ទីក្រុង​ស៊ាងហៃៈ វា​ជា​រឿង​ដ៏​អស្ចារ្យ​ដោយ​ក្រុមហ៊ុន​រថយន្ត​ឯកជន​នៅ​ប្រទេស​ចិន​បាន​ ដាក់​បង្ហាញ​រថយន្ត ដែល​មាន​តម្លៃ​ជាង​៥០​លាន​ដុល្លារ សម្រាប់​ការ​បង្ហាញ​រថយន្ត​ទំនើបៗ​នៅ​ឯទីលាន​ប្រណាំង​​រថយន្ត F1 នៃ​ទីក្រុង​ស៊ាងហៃ។

ការ​ដាក់​បង្ហាញ​រថយន្ត​ទំនើបៗ​ចំនួន ៨០ គ្រឿង ដែល​មាន​តម្លៃ​ជាង ៥០ លាន​ដុល្លារ​នោះ គឺជា​ការ​បង្ហាញ​នូវ​ស្ថាន​ភាព​មាន​ទ្រព្យ​ធន​ស្តុក​ស្តម្ភ​របស់​ប្រទេស ចិន​បាន​កើន​ឡើង​យ៉ាង​ចម្លែក​តែ​ម្តង។

គួរ​បញ្ជាក់​ថា ប្រទេស​ចិន​រំពឹង​ថា ទីផ្សារ​លក់​ផលិតផល​រថយន្ត​របស់​ខ្លួន​នឹង​រីក​លូត​លាស់​យ៉ាង​ឆាប់​រហ័ស​ ដូច​ក្រុមហ៊ុន​ផលិត​រថយន្ត​របស់​អង់គ្លេស​ដូច​ជា ក្រុម​ហ៊ុន​រថយន្ត​ម៉ាក Bentley ក្រុមហ៊ុន​ម៉ាក Jaguar និង Rolls-Royce ផង​ដែរ។

តែ​គេ​កត់​សម្គាល់​ឃើញ​ថា ការ​រចនា​សោភណភាព​រថយន្ត​របស់​អង់គ្លេស នៅ​ចាញ់​ការ​រចនា​របស់​ក្រុម​ហ៊ុន​ចិន​នៅ​ស៊ាងហៃ​នៃ​ក្រុមហ៊ុន Unique Motorsport Club Superclub Challenge ដែល​បាន​បង្ហាញ​កាល​ពី​ថ្ងៃ​អាទិត្យ​មក​នោះ​ទេ។

រថយន្ត​ដាក់​តាំង​នៅ​ជួរ​មុខ​ចំនួន ៥ គ្រឿង​នោះ​មាន​តម្លៃ​ជាង ១៨ លាន ដុល្លារ ខណៈ​រថយន្ត​ចំនួន​បី​ម៉ាក Bugatti Veyron មាន​តម្លៃ​ជាង ៤ លាន​ដុល្លារ​ក្នុង​មួយ​គ្រឿង។ ក្រៅ​ពី​នោះ​នៅ​មាន​រថយន្ត​មាន​តម្លៃ​ជា​ច្រើន​ទៀត៕PR