ភ្នំពេញ ប៉ុស្តិ៍
ក្រុងប៉េកាំងៈ ប្រព័ន្ឌផ្សព្វផ្សាយ បាននិយាយកាលពីថ្ងៃអាទិត្យថា ប្រទេសចិននឹងបង្កើនការឃ្លាំមើល របស់ខ្លួន ប៉ុន្តែមិនធ្វើការវាយបក វិញទេ បន្ទាប់ពីអាមេរិក បានប្រកាសថា ខ្លួននឹងផ្លាស់ប្តូរទីតាំងនាវាចម្បាំងភាគច្រើនបំផុតរបស់ខ្លួនទៅកាន់តំបន់អាស៊ី-ប៉ាស៊ីហ្វិកនៅឆ្នាំ២០២០។
ប្រសាសន៍របស់ឧត្តសេនីយ៍ឯក នៃកងទ័ពរំដោះប្រជាជន លោករ៉េន ហៃគន់ គឺជាប្រតិកម្មសាធា រណៈដំបូងរបស់ទីក្រុងប៉េកាំងចំពោះសេចក្តីថ្លែងការណ៍របស់រដ្ឋមន្ត្រីការពារជាតិអាមេរិកលោកឡេ អូន ផាណេតាកាលពីថ្ងៃសៅរ៍ថា មន្ទីរបញ្ចកោណនឹងប្តូរទីតាំងកងនាវាជើងទឹករបស់ខ្លួន ប្រមាណជា៦០ភាគរយនៃនាវាចម្បាំងរបស់ខ្លួនទៅកាន់តំបន់អាស៊ី-ប៉ាស៊ីហ្វីក នៅដំណាច់ទសវត្សរ៍នេះ ដោយ៥០ភាគរយពីពេលនេះទៅ។
ដោយកំពុងដឹកនាំប្រតិភូចិនទៅ ចូលរួមវេទិកាសន្តិសុខតំបន់នៅ សិង្ហបុរីជាទីដែលលោកផាណេតា បានប្រកាសពីការផ្លាស់ប្តូរនោះ លោករ៉េន បានថ្លែងថា៖ «ជាដំបូង យើងមិនគួរចាត់ទុកបញ្ហានេះជា មហន្តរាយទេ។ ខ្ញុំជឿជាត់ថានេះគឺជា ការឆ្លើយតបរបស់អាមេរិកចំពោះផលប្រយោជន៍ជាតិខ្លួនរបស់គេ ការលំបាកខាងសារពើពន្ធនិងការវិវត្តសន្តិសុខពិភពលោក»។
សូមអានព័ត៌មានពិស្តារនៅក្នុងកាសែតភ្នំពេញប៉ុស្តិ៍ ភាសារខ្មែរ។
