ភ្នំពេញ ប៉ុស្តិ៍
ហ្សឺណែវៈកងកំលាំងប្រទេសស៊ីរីនិងកងទាហាន shabbiha ដែលត្រូវចោទប្រកាន់ពីបទសម្លាប់រង្គាលនៅ Houla ប្រហែលជាប្រឈមនឹងការកាត់ទោសពីបទឧក្រិដ្ឋកម្មប្រឆាំងមនុស្សជាតិ។ នេះបើយោងតាមលោកស្រី Navi Pillay បេសកជនសិទ្ធិមនុស្សជាន់ខ្ពស់របស់អង្គការសហប្រជាជាតិបានឲ្យដឹងនៅថ្ងៃសុក្រនេះ។
លោកស្រី Pillay នៅក្នុងសុន្ទរកថា ដែលអានជំនួសក្នុងកម្មវិធីពិសេសរបស់ក្រុមប្រឹក្សាសិទ្ធិមនុស្សអង្គការសហប្រជាជាតិបាន និយាយថា «ទង្វើទាំងនោះជាទង្វើឧក្រិដ្ឋកម្មប្រឆាំងមនុស្សជាតិនិង ឧក្រិដ្ឋកម្មអន្តរជាតិផេ្សងទៀត ហើយក៏អាចជាការបង្ហាញពីទំរង់នៃការវាយប្រហារជាប្រព័ន្ធឬទូលំទូលាយ ទៅលើប្រជាជនស៊ីវិល ដែលត្រូវបានគេប្រព្រឹត្តលើដោយមិនដឹងអី»។
លោកស្រី Pillay អតីតចៅក្រមឧក្រិដ្ឋកម្មសង្រ្គាមបានបន្ថែមថា «ខ្ញុំបញ្ជាក់ម្តងទៀតថា បើនរណាម្នាក់មិនឈប់វាយប្រហារលើជនស៊ីវិល អ្នកនោះត្រូវទទួលខុសត្រូវពីបទឧក្រិដ្ឋដោយសកម្មភាពរបស់ពួកគេខ្លួនឯង»។ Reuters /លាង ផាន់ណារ៉ា
