ភ្នំពេញ ប៉ុស្តិ៍
ក្រុងញូវយ៉ក : គ្មានអ្នកណាម្នាក់គិតដល់ថា ខ្សែសម្អាតធ្មេញដ៏តូចឆ្មារមានផ្ទុកសារធាតុនាំឲ្យកើតមហារីកឡើយ។
ជាច្រើនឆ្នាំមកហើយ ខ្សែសម្អាតធ្មេញត្រូវបានផលិតចេញពីខ្សែអំបោះស្រោបដោយក្រមួន ដើម្បីឲ្យវាងាយរអិលនៅចន្លោះធ្មេញ។ ប៉ុន្តែខណៈដែលចំនួនការប្រើប្រាស់កើនឡើង រោងចក្រមួយចំនួនបានប្ដូរមកប្រើ Teflon ជាសារធាតុស្រោបជំនួសក្រមួនវិញ ដោយសារតែវាមានតម្លៃដើមថោក។
Teflon ដែលគេអាចហៅកាត់ថា PFC នោះគឺជាសារធាតុដែលប្រើប្រាស់សម្រាប់ស្រោបខ្ទះ ឬឆ្អឹងឲ្យរលោង បង្ការការជាប់ស្អិតជាមួយអាហារនៅពេលចម្អិន។ វាសមស្របតែប្រើប្រាស់នៅក្នុងផ្ទះបាយប៉ុណ្ណោះ មិនមែនចំពោះការលាងសម្អាតធ្មេញក្នុងមាត់ឡើយ។
នៅពេលដែលអ្នកសម្អាតធ្មេញជាមួយខ្សែដែលស្រោបដោយ PFC សារធាតុគ្រោះថ្នាក់កកនៅចន្លោះមាត់ធ្មេញរបស់អ្នក។ ការស្រូបយកនូវសារធាតុកខ្វក់ទាំងនេះច្រើនអាចបណ្ដាលឲ្យមានផល ប៉ះពាល់ដល់សុខភាព។
ដូច្នេះរាល់ពេលទទួលទានអាហាររួចប្រសិនបើអ្នកចូលចិត្តសម្អាតធ្មេញ ដោយប្រើខ្សែនោះ គួរតែជ្រើសរើសខ្សែដែលផលិតពីអំបោះ ឬសូត្រដែលស្រោបដោយក្រមួនធម្មជាតិ ហើយចៀសវាងផលិតផលមាន PFC ទើបប្រសើរ៕
