ភ្នំពេញ ប៉ុស្តិ៍
- Prev
- 1 of 2
- Next
ភ្នំពេញៈ ជាញឹកញយក្នុងអំឡុងពេលមួយរយៈចុងក្រោយនេះ គេរមែងសង្កេតឃើញតារាសម្តែង និងម៉ូដែល ឌុច លីដា តែងមានវត្តមានទៅណាមកណាជាមួយបុរសពោះម៉ាយទ្រព្យស្តុកម្នាក់ ។ ភាពស្និទ្ធស្នាលប្លែកនេះ ត្រូវបានគេមើលឃើញថា មិនមែនក្នុងន័យជាអ្នកស្គាល់គ្នា ឬក៏មិត្តភក្តិធម្មតានោះទេ ពោលគឺក្នុងន័យស្នេហា។ ក្រោយព្យាយាមទាក់ទងជាច្រើនដង បុរសដែលមានមុខមាត់ក្នុងវិស័យឯកជនម្នាក់នោះ បានសម្រេចលាតត្រដាងការពិតជុំវិញទំនាក់ទំនងដ៏ស្អិតល្មួតមួយនេះ ។
ទោះបីជាលេចខ្លួនត្រដែតក្នុងពិភពគុនអ្នកសិល្បៈក្នុងរយៈពេលមួយ ដ៏ខ្លី តែកន្លងមក ឌុច លីដា មិនដែលមានពាក្យលេចឮថា នាងមានទំនាក់ទំនងស្នេហាជាមួយនឹងបុរសណាម្នាក់ឡើយ សូម្បីតែដើរទៅណាមកណាជិតដិតក៏គ្មានផង។ ប៉ុន្តែនៅពេលនេះ ទំនងជានាងមានគូគ្រងបេះដូងហើយមើលទៅ ព្រោះជាញឹកញយគេរមែងឃើញនាងមានវត្តមានទៅណាមកណាជាមួយបុរស មានទ្រព្យស្តុកស្តម្ភម្នាក់ ជាពិសេសនៅពេលទៅហាត់កីឡា ឬហែលទឹកនៅក្លិបភ្នំពេញស្ប៉ត។
បុរសរូបនោះត្រូវបានគេស្គាល់ច្បាស់ថាមានឈ្មោះ លីដាវុធ មានវ័យជិត៤០ឆ្នាំ ជាអ្នកមានទ្រព្យក្រាស់ក្រែល និងជាអ្នកមានមុខមាត់ម្នាក់នៅក្នុងវិស័យឯកជន។ ការលេចធ្លាយចំណងទាក់ទងស្នេហារបស់តារាសម្តែង និងម៉ូដែលរាងតូចច្រឡឹង ឌុច លីដា នៅពេលនេះ ត្រូវបានប្រភពនៅក្នុងវិស័យសិល្បៈបង្ហើបឲ្យដឹងថា លោក លីដាវុធ មិនមែនជាកំលោះនោះទេ ពោលគឺលោកធ្លាប់មានប្រពន្ធកូនរួចទៅហើយ។ ប៉ុន្តែប្រភពដដែលបានបញ្ជាក់ថា នោះមិនមែនមានន័យថា ឌុច លីដា កំពុងលេងល្បែងស្នេហាត្រីកោណ ឬក៏កញ្ឆក់ប្តីគេពីទ្រូងនោះទេ និយាយរួមគឺនៅពេលនេះ លោក លីដាវុធ បានបញ្ចប់សម្ព័ន្ធប្តីប្រពន្ធជាមួយនឹងភរិយាមុន១០០ភាគរយហើយ។
ដើម្បីលាតត្រដាងការពិត ភ្នំពេញប៉ុស្តិ៍ បានព្យាយាមទាក់ទងទៅលោក លីដាវុធ ជាច្រើនដង ទម្រាំតែមានការបកស្រាយបំភ្លឺជុំវិញការផ្តើមស្នេហ៍មួយនេះ។
ទោះបីជាលោក លីដាវុធ សារភាពថា លោកតែងមានវត្តមានជាមួយនឹង ឌុច លីដា ជាញឹកញាប់ ក៏ប៉ុន្តែអ្នកមានទ្រព្យរូបនេះមិនបានចាត់ទុកថា សម្ព័ន្ធទាក់ទងរវាងលោក និង ឌុច លីដា ជាការបង្កាត់ភ្លើងស្នេហានោះទេ ពោលគឺនៅពេលនេះលោកគ្រាន់តែចាត់ទុកថា ទំនាក់ទំនងនោះជាការរាប់អានក្នុងនាមជាអ្នកស្គាល់គ្នាតែ ប៉ុណ្ណោះ។
