ភ្នំពេញ ប៉ុស្តិ៍
ទើបតែទិញម៉ូតូត្រូវគេប្លន់យកទៅបាត់
ឧត្តរមានជ័យ៖មនុស្សប្រុសអាយុ២៥ឆ្នាំម្នាក់ត្រូវបានគេប្លន់ម៉ូតូស្ថិតនៅស្រុកអន្លង់វែងខេត្តឧត្តរមានជ័យកាលពីថ្ងៃពុធទី២៣ឧសភា។ប៉ូលិសនិយាយថា បុរសរូបនោះត្រូវបានគេកាប់បីពូថៅបីសម្លាប់នៅនឹងកន្លែង។ នៅថ្ងៃកើតហេតុបុរសរូបនោះបានជិះលើម៉ូតូឌុបរបស់ខ្លួនដើម្បីចាំភ្ញៀវជិះប៉ុន្តែរូបគេចាំនៅកន្លែងស្ងាត់។ជនសង្ស័យបានប្រើប្រាស់ពូថៅដើម្បីវាយប្រហារជននោះឲ្យរបួសធ្ងន់។ ជនរងគ្រោះត្រូបានបញ្ជូនទៅកាន់មន្ទីរពេទ្យភ្លាមៗ។ប្រពន្ធជនរងគ្រោះនិយាយថា រូបគេទើបតែទិញម៉ូតូថ្មីមកធ្វើជាម៉ូតូឌុប។គ្មាននរណាម្នាក់ដឹងពីមុខជនសង្ស័យនោះទេ។ ប៉ូលិសកំពុងតាមស៊ើបចាប់ជនសង្ស័យនោះ។
សិស្សស្រីម្នាក់ត្រូវរថយន្តកិនស្លាប់មួយរំពេច
កណ្តាល៖និស្សិតច្បាប់ម្នាក់ភេទស្រីអាយុ១៩ឆ្នាំ ត្រូវរថយន្តកិនស្លាប់មួយរំពេចគួរឲ្យអាណិតអាសួរស្ថិតនៅក្រុងតាខ្មៅខេត្តកណ្តាលកាលពីថ្ងៃពុធទី២៣ឧសភា។ប៉ូលិសនិយាយថានៅថ្ងៃកើតហេតុស្រ្តីរូបនោះបានជិះម៉ូតូពីសាលាមកផ្ទះ។ខណៈដែលនាងកំពុងជិះក៏ត្រូវរថយន្តដឹកដីកិនពីក្រោយពេញទំហឹង។សាក្សីនិយាយថារថយន្តបានបើកបរក្នុងល្បឿនលឿនបានបើកបុកកិនស្រ្តីរូបនោះដែលជិះក្នុងទឹកដីស្របគ្នា។រួចហើយរត់គេចខ្លួនបាត់។ប៉ូលិសកំពុងតាមស៊ើបតាមចាប់អ្នកបើកបររូបនោះ។
សិស្សសាលាម្នាក់ជួញដូរគ្រឿងញៀនត្រូវប៉ូលិសក្របួចបាន
ភ្នំពេញ៖ប៉ូលិសខណ្ឌទួលគោករាជធានីភ្នំពេញបានចាប់ខ្លួនសិស្សអាយុ១៧ឆ្នាំម្នាក់ដែលជាប់ពាក់ព័ន្ឋនឹងការជួយដូរគ្រឿងញៀនកាលពីពុធទី២៣ឧសភា។ប៉ូលិសនិយាយថាបុរសរូបនោះគឺជាសិស្សវិទ្យាល័យ។នៅថ្ងៃកើតហេតុជននោះបានដាក់យ៉ាម៉ាប៉ុន្មានគ្រាប់នៅក្នុងសំបុត្រផ្ញើទៅកំពតតាមតាក់ស៊ីតែត្រូវប៉ូលិសឃាត់បាន។បុរសរូបនោះបានសារភាពហើយថាខ្លួនមានបំណងផ្ញើទៅមិត្តភក្តិរបស់ខ្លួននៅខេត្តកំពត។ប៉ូលិសនិយាយថាគាត់គឺជាសិស្សសាលាមិនគួរហ៊ានផ្ញើថ្នាំថ្នាំញៀននោះទេ។បច្ចុប្បន្នប៉ូលិសបញ្ជូនពួកគេទៅកាន់តុលាការ។
ដេកក្នុងផ្ទះត្រូវគេមកកាប់ព្រោះឈ្លោះគ្នាដោយសាររឿងខ្ចីទូរសព្ទ័
