ភ្នំពេញ ប៉ុស្តិ៍
ក្រុងញូវយ៉កៈ រចនាដោយមានបង្អួចកញ្ចក់រំលេចដោយពន្លឺភ្លើងក្រហមព្រឿងៗរំលេច ដោយក្បូរក្បាច់ផ្សេងៗនៅតាមជញ្ជាំង និងពិតាន ប្រព័ន្ធផ្លូវក្រោមដីឈ្មោះថា City Hall ត្រូវគេបិទមិនឲ្យសាធារណជនចូលទស្សនាអស់រយៈពេល ៤១ ឆ្នាំមកហើយ បន្ទាប់ពីវាបានបើកសម្ពោធដំបូងកាលពីឆ្នាំ១៩០៤មកនោះ។
ស្ថានីយរថភ្លើងផ្លូវក្រោមដីនេះត្រូវចេញដំណើរពីចំណុចភាគ ខាងត្បូងនៃតំបន់ Interborough Rapid Transit (IRT)ទៅដល់ភាគខាងជើងនៃចំណុចផ្លូវលេខទី១៤៥ ដែលមានទិសដៅស្របតាមផ្លូវ Broadway។
ក្តីប្រាថ្នាដែលចង់ប្រើវាជួយក្នុងការកាត់បន្ថយសម្រាប់កំណើន កកស្ទះចរាចរណ៍នោះ ត្រូវខកបំណងទៅវិញព្រោះតែវាត្រូវគេបិទទុកចោល។
ចំពោះការបិទគឺដោយសារគិតទៅដល់បញ្ហាសុវត្ថិភាពនៃការធ្វើដំណើរ បណ្តាញផ្លូវនេះ។ កាលពីឆ្នាំ១៩៩៥អាជ្ញាធរតំបន់នោះបានបើកការដ្ឋាននោះម្តងដែរ តែគម្រោងការមិនបានសម្រេចដូចការគ្រោងទុកឡើយ។
ពេលបច្ចុប្បន្ននេះយើងនឹងអាចមើលឃើញពីការរចនាផ្នែកខាងក្នុងយ៉ាង ស្រស់ស្អាត។ ស្ថានីយផ្លូវក្រោមដី City Hallនេះត្រូវបានគូរប្លង់ដោយស្ថាបត្យករដ៏ល្បីរ៉ាហ្វាអែល ហ្គូអាស្តាវីណូ។
ថ្វីត្បិតតែមានសភាពស្ងាត់ជ្រងំដូចផ្លូវរថភ្លើងខ្មោច ប៉ុន្តែវាគឺជាសំណង់ដែលមានរចនាប័ទ្មដ៏ក្បូរក្បាច់ខុសពីចំណត រថភ្លើងសម័យថ្មីនោះ បានក្លាយជាតំបន់ទេសចរណ៍មួយដ៏ទាក់ទាញគួរសមនៅសហរដ្ឋអាមេរិក។៕ PR