លោក លីដាវុធ បាននិយាយថា៖«តាមពិតទៅខ្ញុំ និង លីដា បានជួបគ្នាញឹកញាប់មែន ប៉ុន្តែខ្ញុំគិតថា នោះមិនមែនជារឿងស្នេហាអីនោះទេ ព្រោះយើងគ្រាន់តែរាប់អានគ្នាធម្មតាៗ តែបើបងប្អូនគាត់គិតថា នោះជារឿងស្នេហាក៏ខ្ញុំមិនដឹងជានិយាយយ៉ាងណានោះដែរ គឺទុកឲ្យពួកគាត់គិតអីក៏គិតទៅចុះ»។
ភាពស្និទ្ធស្នាលដែលគេតែងឃើញច្បាស់នៅពេលអ្នកទាំងពីរទៅហាត់ កីឡា ឬហែលទឹកជាមួយគ្នានៅភ្នំពេញស្ប៉តក្លិប និងទៅណាមកណាជាមួយគ្នានោះ បានភាពស្និទ្ធស្នាលដែលគេតែងឃើញច្បាស់នៅពេលអ្នកទាំងពីរទៅហាត់ កីឡា ឬហែលទឹកជាមួយគ្នានៅភ្នំពេញស្ប៉តក្លិប និងទៅណាមកណាជាមួយគ្នានោះ បានធ្វើឲ្យមានភាពភ្ញាក់ផ្អើល ហើយគេគិតថា ទំនាក់ទំនងមួយនេះប្រហែលជាបានកើតមានឡើងយូរមកហើយ ទម្រាំតែពួកគេមានភាពស្អិតល្មួតបែបនេះ។ ប៉ុន្តែលោក លីដាវុធ បានបញ្ជាក់ថា លោក និង ឌុច លីដា ស្គាល់គ្នាទើបតែមួយរយៈពេលខ្លីប៉ុណ្ណោះ។
ទោះបីជាទើបតែនឹងស្គាល់គ្នាថ្មីៗ តែភាពផ្អែមល្ហែមរវាងអ្នកទាំងពីរត្រូវបានគេមើលឃើញថាបានកើត ឡើងដោយគ្មានព្រាងទុក។ មានការលើកឡើងជាច្រើនថា ទើបតែស្គាល់គ្នាសោះ តែភាពផ្អែមស្អិតរវាងពួកគេទាំងពីរដូចស្ករតាំងម៉ែហើយនោះ ចុះទម្រាំតែបណ្តែតបណ្តោយពេលវេលាឲ្យយូរជាងនេះទៀត តើពួកគេនឹងឈានដល់ដំណាក់កាលណា? នៅពេលសួរនាំ បុរសពោះម៉ាយរូបនេះបានលើកសរសើរ ឌុច លីដា ថា តារារូបនេះជាមនុស្សល្អ រួសរាយរាក់ទាក់។ នាងជាតារាមានទេពកោសល្យខ្ពស់ទាំងការសម្តែង និងដើរម៉ូដ។
លោក លីដាវុធ បាននិយាយថា៖«ខ្ញុំស្គាល់គាត់តាមការសម្តែង គាត់ជាអ្នកសិល្បៈមានទេពកោសល្យខ្ពស់ តែបើនិយាយទៅ ខ្ញុំស្គាល់គាត់ដូចជាមិនយូរប៉ុន្មានទេ»។
ថ្វីដ្បិតតែមានការអះអាងពីអ្នកសិល្បៈថា ពួកគេទាំងពីរមានទំនាក់ទំនងក្នុងផ្លូវស្នេហាក្តី តែលោក លីដាវុធ បានបញ្ជាក់ជាថ្មីថា៖«ថ្វីដ្បិតខ្ញុំ និង លីដា ស្និទ្ធស្នាលគ្នា តែនោះមិនមែនជាស្នេហាទេ»។
ទោះបីជាមានការអះអាងបែបនេះ តែទស្សនិកជនមិនទាន់ជឿលោក លីដាវុធ ១០០ភាគរយនៅឡើយ ដូច្នេះភ្នំពេញ ប៉ុស្តិ៍ក៏បានព្យាយាមទាក់ទងទៅ ឌុច លីដា តែនាងបែរជាឲ្យបុរសម្នាក់លើកទូរស័ព្ទ ហើយប្រាប់ថា នាងកំពុងជាប់រវល់៕