កំពង់ចាម៖បុរសអាយុ២០ឆ្នាំស្ថិតនៅស្រុកក្រូចឆ្មាខេត្តកំពង់ចាមត្រូវគេចាក់កាលពីថ្ងៃពុធទី២៣ឧសភា។ប៉ូលិសនិយាយថាខណៈរូបគេកំពុងគេងលង់លក់ក្នុងផ្ទះក៏មានជនសង្ស័យមកកាប់ក្នុងផ្ទះតែម្តង។ជនរងគ្រោះបានដឹងពីមុខជនសង្ស័យយ៉ាងច្បាស់។ជនរងគ្រោះនិយាយថារូបគេនិងជនសង្ស័យបានធ្លាប់ឈ្លោះប្រកែកគ្នាគ្រាន់តែរឿងទូរសព្ទ័ខ្ចី។ជនរងគ្រោះត្រូវបានបញ្ជូនទៅកាន់មន្ទីរពេទ្យ។ជនរងគ្រោះបានប្រាប់ពីភិនភាគជនសង្ស័យទៅប៉ូលិស។ពេលប៉ូលិសចាប់ខ្លួនដល់ផ្ទះជននោះបានរត់គេចខ្លួនបានទៅហើយ។
សាកសពស្រ្តីម្នាក់រកឃើញអណ្តែតក្នុងទឹកសង្ស័យករណីឃាតកម្ម
បន្ទាយមានជ័យោ៖ប៉ូលិសក្រុងប៉ោយប៉ែតខេត្តបន្ទាយមានជ័យបានប្រទះឃើញសពស្រ្តីម្នាក់ស្លាប់នៅក្នុងទឹកកាលពីថ្ងៃអង្គារទី២២ឧសភា។ប៉ូលិសនិយាយថាមានប្រជាពលរដ្ឋពីរនាក់បាននាំគ្នាទៅចុះទឹកពាំងមុជ។ក៏នាំគ្នាមុជក៏ប្រទះឃើញសាកសពនារីរងគ្រោះ។ពួកគេបានប្តឹងប៉ូលិស។ប៉ូលិសបានរកឃើញថាពិតជាស្លាប់ដោយករណីឃាតកម្មមែនព្រោះឃើញមានស្លាកស្នាមមួយចំនួននៅលើសាកសព។ប៉ូលិសបានដើររកគ្រួសារសាកសព។ប្តីរបស់សាកសព។បុរសរូបនោះនិយាយថាស្រ្តីជាប្រពន្ឋបានបាត់ពីផ្ទះពីរទៅបីថ្ងៃទៅហើយតែមិនឃើញទោះជាដើររកទៅណាក៏ដោយបន្ទាប់ពីស្រ្តីរូបនោះដើរផ្សារ។បច្ចុប្បន្នប៉ូលិសកំពុងតាមស៊ើបជាបន្តទៀត។
ប៉ូលិសចាប់ក្របួចបុរសម្នាក់ប្រព្រឹត្តបទប្លន់កាលពីឆ្នាំ២០០៩
ភ្នំពេញ៖ប៉ូលិសខណ្ឌចំការមនរាជធានីភ្នំពេញបានចាប់ខ្លួនបុរសអាយុ២៣ឆ្នាំម្នានក់កាលពីអង្គារទី២២ឧសភាដែលត្រូវបានចោទប្រកាន់ពីបទប្លន់កាលពីឆ្នាំ២០០៩។ប៉ូលិសនិយាយថាប៉ូលិសបានចាប់ខ្លួនបុរសរូបនេះដោយយោងតាមដីការបស់តុលាការ។បុរសរូបនោះបានចោទប្រកាន់ពីប្លន់ដែលប្រព្រឹត្តទៅកាលពីឆ្នាំ២០០៩។ប៉ុន្តែរូបគេគេចខ្លួនបាត់ទៅរស់នៅខេត្ត។រូបគេគិតថាប៉ូលិសប្រហែលជាភ្លេចករណីនេះបាត់ទៅហើយតែនៅពេលរូបគេមកដល់ភ្នំពេញមកលេងគ្រួសារស្រាប់តែប៉ូលិសឡើងចាប់ដល់ផ្ទះតែម្តង។បច្ចុប្បន្នប៉ូលិសបញ្ជូនពួកគេទៅកាន់តុលាការតាមនិតិវិធីច្បាប់។
ពិនដើរឆក់និងលួចរបស់គេពេកស្រ្តីពីរនាក់បងប្អូនត្រូវប៉ូលិសក្របួចបាន
