ភ្នំពេញ ប៉ុស្តិ៍
ព្រះវិហារៈប្រជាពលរដ្ឋរងគ្រោះដែលជាម្ចាស់ដី នៅភូមិហ្មសែត សង្កាត់ប៉ាលហាល ក្រុងព្រះវិហារ បានរត់ទៅបួស និងស្នាក់នៅគេចខ្លួនពួនអាត្មាក្នុងទីអារាមពុទ្ធសាសនាជាបន្តបន្ទាប់ ព្រោះតែមន្រ្តីមានអំណាច ពិសេសមេព្រៃបានរំលោភយកដីពួកគាត់។ ពួកគាត់បានដាក់ពាក្យបណ្តឹង និងស្វះស្វែងរកយុត្តិធម៌ទៅស្ថាប័ន មានសមត្ថកិច្ចហូរហែដែរ តែមិនទទួលបានផលនៅឡើយ។
លោកតា ប៉ែន អឿ អាយុ៨៥ឆ្នាំ ដែលបានរត់ទៅជ្រកកោននៅវត្តហ្មសែត បានឲ្យភ្នំពេញ ប៉ុស្តិ៍ដឹង កាលពីថ្ងៃ២៧ ឧសភា ថា ពួកគាត់ចំនួន ៤គ្រួសារ រួមមានឈ្មោះ ប៉ែន អឿ ទូច សាអ៊ឹម ចយ សៀ និងម៉ាន ម៉ុន បានកាន់កាប់ដីដែលមានទំហំ១១.៥២ ហិកតា ចាប់តាំងពីឆ្នាំ១៩៨៩រហូតមក ដោយមានបង្កាន់ដៃ និងបង់ពន្ធជូនរដ្ឋថែមទៀត។ ស្រាប់តែនៅឆ្នាំ ២០០៣ ឈ្មោះផាន់ ភឺន ប៊ូ គឹមឡេង ដែលជាមន្រ្តីមេព្រៃ និងបក្ខពួកបានប្រើអំណាចរំលោភយកដីពួកគាត់។
សូមរង់ចាំអានព័ត៌មានពិស្តារក្នុងកាសែតភ្នំពេញ ប៉ុស្តិ៍
