ភ្នំពេញ ប៉ុស្តិ៍
កោះកុងៈសាលាដំបូងខេត្តកោះកុង បានសាកធ្វើការសួរសាក្សីមា្នក់បន្ថែមទៀតដែលជាកម្មកររបស់ក្រុមហ៊ុនធីមប៊ើរហ្រ្គីនទាក់ទិនទៅនិងករណីបាញ់ប្រហារសកម្មជនការពារព្រៃឈើលោកឈុត វុទ្ធី និងមន្ត្រីកងរាជអាវុធហត្ថលោកអ៊ិន រតនា កាលពីខែមេសា ឆ្នាំ ២០១២ ហើយតុលាការក៍បានប្រគល់ទ្រព្យសម្បត្តិផ្ទាល់ខ្លួនរបស់សពលោកឈុត វុទ្ធីអោយទៅក្រុមគ្រួសារវិញ។
លោក នាង បូរ៉ាទីណូ មន្ត្រីសម្របសម្រួលសមាគមសិទ្ធិមនុស្សអាដហុកប្រចាំខេត្តកោះកុងបានឲ្យដឹងថា រហូតមកដល់ពេលនេះតុលាការបានកោះហៅសាក្សីចំនួន៧នាក់ហើយអោយចូលមកបំភ្លឺទាក់ទិនទៅនិងករណីបាញ់ប្រហារលោកឈុត វុទ្ធីនិងលោកអ៊ិន រតនា ប៉ុន្តែសាក្សីទាំង៧នាក់នោះគឺមានតែអ្នកសារព័ត៌មាន កម្មករក្រុមហ៊ុនធីមប៊ើរហ្គ្រីន និងមន្ត្រីកងរាជអាវុធហត្ថតែប៉ុណ្ណោះ។ លោកបានអោយដឹងទៀតថា ៖ «យើងចង់ឃើញតុលាការកោះហៅពលរដ្ឋនិងទាហានដែលមានវត្តនៅកន្លែងកើតហេតុអោយចូលខ្លួនបំភ្លឺផងដែរពីព្រោះពួកគេគឺជាមនុស្សសំខាន់នៅក្នុងរឿងនេះ»។
សូមរង់ចាំអានព័ត៌មានពិស្តារក្នុងកាសែតភ្នំពេញ ប៉ុស្តិ៍
