ភ្នំពេញ ប៉ុស្តិ៍
ក្រុងគុនឌូស: ក្រុមមន្ត្រីខេត្តបាន និយាយកាលពីថ្ងៃអង្គារថា រញ្ជួយដីមួយនៅក្នុងប្រទេសអាហ្វហ្គានី-ស្ថាន បានបង្កជាការរអិលបាក់ដីដែលបានកប់ផ្ទះធ្វើពីភក់ជាច្រើនខ្នងនៅក្នុងភូមិតំបន់ភ្នំមួយ ហើយក្រុមជួយសង្គ្រោះមានការព្រួយបារម្ភថា មនុស្សយ៉ាងតិច៨០នាក់អាចស្លាប់អស់ហើយ។
រញ្ជួយដីពីរ ក្នុងកម្រិត៥.៤ និង៥.៧រ៉ិកទ័រ បានវាយប្រហារតំបន់ភ្នំអាហ្វហ្គានីស្ថានភាគខាងជើងកាលពីថ្ងៃចន្ទដោយធ្វើឲ្យមានការរអិលភក់ និងផ្ទាំងថ្មចុះមកលើលំ នៅដ្ឋានដាច់ស្រយាលនោះ។
អភិបាលខេត្តបាក្លាន បានថ្លែងថា ផ្ទះចំនួន២២ខ្នងត្រូវបានកប់ បាត់ ប៉ុន្តែមានតែសាកសពស្រ្តីពីរនាក់ប៉ុណ្ណោះត្រូវបានរកឃើញ។ មនុស្ស២០នាក់ នៅក្នុងមន្ទីរពេទ្យសម្រាកព្យាបាលរបួស។
អភិបាលខេត្ត លោក អាប់ឌុល ម៉ាជីត បានថ្លែងថា៖ «យើងគិតថា យើងនឹងមិនអាចរកឃើញសាកសពផ្សេងទៀតទេ»។
សូមអានព័ត៌មានពិស្តារនៅក្នុងកាសែតភ្នំពេញប៉ុស្តិ៍ ភាសារខ្មែរ។
