ភ្នំពេញ ប៉ុស្តិ៍
ខឹងប្អូនថ្លៃយកលាមកគប់បងថ្លៃទាញដំបងវាយបាក់ដៃទាំងពីរ
បាត់ដំបង៖បុរសអាយុ៣៤ឆ្នាំម្នាក់ត្រូវបានប៉ូលិសចាប់ខ្លួនកាលពីថ្ងៃព្រហស្បត្តិ៍បន្ទាប់ពីបុរសរូបនេះត្រូវបានចោទប្រកាន់ថាបានប្រើអំពើហឹង្សាបង្កអោយប្អូនថ្លៃរបស់ខ្លួនរបួសធ្ងន់នៅក្នុងស្រុកភ្នំព្រឹកខេត្តបាត់ដំបង។ប៉ូលិសបានអោយដឹងថាជនសង្ស័យបានមកតាមប្រពន្ធរបស់ខ្លួនដែលកំពុងតែស្នាក់នៅជាមួយនឹងឪពុកម្តាយរបស់នាង។ពេលនោះប្អូនថ្លៃរបស់ជនសង្ស័យអាយុ១៩ឆ្នាំបានរារាំងមិនអោយគេចូលទៅជួបប្រពន្ធរបស់គេ។ក្នុងខណៈពេលនោះប្អូនថ្លៃរូបនោះបានទាញកាំបិតផ្គាក់ដេញកាប់ហើយថែមទាំងបានយកលាមកមកគប់លើជនសង្ស័យជាបងថ្លៃប្រឡាក់ពេញខ្លួន។ជនសង្ស័យជាបងថ្លៃទ្រាំមិនបានក៍ទាញគល់ឬស្សីមួយវាយលើប្អូនថ្លៃបណ្តាលអោយបាក់ដៃទាំងពីរនិងរបួសលើដងខ្លួនមួយចំនួនទៀត។ប៉ូលិសបានចាប់ខ្លួនជនសង្ស័យបន្ទាប់ពីឪពុកក្មេករបស់គេដាក់ពាក្យបណ្តឹងប្តឹងគេ។
ជនមិនស្គាល់មុខកាប់កម្មករម្នាក់ស្លាប់២នាក់របួសធ្ងន់
បាត់ដំបង៖បុរសជាកម្មករបើកត្រាក់ទ័រម្នាក់អាយុ២៧ឆ្នាំបានស្លាប់ភ្លាមៗនិងអ្នករួមការងារ២នាក់ផ្សេងទៀតរងរបួសធ្ងន់បន្ទាប់ពីជនមិនស្គាល់មុខបានពូនស្ទាក់កាប់ពួកគេកាលពីថ្ងៃព្រហស្បត្តិ៍នៅក្នុងស្រុកគាស់ក្រឡ។យោងតាមប៉ូលិសបានអោយដឹងថាពួកជនរងគ្រោះបានចេញពីផឹកស៊ីបំរុងឡើងជិះត្រាក់ទ័រត្រឡប់ទៅកន្លែងស្នាក់នៅ។ពេលនោះមានជនមិនស្គាល់មុខចេញពីទីងងឹតមកកាប់ពួកគេហើយរត់គេចខ្លួនបាត់។ប៉ូលិសបានអះអាងថាករណីកាប់បណ្តាលអោយស្លាប់និងរបួសនេះបណ្តាលមកពីគំនុំព្រោះថាកាលពីប៉ុន្មានថ្ងៃមុនជនរងគ្រោះដែលស្លាប់មានជម្លោះវាយតប់គ្នានឹងបុរសម្នាក់នៅក្នុងភូមិ។ប៉ូលិសកំពុងតែស្រាវជ្រាវរកមុខជនល្មើស។
រថយន្តមួយតោនកន្លះប្រលះម៉ូតូមួយគ្រឿងស្លាប់មួយរបួសមួយ
រាជធានីភ្នំពេញ៖បុរសមិនស្គាល់អត្តសញ្ញាណម្នាក់បានស្លាប់និងអ្នករត់ម៉ូតូឌុបម្នាក់បានរបួសធ្ងន់បន្ទាប់រថយន្តមួយគ្រឿងបានបុកពួកគេកាលពីថ្ងៃព្រហស្បត្តិ៍នៅក្នុងខណ្ឌពោធិ៍សែនជ័យ។ប៉ូលិសបានអោយដឹងថាជនរងគ្រោះទាំងពីរកំពុងជិះម៉ូតូមួគ្រឿងពេលនោះរថយន្តមួយតោនកន្លះមួយគ្រឿងបានបុកពួកគេពេញទំហឹងពីក្រោយបណ្តាលអោយអ្នកជិះស្លាប់ភ្លាមៗនៅកន្លែងកើតហេតុនិងអ្នករត់ម៉ូតូឌុបរងរបួសធ្ងន់។សពរបស់ជនរងគ្រោះមិនត្រូវបានគេស្គាល់អត្តសញ្ញាណនោះទេ។ប៉ូលិសបានដឹកសពយកទៅរក្សាទុកនៅវត្តមួយកន្លែងដើម្បីរងចាំសាច់ញាតិ។
