ភ្នំពេញ ប៉ុស្តិ៍
បាងកកៈប្រជាពលរដ្ឋមីយ៉ាន់ម៉ាកាន់ព្រះពុទ្ធសាសនាដែលរស់នៅប្រទេសថៃបានស្រែកអំពាវនាវ និងលើកបាដា នៅខាងក្រៅស្ថានទូតមីយ៉ាន់ម៉ាក្នុងទីក្រុងបាងកកនៅកាលពីថ្ងៃទី១៥ មិថុនានេះសុំមានការ បញ្ឈប់ជម្លោះសាសនា នៅភាគពាយព្យប្រទេសមីយ៉ាន់ម៉ា ។
មានអ្នកតវ៉ាប្រមាណ៥០នាក់អំពាវនាវនៅថ្ងៃសុក្រនេះសូមឲ្យរដ្ឋាភិបាលមីយ៉ាន់ម៉ា បញ្ឈប់ជម្លោះសាសនានៅភាគពាយព្យប្រទេសមីយ៉ាន់ម៉ា ដែលបានសម្លាប់មនុស្សយ៉ាងហោចណាស់ ២៩នាក់ និងបណ្តេញចេញជាច្រើនពាន់នាក់ទៀត។
ពួកគេថែមទាំងជំរុញឲ្យរដ្ឋាភិបាលចាត់វិធានការប្រឆាំងនឹងអំពើហឹង្សាដែលបានផ្ទុះឡើងរវាង អ្នកកាន់សាសនាមូស្លីម និងអ្នកកាន់សាសនាព្រះពុទ្ធក្នុងខេត្ត Sittwe ប្រទេសមីយ៉ាន់ម៉ា។