ភ្នំពេញ៖បងប្អូនបង្កើតពីរនាក់ត្រូវបានចាប់ខ្លួនស្ថិតនៅខណ្ឌដូនពេញក្រុងភ្នំពេញបន្ទាប់ពីពួកគេតែងតែប្រព្រឹត្តឆក់ខ្សែកកាលពីថ្ងៃច័ន្ទ។ប៉ូលិសនិយាយថាប្រជាពលរដ្ឋបានប្តឹងនិងរាយការណ៍ថាមានស្រ្តីពីរនាក់តែងតែឆក់ដើរលួចឥវ៉ាន់គេដែលជាអ្នកដើរលេងនៅតាមមាត់ទន្លេ។ទើបប៉ូលិសឆ្មក់ចាប់បាននៅពេលរូបគេប៉ងប្រព្រឹត្តទៀត។អ្នកទាំងពីរបានសារភាពនូវទង្វើលរបស់ខ្លួនហើយថានេះមិនមែនជាលើកទីមួយនោះទេដែលខ្លួនប្រព្រឹត្ត។បច្ចុប្បន្នប៉ូលិសបញ្ជូនសំណុំរឿងទៅកាន់តុលាការ។
របួស៥នាក់ដោយសារវាយតប់គ្នាក្នុងពិធីមង្គលការមួយ
ភ្នំពេញ៖ប៉ូលិសខណ្ឌមានជ័យរាជធានីភ្នំពេញបាននិយាយថាបុរស៥នាក់បានរងរបួសដោយសារយុទ្ឋឆាកវាយប្រតប់គ្នាកាលពីថ្ងៃ១៥ឧសភា។ប៉ូលិសនិយាយថាពួកគេបានចូលរូមក្នុងពិធីមង្គលការជាមួយគ្នា។ខណៈដែលពួកគេចូលរូមពិធីមង្គលជាមួយគ្នាពួកគេក៏បានឈ្លោះប្រកែកគ្នា។គ្មាននរណាម្នាក់ដឹងពីហេតុផលនៃការវាយតប់ក្នុងពិធីនោះទេ។ពួកគេបានធ្វើឲ្យភ្ញៀវមានការភ័យស្លន់ស្លោ។ប៉ូលិសក៏បានដឹងថាអ្នករបួសទាំងអស់នោះនរណាគឺជាអ្នកបង្កហេតុនោះដែរ។ប៉ូលិសកំពុងតាមស៊ើបករណីនេះបន្តទៀត។
ម្នាក់ក្នុងចំណោម៥នាក់ត្រូវប៉ូលិសក្របួសបានរឿងប្លន់ម៉ូតូគេបាត
ព្រះសីហនុ៖បុរសមា្នក់ក្នុងចំណោម៥នាក់ត្រូវបានចាប់ខ្លួនដោយប៉ូលិសក្រុងព្រះសីហនុកាលពីថ្ងៃច័ន្ទ២១ឧសភា។ប៉ូលិសនិយាយថាប៉ូលិសបានទទួលពាក្យបណ្តឹងរឿងបាត់ម៉ូតូរបស់ជនរងគ្រោះប៉ូលិសក៏បានចុះទៅធ្វើការស៊ើបអង្កេត។សំណាងល្អប៉ូលិសបានរកឃើញមនុស្ស៥នាក់កំពុងត្រៀមម៉ូតូប៉ុន្តែប៉ូលិសចាប់បានភ្លាមៗតែប៉ូលិសចាប់បានតែម្នាក់នោះទេនៅសល់ម្នាក់៤ទៀតរត់គេចខ្លួនបាត់។បុរសនោះបានសារភាពនូវទ្វើលរបស់ខ្លួនហើយថាពួកគេប្រុងលក់ដែកលុយគ្នាតែត្រូវប៉ូលិសចាប់បាន។បច្ចុប្បន្នប៉ូលិសកំពុងសួរសំណួរពួកគេដើម្បីចាប់បក្សពួកគេបន្ថែមទៀតុ។
បុរសម្នាក់ត្រូវគេព្រួតវាយចាក់ស្ទើរស្លាប់ដោយសង្ស័យថាជារឿងគំនុំ