ប៉ូលិសចាប់ខ្លួនជាងក្រឡឹងវាយប្លន់ថៅកែគេចខ្លួនជិតមួយឆ្នាំ
កោះកុង៖ប៉ូលិសខេត្តកោះកុងបានចាប់ខ្លួនជនសង្ស័យម្នាក់អាយុ២៣ឆ្នាំបន្ទាប់ពីបុរសរូបនោះបានវាយប្លន់ថៅកែរបស់ខ្លួនកាលពីឆ្នាំមុន។ប៉ូលិសបានអោយដឹងថាកាលពីថ្ងៃទី១៨ខែកក្កដាឆ្នាំ២០១១ជនសង្ស័យដែលជាជាងក្រឡឹងបានចាប់ថៅកែរបស់ខ្លួនអាយុ៦២ឆ្នាំចងនិងវាយសន្លប់ដាក់ក្នុងបន្ទប់ទឹកប្លន់យកប្រាក់អស់៥ពាន់ដុល្លានៅក្នុងខណ្ឌសែនសុខក្នុងរាជធានីភ្នំពេញ។ជនសង្ស័យបានរត់គេចទៅលាក់ខ្លួននៅក្នុងខេត្តមួយចំនួននិងចុងក្រោយទៅខេត្តកោះកុង។ប៉ូលិសខេត្តកោះកុងបានប្រគល់ជនសង្ស័យមកអោយប៉ូលិសខណ្ឌសែនសុខ។ប៉ូលិសខណ្ឌសែនសុខបានអះអាងថាទឹកប្រាក់ប្រហែលជា១ពាន់ដុល្លាត្រូវបានចំណាយនៅក្នុងការុករកជនសង្ស័យម្នាក់នេះ។ជនសង្ស័យបានសារភាពថាគេពិតជាបានប្រព្រឹត្តដូចការចោទប្រកាន់មែន។
ប៉ូលិសកំពតចាប់ចោរលួចក្របីឆ្លងខេត្ត
កំពត៖ប៉ូលិសស្រុកដងទង់ខេត្តកំពតបានចាប់ខ្លួនបុរសអាយុ៣៤ឆ្នាំម្នាក់កាលពីថ្ងៃព្រហស្បត្តិ៍ដោយសង្ស័យថាជនសង្ស័យម្នាក់នេះបានឃុបឃិតគ្នានិងបុរសបីនាក់ផ្សេងទៀតលួចក្របីពីរក្បាលពីខេត្តព្រះសីហនុ។ប៉ូលិសបានអោយដឹងថាពួកជនសង្ស័យបានលួចក្របី២ក្បាលពីកសិករម្នាក់អាយុ៤៩ឆ្នាំនៅក្នុងសង្កាត់ព្រៃនប់ខេត្តព្រះសីហនុហើយបានដឹកយកមកលាក់ទុកនៅក្នុងខេត្តកំពតកាលពីថ្ងៃទី២០ខែឧសភា។ជនរងគ្រោះបានដាក់ពាក្យបណ្តឹងមកប៉ូលិស។ប៉ូលិសបានស្រាវជ្រាវរហូតចាប់បានជនសង្ស័យម្នាក់នេះ។ជនសង្ស័យបានសារភាពថាពួកគេបានលួចក្របីនោះបំរុងយកទៅលក់នៅប្រទេសវៀតណាម។ប៉ូលិសកំពុងស្វែងរកចាប់ខ្លួនបក្សពួកបីនាក់ផ្សេងទៀតដែលកំពុងតែរកគេចខ្លួន។
ខឹងអង្វរជានានឹងគ្នាវិញមិនបានសម្រេចចាក់បីកាំបិតរត់ចោលស្រុក
