម្សាន្តនៅទីកន្លែងនានាមួយចំនួនតាមចំណូលចិត្ត។ សេវាកម្មផ្តល់ពិសេស ក៏មានវត្តមានសាក្សី ឬអាចារ្យផ្សំផ្គុំណែនាំមានរយៈពេល ១៥ នាទី ដែរ ដោយត្រូវចំណាយប្រាក់ សរុប៩៩ដុល្លារ។ សេវាកម្មនេះបានចាប់ផ្តើមកាលពីសប្តាហ៍មុនដោយមានគូស្វាមីភរិយា ៤គូហើយ ដែលទទួលយកវា។
ចំពោះសេវាកម្មនេះក៏បានថតរូបភាពនៃគូស្នេហ៍ដោយឥតលាក់លៀមអ្វី ឡើយ ហើយក៏ផ្ញើទៅឲ្យពួកគេទាំងអស់ដែរតាមសារអេឡិចត្រូនិក។
តែក្រុមហ៊ុនមិនបានផ្តល់ជូន នូវសេវាកម្មផ្នែកសំបុត្រអាពាហ៍ពិពាហ៍តាមផ្លូវច្បាប់ឡើយ។
មានបុរសពីរនាក់សម្រាប់ជួយចាត់ចែងនូវសេវាកម្មមួយនេះ។ សេវាកម្មថ្មីនេះទទួលបានការចាប់អារម្មណ៍ទើបគេក៏បានបង្កើតឲ្យ មានរថយន្តសម្រាប់ដឹកគូស្នេហ៍រៀបការនេះឡើងបន្ទាប់បានសិក្សាពី គំរូតាមការតុបតែងរបស់រថយន្តក្រុងឈ្មោះថា Hangover Heaven មក។ មិនតែប៉ុណ្ណោះក្រុមហ៊ុនក៏បានផ្តល់ជូននូវថ្នាំវីតាមីនប៉ូវ កម្លាំងដល់ពួកគេផងដែរ បន្ទាប់ពីពួកគេអស់កម្លាំងនាពេលរាត្រីចន្ទទឹកឃ្មុំនោះ។
ចំពោះអ្នកមានគំនិតបង្កើតសេវាកម្មនេះគឺលោក អេនឌី ហ្គុងហ្សាឡេ និង ចេម កាស បានគិតឃើញកាលពីឆ្នាំមុន។ តែចាប់ពីពេលពួកគេបានប្រទះឃើញរថយន្តក្រុង Hangover Heaven មកស្រាប់តែបង្កើតឲ្យមានសេវាកម្មនេះភ្លាមតែម្តង។
ម្នាក់ក្នុងចំណោមបុរសទាំងពីរខាងលើបាននិយាយថា៖«យើងកំពុងតែគិត រឿងនោះថា តើគួរតែបង្កើតវាដែរទេ? បន្ទាប់ពីពួកយើងបានឃើញគំរូនៃការរៀបចំតុបតែងយកលំនាំតាមរថយន្តក្រុង Hangover មកយើងក៏ឯកភាពគ្នាយកគំនិតនោះ»៕
