ភ្នំពេញ ប៉ុស្តិ៍
ភ្នំពេញៈនៅល្ងាចថ្ងៃពុធនេះ ប៉ូលីសប្រឆាំងបទល្មើសសេដ្ឋកិច្ចនៃក្រសួងមហាផ្ទៃដឹកនាំដោយលោក វរៈសេនីយ៍ឯកឡុង ស្រេង សហការណ៍នឹងព្រះរាជអាជ្ញារងអមសាលាដំបូងរាជធានីភ្នំពេញ លោកគឺ ប៊ុណ្ណារ៉ា បានចុះឆែកឆេរ និងបង្រ្កាបករណីបទល្មើស ប្រើប្រាស់ស្លាកសញ្ញាម៉ាក SMILE និងឡូហ្គូក្លែងក្លាយដោយក្រុមហ៊ុន ដ្រេហ្គន អេស៊ា ហូលឌីង។
ការបង្រ្កាបនេះធ្វើឡើងនៅទីតាំងMiniMart ២កន្លែងផេ្សងគ្នាគឺ ទីតាំងទី១ ស្ថិតនៅផ្ទះលេខ១៩ ផ្លូវលេខ៣៦០ (កែងផ្លូវលេខ ១០៨) សង្កាត់បឹងកេងកង៣ ខណ្ឌចំការមន និងទីតាំងទី២ ស្ថិតនៅស្ថានីយ៍ប្រេងឥន្ទនៈសូគីមិច មហាវិថីព្រះមុន្នីវង្ស កែងផ្លូវលេខ២៧១ រាជធានីភ្នំពេញ ដែលបានលើកនិងប្រើប្រាស់ស្លាកសញ្ញាម៉ាក SMILE និងឡូហ្គូដូចគ្នាទាំងស្រុងទៅនឹងម៉ាករបស់ក្រុមហ៊ុនSMILE រីថេលគ្រុប ដើម្បីទាញយកផល ប្រយោជន៍ផ្នែកពាណិជ្ជកម្ម ធ្វើឲ្យសាធារណៈជនមានការភ័ន្តច្រឡំ។
សូមបញ្ជាក់ថាក្រុមហ៊ុន SMILE ដ្រេហ្គន អេស៊ា ហូលឌីងត្រូវបានក្រុមហ៊ុន SMILE រីថេលគ្រុបប្តឹងពីបទ ប្រើប្រាស់ស្លាកសញ្ញាម៉ាក SMILE និងឡូហ្គូរបស់ ក្រុមហ៊ុន SMILE រីថេលគ្រុប។
សូមរង់ចាំអានព័ត៌មានពិស្តារក្នុងកាសែតភ្នំពេញ ប៉ុស្តិ៍