បន្ទាយមានជ័យ៖ប៉ូលិសក្រុងប៉ោយប៉ែតកំពុងស្វែងរកចាប់ខ្លួនបុរសម្នាក់បន្ទាប់ពីបុរសរូបនេះបានបង្ករបួសស្នាមលើអតីតប្រពន្ធរបស់ខ្លួនអាយុ៣១ឆ្នាំកាលពីថ្ងៃសុក្រ។ប៉ូលិសបានអោយដឹងថាបុរសជាជនសង្ស័យបានលែងលះជាមួយនឹងប្រពន្ធរបស់ខ្លួនប្រហែលជា២ឆ្នាំមកហើយ។នាពេលថ្មីៗនេះគេបានមកសុំជានានឹងប្រពន្ធនោះវិញប៉ុន្តែប្រពន្ធដែលជាស្ត្រីរងគ្រោះមិនព្រម។ទោះយ៉ាងណាបុរសរូបនេះនៅតែតាមអង្វរដដែល។នៅថ្ងៃកើតហេតុបុរសជាប្តីបានជិះកង់តាមអង្វរប្រពន្ធដល់ផ្ទះតែនាងនៅតែមិនព្រមដដែល។ភ្លាមៗគេបានចាប់អតីប្រពន្ធផ្តួលលើដីមុខផ្ទះហើយចាក់បីកាំបិតត្រង់ពោះ។ស្ត្រីរងគ្រោះដេកស្តូកស្តឹងសន្លប់នៅក្នុងថ្លុកឈាម។បន្ទាប់ពីធ្វើសកម្មភាពអតីតប្តីរូបនោះបានរត់គេចខ្លួនបាត់។ស្ត្រីរងគ្រោះត្រូវសាច់ញាតិបញ្ជូនទៅមន្ទីរពេទ្យ។
ស្ត្រីម្នាក់ត្រូវគេរឹតកសម្លាប់នៅក្នុងបន្ទប់ក្នុងក្រុងសៀមរាប
សៀមរាប៖ស្ត្រីអ្នករត់តុអាយុ២០ឆ្នាំម្នាក់ត្រូវបានគេប្រទះឃើញស្លាប់កាលពីថ្ងៃព្រហស្បត្តិ៍នៅក្នុងបន្ទប់ជួលស្ថិតនៅក្នុងក្រុងសៀមរាប។ប៉ូលិសបានអោយដឹងថាស្ត្រីរងគ្រោះបានជួលបន្ទប់ស្នាក់នៅជាមួយនឹងសង្សាររបស់នាងដែលជាមេការនៅក្លឹបកំសាន្តមួយ។ពេលបាត់ពួកគេមិនឃើញចេញចូលក្នុងបន្ទប់ម្ចាស់បន្ទប់បានរាយការទៅប៉ូលិសបន្ទាប់ពីមានក្លិនស្អុយចេញពីជួលនោះ។គាស់បន្ទាប់មើលគេឃើញសពស្ត្រីរងគ្រោះមានសភាពស្អុយទៅហើយ។ប៉ូលិសបានបញ្ជាក់ថាជនរងគ្រោះត្រូវគេរឹតកសម្លាប់នឹងខ្សែក្រវ៉ាត់ប្រហែលជា២-៣មុនហើយបុរសជាសង្សាររបស់នាងគឺជាជនសង្ស័យ។ប៉ូលិសកំពុងចាត់វិធានការណ៍ស្វែងរកបុរសជាសង្សារនោះ។
ប៉ូលិសចាប់ខ្លួនចោរគាស់ផ្ទះបានម្នាក់បក្សពួកម្នាក់រត់រួច
រាជធានីភ្នំពេញ៖យុវជនអាយុ១៧ឆ្នាំម្នាក់ត្រូវបានចាប់ខ្លួនកាលពីថ្ងៃអាទិត្យបន្ទាប់ពីគេនឹងបក្សពួកបានគាស់ផ្ទះលួចម៉ូតូមួយគ្រឿងនៅក្នុងខណ្ឌទួលគោក។ប៉ូលិសបានអោយដឹងថាយុវជនពីរនាក់បានឃុបឃិតគ្នាគាស់ផ្ទះប្រជាពលរដ្ឋមួយកន្លែងបំរុងលួចម៉ូតូមួយគ្រឿងកាលពីវេលាម៉ោង៣និង៣០ព្រឹកថ្ងៃអាទិត្យ។ប៉ុន្តែពេលនោះម្ចាស់ផ្ទះភ្ញាក់ទាន់ក៍ស្រែកថាចោរៗធ្វើអោយជនសង្ស័យភ័យស្លន់ស្លោរត់ចេញពីកន្លែងកើតហេតុ។ប៉ូលិសល្បាតបានដេញចាប់បានជនសង្ស័យម្នាក់និងដកហូតបានម៉ូតូមួយគ្រឿងដែលគេជិះធ្វើសកម្មភាព។រីឯម្នាក់ទៀតបានរត់រួច។
ឪពុកត្រូវចាប់ខ្លួនកូនពីរនាក់រត់រួចនៅក្នុងករណីបង្ករបួសស្នាម