ភ្នំពេញ៖បុរសអាយុ៣០ឆ្នាំម្នាក់ត្រូវបានគេចាក់ចំក្បាលបណ្តាលឲ្យរបួសធ្ងន់ដោយមនុស្សមួយក្រុមហេតុហេតុការណ៍នេះស្ថិតនៅខណ្ឌសែនសុខរាជធានីភ្នំពេញកាលពីថ្ងៃច័ន្ទទី២១ឧសភា។ប៉ូលិសនិយាយថាខណៈដែលបុរសនោះជិះម៉ូតូបុរសពីរបីនាក់បានជិះម៉ូតូមកអែបហើយគំរាមចាក់។ពួកគេបានចាក់បុរសរូបនោះឲ្យរបួសធ្ងន់។អ្នកធ្វើដំណើរបានមកស្រែកឲ្យប៉ូលិសជួយ។ពួកគេបានភ័យស្លន់ស្លោហើយរត់គេចខ្លួនបាត់។ជនរងគ្រោះត្រូវបានបញ្ជូនទៅកាន់មន្ទីរពេទ្យ។ប៉ូលិសសន្និដ្ឋានថានេះជាករណីគំនុំមិនមែនប្លន់នោះទេព្រោះម៉ូតូស្ថិតនៅកន្លែងកើតហេតុ។បច្ចុប្បន្នប៉ូលិសកំពុងតាមចាប់ពួកគេដើម្បីផ្តន្ទាទោសតាមច្បាប់។
ស្រ្តីម្នាក់ត្រូវចោរប្លន់ម៉ូតូបាញ់ឲ្យរបួសធ្ងន់
ភ្នំពេញ៖ប៉ូលិសខណ្ឌពោធិសែនជ័យរាជធានភ្នំពេញបាននិយាយថាស្រ្តីម្នាក់ត្រូវបានគេប្លន់ម៉ូតូហើយបាញ់ឲ្យរបួសកាលពីថ្ងៃច័ន្ទទី២១ឧសភា។ប៉ូលិសនិយាយថាជនរងគ្រោះត្រូវបាញ់ដោយជនសង្ស័យបីគ្រាប់បណ្តាលឲ្យរបួសជាទម្ងន់។ប៉ូលិសបានរកឃើញគ្រាប់កាំភ្លើងចំនួន៦គ្រាប់តែត្រូវស្រ្តីរងគ្រោះចំនួន៣គ្រាប់។ជននោះបានគំរាមនាងដោយកាំភ្លើងដើម្បីប្លន់ម៉ូតូតែស្រ្តីរូបប្រទាញប្រទង់ជាមួយចោរទើបត្រូវពួកវាបាញ់ហើយយកម៉ូតូទៅបាត់ដោយសុវត្ថិភាព។បច្ចុប្បន្នប៉ូលិសកំពុងតាមស៊ើបចាប់ជនសង្ស័យ។
ស្រ្តីម្នាក់ត្រូវគេចាប់ខ្លួនដោយសារលួងដោះខ្សែកក្មេងស្រីបានសំរេច
ភ្នំពេញ៖ប៉ូលិសស្រុកទឹកថ្លារាជធានីភ្នំពេញបានចាប់ខ្លួនស្រ្តីអាយុ១៧ឆ្នាំម្នាក់ដែលល្បួងបោកយកខ្សែកក្មេងស្រីម្នាក់កាលពីថ្ងៃច័ន្ទ។ម្តាយជនរងគ្រោះបាននិយាយថានៅថ្ងៃកើតហេតុនាងបានយកកូនដែលមាអាយុ២ឆ្នាំទៅលេងសួន។នៅពេលកូនស្រីបានទៅលេងទោងសេះមានស្រ្តីម្នាក់លួលោមនាងដោះខែ្សក។ក្មេងស្រីនោះបានយប់ជាខ្លាំងទើបម្តាយដឹងស្រែកឆោឡោឲ្យគេជួយ។គ្រប់គ្នាបានជួយដេញចាប់ស្រ្តីប្រគល់ឲ្យសមត្ថកិច្ច។ស្រ្តីជាជនសង្ស័យនិយាយថាខ្លួនបានលួងក្មេងដោះខ្សែកហើយបោះខ្សែកទៅឲ្យក្មេងប្រុសម្នាក់។បច្ចុប្បន្នប៉ូលិសបញ្ជូនស្រ្តីរូបនោះទៅកាន់តុលាការ។
ផ្ទះរបស់លោកមន្ទីរពេទ្យព័ត៌មានខេត្តត្រូវចោរលួចគាស់
