ភ្នំពេញ ប៉ុស្តិ៍
ក្រុងសិង្ហបុរីៈ រដ្ឋមន្រ្តីការពារជាតិនៃប្រទេសអាស៊ីភាគអាគ្នេយ៍ មួយនេះ បាននិយាយកាលពីថ្ងៃសៅរ៍ថា មីយ៉ាន់ម៉ា បានបោះបង់ចោលការស្រាវជ្រាវស្តីពីកម្មវិធីនុយក្លេអ៊ែរមួយដែលចំណាយពេលច្រើនយ៉ាងនេះពុំមានការរីកចម្រើន និងបានដកខ្លួនពីទំនាក់ទំនងយោធានិងនយោបាយយ៉ាង ជិតស្និទ្ធជាមួយកូរ៉ខាងជើង។
របាយការណ៍ព័ត៌មានកាលពីពីរឆ្នាំមុន បានបង្ហាញថា មីយ៉ាន់ម៉ា ទទួលបានបច្ចេកវិទ្យាសម្រាប់ចម្រាញ់សារធាតុអ៊ុយរ៉ានីញ៉ូមពីកូរ៉េខាងជើងជាមួយផ្នែកជាច្រើនសម្រាប់អំពីកម្មវិធីអាវុធនុយក្លេ អ៊ែរ។ របាយការណ៍ទាំងនេះ ផ្អែកលើបទសម្ភាសជាច្រើនជាមួយវរសេនីយ៍ត្រីកងទ័ពម្នាក់ដែលចូលរួមក្នុងកម្មវិធីនេះ និងបានផ្តាច់ខ្លួនជាមួយឯកសារជាច្រើនដែលបានកត់ត្រាគម្រោងនេោះ។
នៅឯវេទិកាសន្តិសុខប្រចាំឆ្នាំShangri-Laនៅសិង្ហបុរីដែលត្រូវចូលរួមដោយក្រុមមេដឹកនាំស៊ីវិល និងយោធាជាន់ខ្ពស់ រដ្ឋមន្រ្តីការពារជាតិមីយ៉ាន់ម៉ា ឧត្តមសេនីយ៍ឯក ឡា មីន បានថ្លែងថា៖ «យើង បាននិយាយយ៉ាងច្បាស់រួចហើយថា វាមិនមែនសម្រាប់វិស័យការពារជាតិទេ។ វាមិនមែនសម្រាប់អាវុធទេ។ វាគ្រាន់តែជាការស្រាវជ្រាវពីអតីតកាល»។
សូមអានព័ត៌មានពិស្តារនៅក្នុងកាសែតភ្នំពេញប៉ុស្តិ៍ ភាសារខ្មែរ។