បាត់ដំបង៖បុរសអាយុ៤៦ឆ្នាំម្នាក់ត្រូវបានចាប់ខ្លួនកាលពីថ្ងៃសុក្របន្ទាប់ពីបុរសម្នាក់នេះនឹងកូនប្រុសរបស់គេបានព្រួតគ្នាវាយបុរសម្នាក់នៅក្នុងស្រុកឯកភ្នំ។ប៉ូលិសបានអោយដឹងថាបុរសជាជនសង្ស័យមានជម្លោះជាមួយនឹងអ្នកភូមិម្នាក់។ជនរងគ្រោះបានចូលទៅឃាត់ហើយជនសង្ស័យនិងកូនប្រុសរបស់គេពីរនាក់ទៀតបានព្រួតគ្នាវាយជនរងគ្រោះ ត្រូវ របួសក្បាល។ប៉ូលិសបានចាប់ខ្លួនជនសង្ស័យជាឪពុកហើយកូនប្រុសរបស់គេបានរត់គេចខ្លួន។ជនរងគ្រោះត្រូវសាច់ញាតិសង្គ្រោះទៅមន្ទីរពេទ្យ។
ប្តីប្រពន្ធសកម្មគាស់ផ្ទះលួចទ្រព្យសម្បត្តិត្រូវប៉ូលិសចាប់បញ្ជូនទៅតុលាការ
រាជធានីភ្នំពេញ៖ជនសង្ស័យប្តីប្រពន្ធអាយុ១៨និង២០ឆ្នាំត្រូវបានប៉ូលិសកាលពីថ្ងៃសៅរ៍ដោយសង្ស័យថាពួកគេបានគាស់ផ្ទះលួចព្រទ្យសម្បត្តិជាច្រើនករណីនៅក្នុងរាជធានីភ្នំពេញ។ប៉ូលិសបានអោយដឹងថាជនសង្ស័យប្តីប្រពន្ធទាំងពីរនាក់នេះជាចោរគាស់ផ្ទះប្រជាពលរដ្ឋយ៉ាងសកម្មចាប់តាំងពីចុងឆ្នាំ២០១១មកម៉្លេះ។អត្តសញ្ញាណប័ណ្ណជាង២០កាតអេធីអឹមជាង១០លិខិតឆ្លងដែនមួយនិងឯកសារសំគាល់រថយន្តមួយចំនួនទៀតដែលជនសង្ស័យបានលួចពីជនរងគ្រោះត្រូវបានប៉ូលិសដកហូត។ប៉ូលិសបានបញ្ជូនជនសង្ស័យទៅតុលាការហើយអំពាវអោយជនរងគ្រោះដែលបានបាត់អត្តសញ្ញាណប័ណ្ណនិងឯកសារផ្សេងៗនៅក្នុងអំពើគាស់ផ្ទះមកពិនិត្យមើលហើយទទួលយករបស់ចោរកម្មទាំងនោះវិញ។
ជនមិនស្គាល់មុខឆ្មក់វាយជាងដែកបែកក្បាលសងសឹកគំនុំចាស់
រាជធានីភ្នំពេញ៖បុរសអាយុ៣៥ឆ្នាំម្នាក់ត្រូវជនមិនស្គាល់មុខ២-៣នាក់ឆ្មក់វាយបែកក្បាលរបួសធ្ងន់កាលពីថ្ងៃចន្ទ័នៅក្នុងខណ្ឌពោធិ៍សែនជ័យ។ប៉ូលិសបានអោយដឹងថាជនរងគ្រោះដែលមានមុខរបរជាជាងដែកកំពុងអង្គុយលេងនៅមុខផ្ទះជួលរបស់ខ្លួនបន្ទាប់ពីបរិភោគបាយល្ងាចរួច។ពេលនោះស្រាប់តែមានបុរស២-៣នាក់បានឆ្មក់ចូលមកវាយជនរងគ្រោះនឹងដំបងនិងដុំអិដ្ឋបែកកក្បាលសន្លប់នៅនឹងកន្លែង។ជនរងគ្រោះត្រូវបានសាច់ញាតិបញ្ជូនទៅសង្គ្រោះនៅមន្ទីរពេទ្យឯកជនមួយកន្លែង។ប៉ូលិសបានអះអាងថាករណីនេះអាចបណ្តាលមកពីគំនុំ។
ប៉ូលិសចាប់ខ្លួនបីនាក់បន្ទាប់ពីរកឃើញអាវុធនិងថ្នាំញៀនខុសច្បាប់
