ភ្នំពេញ ប៉ុស្តិ៍
ក្រុងបាងកក: រដ្ឋាភិបាលថៃបានសន្យាបង្ក្រាបលើការជួញដូរមនុស្ស បន្ទាប់ពីក្រសួងការបរទេសអាមេរិក បានរិះគន់ប្រទេសអាស៊ីអាគ្នេយ៍មួយនេះ ពីបទមានទង្វើបន្តិចបន្តួចដើម្បីដោះស្រាយបញ្ហានេះ នៅក្នុងរបាយការណ៍ថ្មីបំផុតរបស់ខ្លួនស្ដីពីការជួញដូរមនុស្ស ទូទាំងពិភពលោក។
សម្ព័ន្ធក្រុមសិទ្ធិមនុស្សនិយាយថា កម្មករអន្តោប្រវេសន៍ជាច្រើនដែលភាគច្រើនមកពីប្រទេសជិតខាង មីយ៉ាន់ម៉ា បានចូលមកធ្វើការ ក្នុងរោងចក្រថៃ ជាទីដែលពួកគេត្រូវគេបង្ខំឲ្យធ្វើការ ក្រោមលក្ខខណ្ឌ គួរឲ្យរន្ធត់ និងរងនូវការរំលោភបំពានធ្ងន់ធ្ងរ។ ពួកគេភាគច្រើនជាជនរងគ្រោះដោយសារការជួញដូរមនុស្ស។
ពួកគេខ្លះ ជាជនរងគ្រោះនៃការជាប់បំណុល មានន័យថា ពួកគេត្រូវបានគេទិញ ហើយលក់ និងបង្ខំឲ្យធ្វើការដើម្បីបង់ថ្លៃឈ្នួលប៉ូលិស និង បំណុលទៅឲ្យក្រុមហ៊ុនដែលជួញដូរពួកគេ។
អ្នកកាសែតរ៉យទ័របានចុះទៅដល់ខេត្ត កញ្ចនាបុរី ភាគខាងលិចថៃ ជាទីដែលលោកបានជួបកម្មករ ម្នាក់ដែលបានរត់ចេញពីរោងចក្រកែច្នៃផ្លែឈើមួយ។
មានការចោទប្រកាន់ពីបទជួញដូរមនុស្សជាច្រើននៅរោងចក្រវីតាដែល មានអតិថិជនល្បីឈ្មោះ គឺក្រុមហ៊ុនលក់រាយអាមេរិកឈ្មោះ វ៉ាល់ម៉ាត។
ថៃស្ទើរតែអាចតោងជាប់តំណែង របស់ខ្លួននៅក្នុងបញ្ជីឃ្លាំមើលTier 2នៃរបាយការណ៍ឆ្នាំ២០១២របស់ក្រសួងការបរទេសអាមេរិក។ បើសិនវាធ្លាក់ចុះថែមទៀតមកនៅក្រោមនៃបញ្ជី Tier 3 ប្រទេសនេះអាចប្រឈមនឹងបញ្ហាទណ្ឌកម្មមួយចំនួនពីអាមេរិក។
ប៉ុន្តែនៅក្នុងប្រព័ន្ធTier 3 នេះ កម្រិតឃ្លាំមើលTier 2 នៅតែជាអត្រាដ៏អាក្រក់ ហើយពេលនេះ ថៃជាប់ចំណាត់ថ្នាក់នេះសម្រាប់បីឆ្នាំជាបន្តបន្ទាប់៕ PN
