ភ្នំពេញ ប៉ុស្តិ៍
កោះកុងៈ សាលាដំបូងខេត្តកោះកុង បានកំណត់ពេលនៅដើមខែកក្កដាខាងមុខនេះ ជំនុំជម្រះទោសអតីតឧត្តមសេនីយ៍យោធាផ្កាយពីរ លោក ប៊ុន សុខា និងអង្គរក្ស៣នាក់ ដែលវាយពលរដ្ឋ៤នាក់ ក្រោយពីអ្នកជនទាំងបួនបានស្ថិតក្នុងឃុំនៅពន្ធនាគារខេត្តប្រមាណជិត២ខែមកនេះពីបទហិង្សាដោយចេតនា។ នេះបើតាមមន្ត្រីអង្គការសិទ្ធិមនុស្ស។
លោក អ៊ិន គង់ជិត អ្នកសម្របសម្រួលប្រចាំខេត្តរបស់អង្គការសិទ្ធិមនុស្សលីកាដូ ឲ្យដឹងថ្ងៃម្សិលមិញថា ព្រះរាជអាជ្ញារង មាស វឌ្ឍនា បានចេញដីកាកោះឲ្យជនជាប់ចោទ ប៊ុន សុខា អតីតជំនួយការលោកនាយករដ្ឋមន្ត្រី ហ៊ុន សែន និងគូកន៣នាក់ ភ្លាមក្រោយពេលដែលចៅក្រមស៊ើបសួរបានបញ្ចប់ការស៊ើបអង្កេតនាថ្ងៃ១៥ មិថុនាកន្លងមក។
លោកថ្លែងថា ៖ «ព្រះរាជអាជ្ញារង ចេញដីកាឲ្យដំណឹងតាំងពីថ្ងៃ១៩ មិថុនា ដើម្បីឲ្យជនជាប់ចោទមកជំនុំជម្រះនៅតុលាការ នាថ្ងៃ៥ ខែកក្កដានេះ។ សវនាការនេះ នឹងជាសារប្រាប់ដល់អ្នកមានអំណាចដទៃទៀតកុំឲ្យធ្វើបានពលរដ្ឋតូចតាច ព្រោះនឹងត្រូវទទួលទោស»។
សូមរង់ចាំអានព័ត៌មានពិស្តារក្នុងកាសែតភ្នំពេញ ប៉ុស្តិ៍