រាជធានីភ្នំពេញ៖សមត្ថកិច្ចប៉ូលិសកាលពីថ្ងៃអង្គារបានចាប់ខ្លួនបុរសបីនាក់អាយុ២៧២៨និង៣២ឆ្នាំបន្ទាប់ពីកាំភ្លើងខ្លីមួយដើមនិងថ្នាំញៀនត្រូវបានរកឃើញនៅនឹងបន្ទប់ជួលរបស់ពួកគេនៅក្នុងខណ្ឌទួលគោក។ប៉ូលិលល្បាតបានឃើញពួកជនសង្ស័យជក់ថ្នាំញៀនហើយបានចូលឆេកឆេរបន្ទប់ជួលរបស់គេឃើញកាំភ្លើងខ្លីម៉ាកកា៥៩មួយដើមរួមនឹងថ្នាំញៀននិងប្រដាប់ប្រដាជក់មួយចំនួនទៀត។ប៉ូលិសបានបញ្ជាក់ថាពួកជនសង្ស័យជាប់ពាក់ពន្ធ័ទៅនឹងការប្រើប្រាស់អាវុធខុសច្បាប់និងប្រើប្រាស់គ្រឿងញៀន។ប៉ូលិសកំពុងតែស៊ើបអង្កេតបន្ថែមទៀតថាតើជនសង្ស័យមានធ្លាប់ប្រព្រឹត្តអំពើប្លន់រឺយ៉ាងណា។
គោតម្លៃ២ពាន់ដុល្លាត្រូវបានចោរលួចពេលដឹកក្អមឆ្នាំងលក់
កាកែវ៖ប្តីប្រពន្ឋពីរនាក់អាយុ៦៣និង៥៥ឆ្នាំបានដាក់ពាក្យបណ្តឹងសុំអន្តរាគមន៍ពីប៉ូលិសខេត្តតាកែវកាលពីថ្ងៃអាទិត្យបន្ទាប់ពីគោមួយនឹមរបស់ពួកគាត់ត្រូវបានចោរលួចពេលធ្វើបរទេះលក់ក្អមឆ្នាំងនៅក្នុងស្រុកកោះអណ្តែតខេត្តតាកែវ។យោងតាមប៉ូលិសបានអោយដឹងថាប្តីប្រពន្ធទាំងពីរនាក់នេះបានបរទេះមកពីខេត្តកំពង់ឆ្នាំងលក់ក្អមឆ្នាំងនិងចង្ក្រាន្កជាដើមនៅក្នុងខេត្តតាកែវ។កាលពីយប់មួយនៅចុងខែឧសភាគោរបស់គាត់ត្រូវបានចោរលួចពេលពួកគាត់ដេកនៅលើចិញ្ចើមផ្លូវជាតិ។គោនោះមានតម្លៃប្រមាណជា២ពាន់ដុល្លា។ប៉ូលិសកំពុងតែស្រាវជ្រាវរកជនសង្ស័យ។
ជាងដែកម្នាក់ត្រូវចោរស្ទាក់កាប់ដាច់បំពង់កប្លន់ម៉ូតូ
កំពង់ស្ពឺ៖បុរសជាជាងដែកអាយុ៣០ឆ្នាំម្នាក់ត្រូវបានចោរស្ទាក់ផ្លូវកាប់ប្លន់យកម៉ូតូកាលពីយប់ថ្ងៃចន្ទ័នៅក្នុងក្រុងច្បាមន។សាច់ញាតិរបស់ជនរងគ្រោះបានអោយដឹងថាជនរងគ្រោះបានជិះម៉ូតូមួយគ្រឿងឌុបអ្នកភូមិម្នាក់អាយុ១៨ឆ្នាំ។ពេលមកដល់កន្លែងស្ងាត់មានបុរសម្នាក់ប្រដាប់ដោយកាំបិតផ្គាក់មួយស្ទាក់ផ្លូវហើយកាប់គេមួយកាំបិតចំបំពង់ករបួសធ្ងន់ខណៈដែលអ្នកភូមិម្នាក់នោះរបួសស្រាល។ជនសង្ស័យបានជិះម៉ូតូរបស់ជនរងគ្រោះរត់ដោយសុវត្ថិភាព។ជនរងគ្រោះត្រូវបានគេសង្គ្រោះដឹកទៅមន្ទីរពេទ្យខេត្តតែដោយរបួសធ្ងន់ពេកក៍ដឹកបន្តមកភ្នំពេញ។ប៉ូលិសកំពុងស្រាវជ្រាវរកជនសង្ស័យ។
ក្មួយប្រមឹកស្រវឹងកាប់មារបួសធ្ងន់
