ភ្នំពេញ ប៉ុស្តិ៍
តូក្យូៈរដ្ឋសភាប្រទេសជប៉ុនបានអនុម័តថវិកា នៅថ្ងៃសុក្រនេះ ដើម្បីផ្តល់ការធានាដល់រាជរដ្ឋាភិបាល លើបញ្ហាធានារ៉ាប់រងសម្រាប់ការដឹកប្រេងឆៅអ៊ឺរ៉ុង។ អ្នកនាំពាក្យរដ្ឋសភាម្នាក់បានឲ្យដឹងថា នោះគឺជាគន្លឹះសំខាន់ដើម្បីក្លាយជាប្រទេសទីមួយធំជាងគេនៅអាស៊ីដែលទិញប្រេងពីអ៊ីរ៉ុង ជៀសផុតពីការដាក់ទណ្ឌកម្មថ្មីរបស់សហភាអ៊ឺរ៉ុប។
ទំហំថវិកានោះនឹងត្រូវបញ្ជូនទៅព្រឹទ្ធសភាបន្ត ដែលនៅទីនោះ គណបក្សប្រឆាំងមានសំឡេងច្រើនជាងគណបក្សកាន់អំណាច ប្រជាធិបតេយ្យជប៉ុន។
ការហាមប្រាមរបស់សហភាពអ៊ឺរ៉ុបទៅលើប្រទេសសមាជិកខ្លួនក្នុងការនាំចូលប្រេងពីប្រទេសអ៊ីរ៉ុង នឹងចូលជាធរមាននៅថ្ងៃទី១ ខែកក្កដានេះ ហើយរាប់ទាំងការហាមប្រាមរបស់ក្រុមហ៊ុនធានារ៉ាប់រងសហភាពអ៊ឺរ៉ុបពីការធានាលើការនាំចេញរបស់អ៊ឺរ៉ុប ដែលជាទូទៅ វាធ្វើឲ្យប្រតិបត្តិករដឹកជញ្ជូនមិនអាចដឹកប្រេងរបស់អ៊ីរ៉ុងទៅប្រទេសជប៉ុនបានដោយគ្មានការធានារ៉ាប់រងនោះទេ។ Reuters/លាង ផាន់ណារ៉ា
