ភ្នំពេញ ប៉ុស្តិ៍
ក្រុងបាងកកៈ មន្ទីរពេទ្យ សណ្ឋាគារ និងអចលនទ្រព្យ នឹងក្លាយជាការវិនិយោគដ៏ទាក់ទាញបំផុត នៅពេលសហគមន៍សេដ្ឋកិច្ចអាស៊ាន (AEC) ចូលជាធរមាន តែវិនិយោគិនមួយចំនួនកំពុងព្រួយបារម្ភអំពីការចុះបញ្ជីក្រុមហ៊ុនដែលគ្មានលក្ខណៈសម្បត្តិគ្រប់គ្រាន់នៅតាមទីផ្សារនានា។
សិក្ខាសាលាមួយស្តីពី«លំហូរវិនិយោគសេរី» ដែលរៀបចំឡើងដោយវិទ្យាស្ថានឧត្តមសិក្សារដ្ឋបាលពាណិជ្ជកម្ម Sasin របស់សាកលវិទ្យាល័យ Chulalongkorn កាលពីថ្ងៃអង្គារ បានពិភាក្សាពីអត្ថប្រយោជន៍ និងគុណវិបត្តិនៃសហគមន៍សេដ្ឋកិច្ចអាស៊ាន ដែលនឹងចាប់ផ្តើមនៅឆ្នាំ២០១៥ខាងមុខនេះ។
លោក Vorapol Socatiyanurak រដ្ឋលេខាធិការគណៈកម្មាធិការមូលបត្រថៃ (SEC) បានឲ្យដឹងថា សហគមន៍សេដ្ឋកិច្ចអាស៊ាន នឹងនាំមកទាំងកាលានុវត្តភាព និងការគំរាមកំហែងដល់ក្រុមហ៊ុននានា។