កំពង់ធំ៖ប៉ូលិសស្រុកសណ្តាន់បានចាប់ខ្លួនបុរសប្រមឹកម្នាក់អាយុ៣២ឆ្នាំបន្ទាប់ពីបុរសនេះបានកាប់ឪពុកមារបស់ខ្លួនម្នាក់ចំក្បាលរបួសធ្ងន់កាលពីថ្ងៃសៅរ៍។ប៉ូលិសបានអោយដឹងថាជនសង្ស័យជាជនប្រមឹកស្រវឹងមិនលុះពេល។នៅថ្ងៃកើតហេតុគេបានកាប់មារបស់គេម្នាក់អាយុ៧០ឆ្នាំត្រង់ក្បាលពេលដែលឪពុកមារូបនោះកំពុងតែអង្គុយនិយាយគ្នាពីរឿងបោះឆ្នោត។ប៉ូលិសបានអះអាងថាជនសង្ស័យនិងជនរងគ្រោះមិនដែលមានបញ្ហាអ្វីនឹងគ្នានោះទេ។ការដែលជនសង្ស័យកាប់ឪពុកមារនេះបណ្តាលមកពីគេស្រវឹងខ្លាំងពេកមិនអាចគ្រប់គ្រងខ្លួនឯកបាន។
កាត់ចំរឹងរត់បាន៦ខែត្រូវប៉ូលិសចាប់វិញបន្ថែមបទចោទមួយទៀត
រាជធានីភ្នំពេញ៖បុរសជាជនសង្ស័យម្នាក់ត្រូវបានប៉ូលិសចាប់ខ្លួនម្តងទៀតកាលពីថ្ងៃពុធបន្ទាប់ពីគេនិងបក្សពួកបានលួចរត់ចេញពីបន្ទប់ឃុំឃាំងនៅរាជធានីភ្នំពេញកាលពីថ្ងៃទី៦ខែធ្នូឆ្នាំ២០១១។ប៉ូលិសបានអោយដឹងថាជនសង្ស័យបីនាក់ត្រូវបានប៉ូលិសចាប់ខ្លួនកាលពីថ្ងៃទី២ខែធ្នូឆ្នាំ២០១១ដោយសង្ស័យពីបទជួញដូរគ្រឿងញៀនខុសច្បាប់។នៅពេលឃុំខ្លួនពួកគេបានកាត់ចំរឹងដែកបន្ទប់ឃុំឃាំងរត់គេចខ្លួនបាត់។ប៉ូលិសបានតាមចាប់ពួកគេរហូតបានម្នាក់និងកំពុងរៀបចំឯកសារបញ្ជូនគេទៅតុលាការដោយចោទប្រកាន់បន្ថែមមួយករណីទៀតគឺបំផ្លាញទ្រព្យសម្បត្តិសាធារណៈ។
បីនាក់ត្រូវចាប់ខ្លួនបន្ទាប់ពីលួចម៉ូតូយកទៅលក់
រាជធានីភ្នំពេញ៖ប៉ូលិសខណ្ឌទួលគោកបានចាប់ខ្លួនបុរសបីនាក់កាលពីថ្ងៃចន្ទ័ដោយសង្ស័យថាពួកគេបានលួចម៉ូតូមួយគ្រឿង។ប៉ូលិសបានអោយដឹងថាជនរងគ្រោះម្នាក់បានដាក់ពាក្យបណ្តឹងសុំអន្តរាគមន៍បន្ទាប់ពីម៉ូតូរបស់គាត់ត្រូវបានចោរលួចបាត់។ប៉ូលិសបានធ្វើការស៊ើបអង្កេតរហូតចាប់បានជនសង្ស័យទាំងបីនាក់។ជនសង្ស័យបានសារភាពថាពួកគេបានលួចម៉ូតូនោះនិងបានលក់យកលុយចែកគ្នាអស់ហើយ។ប៉ូលិសបានកសាងសំណុំរឿងបញ្ជូនជនសង្ស័យទៅតុលាការ។
ចោរពីរនាក់ត្រូវប្រជាពលរដ្ឋចាប់វាយនៅសល់ដង្ហើមចង្រិត
រាជធានីភ្នំពេញ៖ជនសង្ស័យពីរនាក់ត្រូវបានប្រជាពលរដ្ឋវាយនៅសល់ដង្ហើមចង្រិតបន្ទាប់ពីពួកគេបានជិះម៉ូតូឆក់ខ្សែកពីស្ត្រីម្នាក់មិនបានសម្រេចកាលពីថ្ងៃចន្ទ័នៅលើកំណត់ផ្លូវមួយកន្លែងស្ថិតនៅក្នុងខណ្ឌដូនពេញ។ប៉ូលិសបានអោយដឹងថាពួកជនសង្ស័យបានជិះម៉ូតូមួយគ្រឿងឆក់ខ្សែកពីស្ត្រីម្នាក់ដែលកំពុងតែជិះម៉ូតូតែម្នាក់ឯង។ពេលនោះពួកគេបានដួលហើយប្រជាពលរដ្ឋបានចាប់វាយបើកុំតែប៉ូលិសទៅទាន់កុំអីពួកគេត្រូវប្រជាពលរដ្ឋវាយស្លាប់បាត់ទៅហើយ។