កំពង់ឆ្នាំង៖ប៉ូលិសក្រុងកំពង់ឆ្នាំងបាននិយាយថាផ្ទះរបស់លោកប្រធានមន្ទីរព៏ត៌មានខេត្ត ត្រូវបានចោរលួចគាស់ដោយក្រុមចោរមួយក្រុមកាលពីថ្ងៃសៅរ៏ទី១៩ឧសភា។ជនរងគ្រោះបាននិយាយថានៅថ្ងៃកើតហេតុសមាជិកក្នុងផ្ទះមិននៅផ្ទះនោះទេពួកគេបានទៅហូបអាហារជុំគ្នានៅក្រៅផ្ទះជាហេតុធ្វើឲ្យជនសង្ស័យមានឱកាសលួចចូលធ្វើសកម្មភាពរើកកាយទ្រព្យសម្បត្តិនិងលួច។ស្រ្តីជាប្រពន្ឋនិយាយថាជននោះបានយកលុយប្រមាណជា៦០០ដុល្លារ។ហើយរបស់របរក្នុងផ្ទះរញេរញៃទាំងអស់។ពួកគេមានបំណងយកទូរទស្សន៍និងកុំព្យូទ័រក៏ប៉ុន្តែម្ចាស់ផ្ទះមកដល់ទើបពួកគេរត់គេចបាត់។ប៉ូលិសកំពុងធ្វើការស្រាវជ្រាវចាប់ជនសង្ស័យទាំងនោះ។
បុរសម្នាក់ស្លាប់និងបីនាក់ទៀតរបួសធ្ងន់ដោយសារគ្រោះថ្នាក់ចរាចរ
ខេត្តកណ្តាល៖បុរសម្នាក់ស្លាប់និងបីនាក់របួសធ្ងន់ដោយសារគ្រោះថ្នាក់ចរាចរណ៍នៅស្រុកគៀនស្វាយខេត្តកណ្តាលកាលពីថ្ងៃច័ន្ទ២០ឧសភា។ប៉ូលិសនិយាយថាបុរសបីនាក់នោះបានបើកម៉ូតូហើយទៅបុកនឹងរ៉ឺម៉កពេញទំហឹងបណ្តាលឲ្យម្នាក់ស្លាប់និងបីនាក់ទៀតរបួសធ្ងន់។ប៉ូលិសបានរកឃើញថាពួកគេបើកបរក្នុងភាពស្រវឹងជាខ្លាំងហើយពួកគេបើកបរក្នុងល្បឿនលឿនទើបបណ្តាលឲ្យមានគ្រោះថ្នាក់យ៉ាងដូច្នេះ។ពួកគេបានបើកបុកវ៉ឺម៉កដែលចតនៅក្បែរផ្លូវ។បច្ចុប្បន្នពួកគេត្រូវបានបញ្ជូនទៅកាន់មន្ទីរពេទ្យ។ប៉ូលិសរក្សាម៉ូតូនិងរ៉ឺម៉កដើម្បីរកដំណោះស្រាយ។
បុរសម្នាក់ទាញកាំភ្លើងបាញ់គេតែរាលកៃត្រូវខ្លួនឯងវិញ
ភ្នំពេញ៖ប៉ូលិសខណ្ឌចំការមនរាជធានីភ្នំពេញបានចាប់ខ្លួនបុរសអាយុ២៩ឆ្នាំម្នាក់ដែលបង្កឲ្យមានការរាលកៃកាំភ្លើងនៅក្នុងពីធីមង្គលការមួយកាលពីថ្ងៃសុក្រទី១៨ឧសភា។ប៉ូលិសនិយាយថាបុរសរូបនេះនិងមិត្តភក្តិបានចូលរួមពិធីមង្គលការមួយជុំគ្នា។នៅថ្ងៃកើតហេតុបុរសរូបនោះបានបបួលមិត្តភក្តិបន្តចូលខារ៉ាអូខេ។មិត្តភក្តិខ្លះយល់ព្រមមិត្តភក្តិខ្លះបដិសេធធ្វើឲ្យបុរសរូបនោះខឹងសំបារជាខ្លាំងក៏យកកាំភ្លើងមកគំរាមតែត្រូវមិត្តភក្តិជួយឃាត់។តែចៃដន្យអាក្រកកាំភ្លើងបានរាលកៃបាញ់ត្រង់ជើងរបស់ខ្លួនឯងវិញ។ជននោះត្រូវបានបញ្ជូនទៅកាន់ទៅកាន់មន្ទីរពេទ្យ។
ប៉ូលិសចាប់បុរសបីនាក់រឿងលាក់អាវុធខុសច្បាប់
