សមាគម​កីឡា​បាល់​ទាត់​ទ្វីប​អឺរ៉ុប (UEFA) បាន​សម្តែង​នូវ​ការ «ខក​ចិត្ត និង​ភ្ញាក់​ផ្អើល» ចំពោះ​ការ​ចេញ​សេចក្តី​សម្រេច​របស់​តុលាការ​អាជ្ញា​កណ្តាល​កីឡា (CAS) ដើម្បី​បញ្ជាក់​ថា ក្លិប Bursaspor របស់​តួកគី នឹង​មាន​សិទ្ធិ​ចូល​រួម​ការ​ប្រកួត​ក្របខ័ណ្ឌ Europa League នៅ​រដូវ​កាល​ក្រោយ​។ UEFA ធ្លាប់​បាន​ធ្វើ​ការ​ព្យួរ​ក្លិប​ម្ចាស់​ជើង​ឯក​របស់​តួកគី​ឆ្នាំ​២០១០​មួយ ​នេះ​ពី​ការ​ប្រកួត​ក្នុង​ក្រប​ខ័ណ្ឌ​អឺរ៉ុប​សម្រាប់​រយៈ​ពេល​១​ឆ្នាំ​ពី​ បទ​មិន​អាច​បង់សង​នូវ​តម្លៃ​ខ្លួន​ដ៏​ច្រើន​មួយ​នៃ​ការ​ផ្ទេរ​កីឡាករ​កាល​ ពី​ឆ្នាំ​២០០៧​។ កាល​ពី​ថ្ងៃ​សុក្រ CAS បាន​ចេញ​សេចក្តី​ប្រកាស​ថា Bursaspor ត្រូវ​បាន​ដក​ចេញ​ពី​ការ​ប្រកួត​របស់​ក្លិប​ស្ថិត​ក្នុង UEFA សម្រាប់​រយៈ​ពេល​៤​ឆ្នាំ ប៉ុន្តែ​ការ​ដក​សិទ្ធិ​នោះ ត្រូវ​បាន​ព្យួរ​សម្រាប់​អំឡុង​ពេល​នៃ​ការ​សាក​ល្បង​រយៈ​ពេល​៣​ឆ្នាំ​។ CAS បាន​បង្កើន​ទៅ​លើ​ការ​ពិន័យ​ជា​ទឹក​ប្រាក់​ដែល​ត្រូវ​ដាក់​ដោយ UEFA ទៅ​លើ​ Bursaspor ពី​៥០.០០០​អឺរ៉ូ ទៅ​ ២៥០.០០០​អឺរ៉ូ៕ IS