ប៉ូលិសដេញចាប់ជនសង្ស័យពីរនាក់បន្ទាប់ពីលួចម៉ូតូមិនបានសម្រេច
កណ្តាល៖ប៉ូលិសក្រុងតាខ្មៅបានដេញចាប់ខ្លួនបុរសពីរនាក់ភ្លាមបន្ទាប់ពួកគេបានលួចកាច់សោរយកម៉ូតូមួយគ្រឿងកាលពីថ្ងៃអង្គារ។ជនរងគ្រោះម្ចាស់ម៉ូតូបានអោយដឹងថាគាត់បានទុកម៉ូតូនៅមុខកន្លែងធ្វើការងាររបស់លោកពេលនោះស្រាប់តែពួកជនសង្ស័យបានប៉ុនប៉ងលួចម៉ូតូ។សំណាងល្អប៉ូលិសល្បាតឃើញក៍ដេញចាប់ពួកគេហើយកសាងសំណុំរឿងបញ្ជូនពួកគេទៅកាត់ទោសនៅតុលាការ។
វាយគ្នារត់ចោលស្រុកពេលមកវិញគេកាប់ស្លាប់
កំពង់ស្ពឺ៖បុរសអាយុ២៩ឆ្នាំម្នាក់ត្រូវបានជនមិនស្គាល់មុខចាប់ស្លាប់ពេលមកលេងស្រុកកំណើតកាលពីថ្ងៃច័ន្ទនៅក្នុងស្រុកថ្ពង។ប៉ូលិសបាននិយាយថាកាលពីឆ្នាំមុនជនរងគ្រោះបានមានជម្លោះនិងវាយគ្នានឹងអ្នកភូមិម្នាក់ហើយគេបានចេញទៅនៅស្រុកផ្សេង។ជនសមិនស្គាល់មុខបានកាប់គេរបួសធ្ងន់ហើយស្លាប់នៅមន្ទីរពេទ្យដោយសាររបួសធ្ងន់ពេក។ប៉ូលិសកំពុងតែស្វែងរកជនសង្ស័យនៅក្នុងករណីនេះ។
ប៉ូលិសក្របួចបុរសពីរនាក់រឿងប្លន់អ្នកតាក់ស៊ី
ភ្នំពេញ៖ប៉ូលិសខណ្ឌទួលគោករាជធានីភ្នំពេញបានចាប់ខ្លួនបុរសពីរនាក់ដែលនាំគ្នាប្លន់តាក់ស៊ីកាលពីថ្ងៃពុធទី០៦មិថុនា។ប៉ូលិសនិយាយថានៅថ្ងៃកើតហេតុពេលយប់ពួកគេបាននាំគ្នាប្លន់បុរសជាអ្នកបើកតាក់ស៊ី។ពួកគេបានប្លន់លុយជាង៣០០ដុល្លារទូរស័ព្ទនិងចិញ្ចៀន។ពួកគេបានវាយបុរសជាតាក់ស៊ីនោះស្ទើរស្លាប់។តែសំណាងល្អត្រូវបានប្រជាពលរដ្ឋឃើញទាន់បញ្ជូនទៅកាន់មន្ទីរពេទ្យ។មួយថ្ងៃក្រោយមកប៉ូលិសបានស៊ើបអង្កេតចាប់ពួកគេទាល់តែបានដើម្បីយកមកផ្តន្ទាទោសតាមច្បាប់។ជនរងគ្រោះនិយាយថាពួកគេមកបន្លំជាអ្នកជិះតាក់ស៊ីហើយធ្វើសកម្មភាពប្លន់តែម្តង។បច្ចុប្បន្នប៉ូលិសបញ្ជូនពួកគេទៅកាន់តុលាការ។
បុរសពីរនាក់ចាប់ពាក់ព័ន្ឋនឹងជួញដូរគ្រឿងញៀន
កំពង់ចាម៖បុរសពីរនាក់ត្រូវបានគេចាប់ខ្លួនបន្ទាប់ពីពួកគេពាក់ព័ន្ឋទៅនឹងការជួញដូរគ្រឿងញៀនស្ថិតនៅក្រុងកំពង់ចាមកាលពីថ្ងៃអង្គារ៏ទី០៥។ប៉ូលិសនិយាយថាប៉ូលិសបានសង្ស័យពួកគេជាយូរមកហើយតែប៉ូលិសគ្មានភស្តុតាង។ប៉ូលិសបានបន្លំជាអ្នកទិញថ្នាំញៀនពីពួកគេទើបចាប់ភស្តុតាងពួកគេបានហើយចាប់ខ្លួនបានតែម្តង។ប៉ូលិសបានរឹបអូសថ្នាំញៀនជាច្រើនកញ្ចប់។ពួកគេបានសារភាពនូវទង្វើលរបស់ខ្លួនតែពួកគេថាពួកគេទិញពីអ្នកផ្សេងទៀត។បច្ចុប្បន្នប៉ូលិសបញ្ជូនពួកគេទៅកាន់តុលាការ។