ស្ទឹងត្រែង៖ប៉ូលិសស្រុកសេសានខេត្តស្ទឹងត្រែងបានចាប់ខ្លួនបុរសបីនាក់ដែលប្រើប្រាស់និងទុកអាវុធខុសច្បាប់កាលពីថ្ងៃសុក្រទី១៨ឧសភា។ប៉ូលិសនិយាយថាអ្នកជិតខាងបានរាយការណ៍ប្រាប់ប៉ូលិសថាពួកគេឃើញបុរសបីនាក់កាន់កាំភ្លើង។ប៉ូលិសក៏បានចុះស្រាវជ្រាវរកឃើញថាពួកគេមានលាក់អាវុធខុសច្បាប់។ប៉ូលិសបានរកឃើញអាវុធមួយដើម។ពួកគេនិយាយថាពួកគេទុកអាវុធនេះទុកបាញ់សត្វព្រៃមិនបានបាញ់បង្កការភ័យខ្លាចចំពោះនរណានោះទេ។តែទោះជាយ៉ាងណាប៉ូលិសថាជាអំពើខុសច្បាប់។បច្ចុប្បន្នប៉ូលិសបញ្ជូនពួកគេទៅកាន់តុលាការ។
បុរសម្នាក់ត្រូវគេចាក់ប្លន់យកម៉ូតូប៊ិះស្លាប់
ភ្នំពេញ៖អ្នកធ្វើដំណើរម្នាក់បានប្រទះឃើញបុរសអាយុ៣៧ឆ្នាំម្នាក់ដេកដួលនឹងថ្លុកឈាមស្រែកហៅឲ្យជួយស្ថិតនៅខណ្ឌពោធិសែនជ័យរាជធានីភ្នំពេញកាលពីថ្ងៃសុក្រទី១៨ឧសភា។ប៉ូលិសនិយាយថាបុរសរូបនោះត្រូវគេចាក់បំពង់កនឹងកាំបិតក្នុងថ្លុកឈាមស្ទើរតែស្លាប់តែត្រូវគេបានគេបញ្ជូនសង្រ្គោះបន្ទាន់នៅមន្ទីរពេទ្យ។ប៉ូលិសសង្ស័យថានេះជាករណីប្លន់ព្រោះជនរងគ្រោះជាអ្នករត់ម៉ូតូឌុបតែកន្លែងហេតុមិនឃើញម៉ូតូជនរងគ្រោះនោះទេ។យ៉ាងណាក៏ដោយប៉ូលិសថាជនរងគ្រោះនៅមិនទាន់អាចនិយាយបាន។ប៉ូលិសកំពុងតាមស៊ើបករណីនេះ។
បុរសម្នាក់ត្រូវចាប់ខ្លួនព្រោះលក់ថ្នាំញៀន
បាត់ដំបង៖ប៉ូលិសក្រុងបាត់ដំបងចាប់ខ្លួនបុរសអាយុ២៣ឆ្នាំម្នាក់ពាក់ព័ន្ឋនឹងថ្នាំញៀនកាលពីថ្ងៃសៅរ៏ទី១៩ឧសភា។ប៉ូលិសបានរឹបអូសថ្នាំញៀន១០គ្រាប់។ប៉ូលិសបានសង្ស័យជាយូរមកហើយព្រោះបុរសរូបនេះតែងតែទៅកន្លែងស្ងាត់។ដំបូងប៉ូលិសមិនសង្ស័យនោះទេព្រោះជារឿងធម្មតាតែបុរសនោះទៅញឹកញាប់ពេក។ប៉ូលិសក៏បានចូលទៅចាប់។បុរសនោះភ័យស្លន់ស្លោររត់គេចតែត្រូវប៉ូលិសចាប់បានដដែល។បុរសនោះបានសារភាពហើយថាខ្លួនមានបំណងលក់ថ្នាំតែត្រូវប៉ូលិសចាប់បាន។បច្ចុប្បន្នប៉ូលិសបញ្ជូនពួកគេទៅកាន់តុលាការ។
បុរសពីរបីនាក់ចូលប្លន់ក្នុងផ្ទះគេតែត្រូវអ្នកជិតខាងធ្វើឲ្យផ្អើល
ព្រៃវែង៖ប៉ូលិសស្រុកកំពង់ត្របែកខេត្តព្រៃវែងបាននិយាយថាមានបុរសពីរបីនាក់បានចូលផ្ទះជនរងគ្រោះក្នុងគោលបំណងប្លន់ទ្រព្យសម្បត្តិប៉ុន្តែមិនទទួលបានជោគជ័យ។ប៉ូលិសនិយាយថានៅថ្ងៃកើតហេតុមានបុរសពីរបីនាក់បានចូលទៅផ្ទះជនរងគ្រោះដើម្បីប្លន់ប៉ុន្តែជនរងគ្រោះស្រែកឲ្យជិតខាងផ្អើលជួយទើបពួកគេភ័យខ្លាចរត់គេចខ្លួនអស់។សំណាងហើយដែលជនសង្ស័យមិនបានបង្កឲ្យមានអ្នករបួស។ជនរងគ្រោះមិនដឹងមុខពួកគេនោះទេព្រោះពួកគេពាក់ម៉ាក់គ្រប់ៗគ្នា។ប៉ូលិសកំពុងតាមស៊ើបករណីនេះថាតើនរណាជាចូលផ្ទះគេបំរុងនឹងប្លន់។
