ភ្នំពេញ ប៉ុស្តិ៍
ក្រុងបាងកកៈ នាយកដ្ឋានជំរុញឧស្សាហកម្មថៃ មានបំណងប្រែក្លាយប្រទេសថៃឲ្យទៅជាមជ្ឈមណ្ឌលផលិតកម្មថ្មីសម្រាប់ផលិតកម្មសម្លៀកបំពាក់ម៉ូស្លីមប្រកបដោយគំនិតច្នៃប្រឌិត។
លោក Banpot Tekacharin ប្រធានក្រុមការងារអភិវឌ្ឍន៍ផលិតផលសម្លៀកបំពាក់នៃនាកយដ្ឋានជំរុញឧស្សាហកម្មថៃ បានមានប្រសាសន៍ថា៖ «ប្រទេសថៃ មានឈ្មោះល្បីដោយសារប្រទេសនេះមានជំនាញខាងឧស្សាហកម្មកាត់ដេរសម្លៀកបំពាក់ រាប់ចាប់ពីការរចនាម៉ូដ រហូតដល់ការផលិត»។
លោកមានប្រសាសន៍បន្តថា ឧស្សាហកម្មកាត់ដេរ មានទំហំតូច និងមានច្រើនផ្នែក ដោយក្រុមហ៊ុនផលិតសម្លៀកបំពាក់ក្នុងស្រុកភាគច្រើន គឺជាសហគ្រាសខ្នាតតូច និងមធ្យម ដែលផលិតសម្លៀកបំពាក់សម្រាប់លក់ក្នុងស្រុក ឬគ្រាន់តែសម្រាប់លក់តាមសហគមន៍មូលដ្ឋានរបស់ខ្លួនតែប៉ុណ្ណោះ។
