ភ្នំពេញ ប៉ុស្តិ៍
កំពង់ស្ពឺៈលោកកែវ ពិសី ស្នងការនគរបាលខេត្ត បានឲ្យដឹង នៅថ្ងៃនេះថា ជនសង្ស័យ៥នាក់ ពាក់ព័ន្ធការចែកចាយថ្នាំញៀន ត្រូវបានសមត្ថកិច្ចស្រុកសំរោងទងឃាត់ខ្លួន កាលពីថ្ងៃទី៦ ខែមិថុនា ឆ្នាំ២០១២ នៅក្នុងភូមិត្រពាំងអំពិល ឃុំត្រពាំងគង ស្រុកសំរោងទង ខេត្តកំពង់ស្ពឺ បញ្ជូនទៅតុលាការហើយ។ លោកបញ្ជាក់ថា៖ «ជនសង្ស័យ ត្រូវបានបញ្ជូនទៅតុលាការ ដើម្បីសាកសួរហើយ ព្រះរាជអាជ្ញាកំពង់តែសាកសួរ»។
លោក ឃុត សុផល អធិការស្រុកសំរោងទង បានប្រាប់ថា ជនសង្ស័យទាំង៥នាក់មានឈ្មោះ ហ៊ល ស៊ីថុល ភេទប្រុស អាយុ ២៤ឆ្នាំ មានទីលំនៅភូមិព្រៃគុយ ឃុំត្រពាំងគង ស្រុកសំរោងទង ឈួន មិនា ភេទប្រុស អាយុ២៦ឆ្នាំ នៅភូមិថ្នល់ទទឹង ឃុំដំណាក់អំពិល ស្រុកអង្គស្នួល សុង ចាន់សាន្ត ភេទប្រុសអាយុ ២៦ឆ្នាំ នៅភូមិព្រៃគោ ឃុំលំហាច ស្រុកអង្គស្នួល សាន់ វណ្ណី ភេទប្រុស អាយុ២៦ឆ្នាំ នៅភូមិកែវឧត្តម ឃុំត្រពាំងគង ស្រុងសំរោងទង និង ប៊ុន សីហះ ភេទប្រុស អាយុ២៥ឆ្នាំ នៅភូមិ វត្តអង្គ ឃុំរលាំងគ្រឿង ស្រុកសំរោងទង ខេត្ត កំពង់ស្ពឺ ត្រូវបានសមត្ថកិច្ច ចាប់ខ្លួនបានជាបន្តបន្ទាប់ នៅថ្ងៃទី៥-៦ខែមិថុនា ឆ្នាំ២០១២ នៅក្នុងភូមិ ត្រពាំងអំពិល ឃុំត្រពាំងគង ស្រុកសំរោងទង ខេត្តកំពង់ស្ពឺ។
សូមរង់ចាំអានព័ត៌មានពិស្តារក្នុងកាសែតភ្នំពេញ ប៉ុស្តិ៍