លួចហើយបំរុងនឹងលក់ម៉ូតូត្រូវប៉ូលិសដេញចាប់ទាល់តែបាន
បន្ទាយមានជ័យ៖ប៉ូលិសក្រុងសេរីសោភ័ណខណ្ឌមានជ័យបានចាប់ខ្លួនបុរសអាយុ២៣ឆ្នាំម្នាក់ដែលលួចម៉ូតូជនរងគ្រោះហើយប្រុងនឹងលក់នៅព្រំដែន។ប៉ូលិសនិយាយថាបុរសរូបនោះបានលួចម៉ូតូជនរងគ្រោះនៅសេរីសោភ័ណហើយជិះបំរុងនឹងលក់នៅក្រុងប៉ោយប៉ែតប៉ុន្តែត្រូវប៉ូលិសក្របួចបាន។ជននោះបានសារភាពនូវទង្វើលរបស់ខ្លួន។រូបគេបានលួចម៉ូតូនៅពេលជនរងគ្រោះភ្លេចចាក់សោរម៉ូតូនៅមុខផ្ទះ។ជននោះបានយកម៉ូតូមកលក់នៅតំបន់ប៉ោយប៉ែតប៉ុន្តែត្រូវប៉ូលិសស៊ើបអង្កេតចាប់បាន។បច្ចុប្បន្នប៉ូលិសបញ្ជូនជននោះទៅកាន់តុលាការតាមនីតីវិធីច្បាប់។
លួចលុយប្រពន្ឋហើយវាយប្រពន្ឋទៀតត្រូវប៉ូលិសចាប់ខ្លួន
បន្ទាយមានជ័យ៖ប៉ូលិសស្រុកមង្គលបុរីខេត្តបន្ទាយមានជ័យបានចាប់ខ្លួនបុរសអាយុ៣៤ឆ្នាំម្នាក់ដែលប្រើប្រាស់អំពើហិង្សាលើប្រពន្ឋខ្លួនឯងកាលពីថ្ងៃសៅរ៍ទី១៩ឧសភា។ប៉ូលិសនិយាយថាបុរសរូបនោះបានវាយប្រពន្ឋខ្លួនឯងបណ្តាលឲ្យរបួសត្រង់ភ្នែក។ជនរងគ្រោះដែលជាប្រពន្ឋនិយាយថាជនរងគ្រោះស្រវឹងស្ទើរតែរាល់ថ្ងៃ។ជននោះមិនដែលរក្សាក្រុមគ្រួសារនោះទេ។នៅថ្ងៃកើតហេតុជននោះបានស្រវឹងស្រាជាខ្លាំងហើយមកផ្ទះវិញបានលួចលុយប្រពន្ឋ។ប្រពន្ឋទ្រាំមិនបានក៏ចាប់ផ្តើមឈ្លោះទាស់ទែងគ្នា។បុរសជាប្តីបានវាយប្រពន្ឋខ្លួនឯងត្រង់ភ្នែករបួសធ្ងន់។ជននោះប្រុងនឹងរត់គេចតែត្រូវប៉ូលិសក្របួចបាន។
ប៉ូលិសចាប់បុរស៤នាក់ដែលទៅកាប់ឪពុកកូនគេដល់ផ្ទះ
បាត់ដំបង៖ប៉ូលិសក្រុងបាត់ដំបងចាប់ខ្លួនបុរសបួននាក់ដែលទៅវាយតប់កូននិងឪពុកគេឲ្យរបួសកាលពីទី១៩ឧសភា។ប៉ូលិសនិយាយថានៅថ្ងៃកើតហេតុខណៈដែលជនរងគ្រោះទាំងពីរនាក់កំពុងបរិភោគអហារពេលល្ងាចមានបុរសស្ទាវ៤នាក់ចូលក្នុងផ្ទះជនរងគ្រោះហើយយកពូថៅនិងដំបងទៅវាយកាប់គេ។អ្នកជិះខាងបានផ្អើលឆោឡោនិងប្តឹងប៉ូលិសទើបជនទាំងបួននាក់នោះជាប់អន្ទាក់ប៉ូលិសទាំងអស់។ពួកគេបានសារភាពថាពួកគេមានគំនុំជាមួយកូនទើបមកវាយដល់ផ្ទះតែម្តង។បច្ចុប្បន្នប៉ូលិសបញ្ជូនពួកគេទៅកាន់តុលាការ។
