ភ្នំពេញ ប៉ុស្តិ៍
ភ្នំពេញៈយោងទៅតាម អ្នកនាំពាក្យក្រសួងការបរទេសនិងសហប្រតិបត្តិការអន្តរជាតិនៃប្រទេសកម្ពុជា បានឲ្យដឹងថា លោកឧបនាយករដ្ឋមន្ត្រី ហោ ណាំហុង នឹងទៅបំពេញទស្សនកិច្ចផ្លួវរដ្ឋមួយនៅសហរដ្ឋអាមេរិក ក្នុងគោលបំណងពង្រឹងចំណងមិត្តភាពកម្ពុជានិងសហរដ្ឋអាមេរិកនៅថ្ងៃទី១២ ខែមិថុនាខាងមុខ។
ថ្លែងប្រាប់អ្នកសារព័តមាន បន្ទាប់ពីពិធីចុះហត្ថលេខាផ្តល់ជំនួយពីរដ្ឋាភិបាលជប៉ុន នាព្រឹកមិញលោកកុយ គួង ជាអ្នកនាំពាក្យក្រសួងការបរទេសនិងសហប្រតិបត្តិការអន្តរជាតិ បាននិយាយថាដំណើរ ទស្សនកិច្ចនេះធ្វើឡើងតបតាមការអញ្ជើញរបស់លោកជំទាវ ហ៊ីឡារី គ្លីនតុន ផ្តោតជាសំខាន់គឺដើម្បីពង្រឹងចំណងមិត្តភាពរវាងកម្ពុជានិងសហរដ្ឋអាមេរិក ក៏ដូចជាទំនាក់ទំនងក្នុងតំបន់ អាមេរិ-អាស៊ាន។
ក្នុងដំណើរទស្សនកិច្ចនោះ លោកឧបនាយករដ្ឋមន្ត្រី នឹងចូលជួបពិភាក្សាជាមួយលោកជំទាវ ហ៊ីឡារី គ្លីនតុនដែលជាប្រមុខការទូតអាមេរិក និងសមាជិកសភាសហរដ្ឋអាមេរិកពីររូបទៀតគឹលោក Jim Webb និងលោក Daniel Russel ដែលជាជំនួយការពិសេស ទទួលបន្ទុកកិច្ចការអាស៊ីអាគ្នេយ៍របស់លោកប្រធានាធិបតីសហរដ្ឋអាមេរិក។
សូមរង់ចាំអានព័ត៌មានពិស្តារក្នុងកាសែតភ្នំពេញ ប៉ុស្តិ៍