អ្នកបើកម៉ូតូកង់បីចាប់ចោរឆក់ទូរស័ទ្ទពីរនាក់ប្រគល់ឲ្យប៉ូលិស
ភ្នំពេញ៖ប៉ូលិសខណ្ឌដូនពេញក្រុងភ្នំពេញបានចាប់ខ្លួនបុរសពីរនាក់ពាក់ព័ន្ឋនឹងការឆក់ទូរសព្ទ័ជនរងគ្រោះតាមបណ្តោយផ្លូវកាលពីថ្ងៃអង្គារ៏ទី៥មិថុនា។ប៉ូលិសក្រុង និយាយថាជាការពិតអ្នកបើកបរម៉ូតូកង់បីបានចាប់ពួកគេព្រោះអ្នកបើកបរនោះបានឃើញបុរសពីរនាក់នោះធ្វើសកម្មភាព។ជននោះបានបើកម៉ូតូបុកតែម្តងបណ្តាលឲ្យពួកគេទាំងពីរដួលទើបចាប់បានតែម្តង។ប៉ូលិសបានបញ្ជូនពួកគេទៅកាន់តុលាការ។ប៉ូលិសនិងជនរងគ្រោះបានអគុណដល់អ្នកបើកម៉ូតូកង់បីព្រោះហ៊ានចាប់ចោរ។
ក្មេងទំនើង៥នាក់ត្រូវប៉ូលិសក្របួយរឿងវាយតប់គ្នា
ភ្នំពេញ៖ញខណ្ឌសែនសុខបានចាប់ខ្លួនក្មេងទំនើង៥នាក់ដែលនាំគ្នាវាយតប់នៅក្នុងក្លឹបកាលពីថ្ងៃអង្គារ៏ទី៥មិថុនា។ប៉ូលិសនិយាយម្នាក់ក្នុងចំណោមពួកគេបានរបួសជាទម្ងន់ត្រូវបានបញ្ជូនទៅកាន់មន្ទីរពេទ្យ។នៅថ្ងៃកើតហេតុមានក្មេងស្ទាវពីរក្រុមនាំគ្នាផឹកស្រវឹងនៅក្នុងក្លឹប។បន្ទាប់មកពួកគេបានឈ្លោះប្រកែកគ្នាវាយតប់គ្នាដោយសាររឿងប្រច័ណ្ឌនឹងស្រ្ីស្នេហ័។ម្ចាស់ហាងបានតេទៅប៉ូលិសដើម្បីអន្តរាគមន។ប៉ូលិសចាប់បានតែ៥នាក់ប៉ុណ្ណោះនៅមានក្មេងទំនើងច្រើនទៀតគេចខ្លួនអស់។ប៉ូលិសឃុំខ្លួនពួកគេដើម្បីសួរចំលើយ។
បន្លំធ្វើជាអ្នកទិញមកគំរាមប្លន់គេយកអស់ជិត៣ម៉ឺនដុល្លារ
កំពង់ចាម:៖បានបន្លំធ្វើជាអ្នកទិញប្លន់ជនរងគ្រោះយកលុយបានសំរេច។ដែលហេតុការណ៍កើតឡើងកាលពីថ្ងៃអង្គារ៏ទី៥មិថុនា។ជនរងគ្រោះនិយាយថានាងគឺជាអ្នកលក់ដូររបស់របរក្នុងផ្ទះស្រាប់តែនៅថ្ងៃកើតហេតុមានបុរសពីរនាក់បន្លំធ្វើជាអ្នកទិញហើយក៏ចាប់ស្រ្តីនោះចូលផ្ទះគំរាមនឹងកាំភ្លើងដើម្បីប្រមូលលុយទ្រព្យសម្បត្តិអស់ជិត៣ម៉ឺនដុល្លារ។ជនទាំងពីរនាក់នោះបានគេចខ្លួនដោយសុវត្ថិភាព។សំណាងហើយដែលជននោះមិនបាញ់សំលាប់។ស្រ្តីរងគ្រោះនៅតែម្នាក់ឯង គ្មាននរណាជួយ។បច្ចុប្បន្នប៉ូលិសកំពុងតាមស៊ើបជននោះ។
