ភ្នំពេញ ប៉ុស្តិ៍
ក្រុងបាងកកៈ គណបក្សភឿថៃអាចមានផ្ទះទីពីរមួយ ដើម្បីជ្រក កោន ក្នុងករណីដែលបក្សកំពុង កាន់អំណាចនេះ ត្រូវតុលាការធម្មនុញ្ញរំលាយចោល។
បច្ចុប្បន្ន តុលាការនេះកំពុងរៀបចំបើកសវនាការលើញត្តិប្រឆាំងនឹងសេចក្តីព្រាង ច្បាប់វិសោធនកម្មធម្មនុញ្ញ ដែលគាំទ្រដោយរដ្ឋាភិបាលរបស់លោកស្រីយីងឡាក់។
មេដឹកនាំគណបក្សភឿធម្មា លោកវ៉ាលឡុប ស៊ូផារីយ៉ាស៊ីល ថែ្លងថា ប្រសិនបើសវនាការនេះ នាំទៅដល់គ្រោះថ្នាក់ខាងនយោបាយមួយសម្រាប់បក្សកំពុងកាន់អំណាច នេះ លោកនឹងស្វាគមន៍ សមាជិកបក្សភឿថៃទាំងអស់ចូល បក្សរបស់លោកដោយដៃទាំងទ្វេ។
លោកវ៉ាលឡុប ជាអតីតតំណាង រាស្ត្រខេត្តណាន តំណាងឲ្យបក្ស កម្លាំងមហាជន ដែលជាប្រភពនៃ បក្សភឿថៃពីមុន។ តុលាការធម្ម នុញ្ញ នឹងពិភាក្សានៅថ្ងៃព្រហស្បតិ៍ និងសុក្រថាតើសេចក្តីព្រាងច្បាប់ វិសោធនកម្មរដ្ឋធម្មនុញ្ញនោះ បំពានលើមាត្រាទី៦៨នៃរដ្ឋធម្មនុញ្ញ ឬយ៉ាងណា?
ក្រុមអ្នកការពារសេចក្តីព្រាងច្បាប់នេះ នឹងធ្វើជាកសិណសាក្សី ចំពោះមុខតុលាការនោះនៅថ្ងៃព្រហស្បតិ៍ រីឯក្រុមអ្នកជំទាស់នឹង បង្ហាញខ្លួននៅថ្ងៃបន្ទាប់។
បើសិនជាកិច្ចប្រឹងប្រែងកែប្រែរដ្ឋធម្មនុញ្ញនេះ ត្រូវបានចាត់ទុកថារំលោភរដ្ឋធម្មនុញ្ញ បក្សភឿថៃអាចប្រឈមនឹងការរំលាយចោល។
នៅក្នុងករណីនេះ លោកវ៉ាល ឡុប បាននិយាយថា សមាជិកសភាបក្សភឿថៃទាំងអស់អាចចូលរួមបក្សរបស់លោក បើសិនជា ពួកគេយល់ស្របជាមួយមនោគមវិជ្ជារបស់បក្សភឿធម្មា។
ក្រុមជាច្រើន បានដាក់ញតិ្តទៅតុលាការនោះកាលពីចុងខែឧសភា ដោយអះអាងថា មាត្រាមួយនៃ សេចក្តីព្រាងច្បាប់វិសោធនកម្មដែលកំពុងផ្តល់អំណាចឲ្យបង្កើត គណៈកម្មាការតាក់តែងរដ្ឋធម្មនុញ្ញដើម្បីសរសេរធម្មនុញ្ញថ្មីមួយគឺដូច គ្នានឹងការផ្តួលរំលំរបបរាជានិយមអាស្រ័យធម្មនុញ្ញនេះ និងជាមធ្យោបាយខុសរដ្ឋម្មនុញ្ញនៃការទទួលយកអំណាចរដ្ឋបាល។
នាយករដ្ឋមន្ត្រី លោកស្រីយីងឡាក់ ស៊ីណាវ៉ាត្រា កាលពីថ្ងៃចន្ទ បានថ្លែងថា លោកស្រីមានជំនឿថា តុលាការនឹងផ្អែកការសម្រេចចិត្តរបស់ខ្លួនលើការពិតក្នុងការ ពិចារណារបស់ខ្លួន លើធម្មនុញ្ញភាពនៃ សេចក្តីព្រាងច្បាប់នោះ។
លោកស្រីបដិសេធមិននិយាយ ថាតើរដ្ឋាភិបាលមានផែនការយថាភាព ដើម្បីទប់ទល់បញ្ហាដែលអាចកើតមានក្រោយពីសេចក្តីសម្រេចចិត្តរបស់ តុលាការនោះទេ។ លោកស្រីក៏ជំរុញឲ្យគ្រប់ភាគីធ្វើនៅក្នុងរង្វង់ច្បាប់ ខណៈលេចឮពីការឡើង កម្ដៅនយោបាយ៕ IN
