ភ្នំពេញ ប៉ុស្តិ៍
រដ្ឋាភិបាលនិងអង្គការក្រៅរដ្ឋាភិបាលប្រទេសជប៉ុន នៅថ្ងៃចន្ទ័នេះ បានប្រកាសផ្តល់ជំនួយឥតសំណងនូវទឹកប្រាក់ចំនួន១២១,៨២៨ដុល្លាអាមេរិក ដល់អង្គការមូលនិធិជប៉ុនភី.អេចស៍ ដើម្បីបន្តគំរោងគាំទ្រ សហគមន៍ថែទាំសុខភាពមូលដ្ឋានសម្រាប់មាតា និងទារកនៅក្នុងខេត្តកំពង់ធំ ក្នុងដំណាក់កាលទី២។
លោកម៉ាសាហ្វ៊ូមី គូរ៉ូគី ឯកអគ្គរាជទូតប្រទេសជប៉ុនប្រចាំកម្ពុជា បានថ្លែងនៅក្នុងពិធីចុះហត្ថលេខាលើកិច្ចសន្យាផ្តល់ជំនួយសម្រាប់គម្រោងអង្គការក្រៅរដ្ឋាភិបាលជប៉ុន នៅស្ថានទូតជប៉ុន កាលពីរសៀលថ្ងៃចន្ទ័ បានឲ្យដឹងថា ការផ្តល់ជំនួយក្នុងវិស័យសុខាភិបាល ពិសេសការលើកស្ទួយសុខភាពមាតានិងទារកមានសារៈសំខាន់ក្នុងស្មារតីមនុស្សធម៌។ ជំនួយនេះក៏ត្រូវបានវាយតម្លៃខ្ពស់ក្នុងផ្នែកសេដ្ឋកិច្ចថា ជាការវិនិយោគលើកុមារដែលនិងក្លាយជាអ្នកដឹកនាំសង្គមជាតិនាពេលអនាគត។
លោកថា៖«ខ្ញុំបានមើលឃើញ អត្រាមរណៈភាពមាតានិងទារកនៅកម្ពុជា កំពុងមានសភាពប្រសើរឡើងក្នុងប៉ុន្មានឆ្នាំចុងក្រោយនេះ ប៉ុន្តែបើធៀបនិងប្រទេសជិតខាង កម្ពុជានៅតែមានអត្រាខ្ពស់នៅឡើយទេ ដូច្នេះយើងចាំបាច់កែលម្អស្ថានភាពសុខភាពមាតានិងទារក»។
សូមរង់ចាំអានព័ត៌មានពិស្តារក្នុងកាសែតភ្នំពេញ ប៉ុស្តិ៍