អ្នកលួចអាគុយរថយន្តពីរនាក់ត្រូវប៉ូលិសចាប់បាន
ភ្នំពេញ៖ប៉ូលិសខណ្ឌ៧មករារាជធានីភ្នំពេញបានចាប់ខ្លួនបុរសពីរនាក់ដែលលួចអាគុយរថយន្តរបស់គេកាលពីថ្ងៃអាទិត្យទី២០ឧសភា។ពួកគេទាំងពីរមានអាយុ១៨ឆ្នាំនិង១៩ឆ្នាំ។ពួកគេគឺជាអ្នករើសអេដចាយ។នៅថ្ងៃកើតហេតុពួកគេបានលួចអាគុយរថយន្ត។ប៉ូលិសនិយាយថាប៉ូលិសមិនដែលចាប់បាននោះទេចំពោះអ្នកលួចអាគុយឡាននាពេលកន្លេងមក។ប៉ូលិសធ្លាប់តែទទួលពាក្យបណ្តឹងរឿងបាត់អាគុយរថយន្ត។នៅពេលពួកគេកំពុងធ្វើសកម្មភាពប៉ូលិសដែលយាមល្បាតបានឃើញហើយចាប់ពួកគេតែម្តង។ប៉ូលិសបញ្ជូនពួកគេទៅកាន់តុលាការតាមនិតិវិធីច្បាប់។
បុរសម្នាក់ត្រូវគ្រួសារគេវាយឡើងទ្រោមខ្លួនព្រោះញែកូនស្រីគេ
កណ្តាល៖បុរសអាយុ២៥ឆ្នាំម្នាក់ត្រូវបានក្រុមគ្រួសារគេព្រួតវាយឡើងយទ្រោមខ្លួនស្ថិតនៅស្រុកស្អាងខេត្តកណ្តាលកាលពីអាទិត្យទី២០ឧសភា។ប៉ូលិសនិយាយថានៅថ្ងៃកើតហេតុបុរសរូបនោះបានទិញដូងពីស្រ្តីម្នាក់ដែលជាអ្នកលក់។បុរសរូបនោះបានញែស្រ្តីរូបនោះនៅនឹងកន្លែងលក់តែម្តងទើបធ្វើឲ្យក្រុមគ្រួសារខឹងជាខ្លាំងហើយព្រួតវាយបុរសរូបនោះរហូតដល់បាក់ដៃ។ក្រុមគ្រួសារនិយាយថារូបគេហាក់បីដូចជាមិនខ្លាចញញើតនឹងក្រុមគ្រួសារគេតិចសោះ។ក្រុមគ្រួសារមិនបានប្តឹងប៉ូលិសនោះទេហើយបុរសរូបនោះត្រូវបានបញ្ជូនទៅមន្ទីរពេទ្យរៀងចាលឈប់ធ្វើអញ្ជឹងទៀត។
សូមមិត្តអ្នកអាន ចូលរួមផ្តល់ព័ត៌មាន ទាក់ទិននឹងឧក្រិដ្ឋកម្មផ្សេងៗ រួមមាន ៖ ការរំលោភសេពសន្ថវៈស្ត្រី និងកុមារ អំពើហិង្សាក្នុងគ្រួសារ អំពើពុករលួយ ឧក្រិដ្ឋកម្មព្រៃឈើ ការបំផ្លិចបំផ្លាញសម្បត្តិធម្មជាតិ ការគៃបន្លំថវិកាជាតិ និងអំពើល្មើសច្បាប់ដូចជា ករណីចោរលួច ឬ ប្លន់ នានា តាមរយៈទូរស័ព្ទ ០១២ ៩២១ ០៥៣/០១២ ៥១៧ ៩៤៥/០១២ ៨៦២ ៦១២/ ០១២ ៨៩៦ ២៧៤/០១៧ ៨២៩ ២៥៩ ឬអ៊ីមែល:pk@phnompenhpost.com, editors@phnompenhpost.com , reporters@phnompenhpost.com
ការពង្រឹងសន្តិសុខ និងសុវត្ថិភាពសង្គម ជាកាតព្វកិច្ចរបស់យើងទាំងអស់គ្នា។
