ភ្នំពេញ ប៉ុស្តិ៍
ក្រុងព្រូសែល៍ៈ គណៈកម្មការអឺរ៉ុប និងរដ្ឋបាលសន្តិសុខដឹកជញ្ជូនរបស់អាមេរិក បានយល់ព្រមទទួលស្គាល់គ្នាទៅវិញទៅមក លើការបញ្ហាសន្តិសុខដឹកជញ្ជូនទំនិញតាមផ្លូវអាកាស ជាដំណើរការមួយដែលនឹងកាត់ការចំណាយសម្រាប់ការដឹកជញ្ជូន។
លោក Siim Kallas ប្រតិភូសហគមន៍អឺរ៉ុបទទួលបន្ទុកខាងដឹកជញ្ជូនបានមានប្រសាសន៍ថា «ការឆ្លងកាត់និតិវិធីសន្តិសុខ នឹងទទួលបានភាពចំណេញច្រើន ទាំងពេលវេលា និងថវិកាសម្រាប់ប្រតិបត្តិករដឹកជញ្ជូន»។
ការព្រមព្រៀងគ្នានេះនឹងចូលជាធរមាននៅថ្ងៃសុក្រនេះ។ លោកបញ្ជាក់ថា តម្លៃសន្តិសុខអាចចំណាយច្រើនជាង៤ភាគរយនៃពាណិជ្ជកម្មដឹកជញ្ជូន និងការចំណាយលើការឆ្លងកាត់មហាសមុទ្រអាត្លង់ទិចអាចមានចំនួន៥ដងនៃការដឹកជញ្ជូនតាមអាកាស។ ការគ្រប់គ្រងរួមជាមួយនិងសហគមន៍អឺរ៉ុប ចំណេញបាន១០លានអឺរ៉ូក្នុងមួយឆ្នាំដោយប៉ះពាល់ជាអវិជ្ជមានលើសន្តិសុខ។
មានទំនិញដឹកតាមអាកាសជាង១លានតោនរវាងសហគមន៍អឺរ៉ុប និងអាមេរិកក្នុងមួយឆ្នាំ ហើយកាលពីឆ្នាំ មុនមានតម្លៃជាង១០៧ពាន់លានអឺរ៉ូ ស្មើ ២៧ភាគរយនៃតម្លៃទំនិញនាំចេញតាមជើងអាកាសទាំងអស់ ដោយសហគមន៍អឺរ៉ុប។ Reuters/ លាង ផាន់ណារ៉ា
