ភ្នំពេញ ប៉ុស្តិ៍
ក្រុងរ៉េមៈ មេដឹកនាំបារាំង និងអាល្លឺម៉ង់ បានចូលរួមក្នុងពិធីឆ្លងជានិមិត្តរូបនៃសាមគ្គីភាព កាលពីថ្ងៃអាទិត្យ ដោយសរសើរពីទំនាក់ទំនងមួយដែលបាននាំមកនូវសន្តិភាពដល់អឺរ៉ុបអស់ពេល៥០ឆ្នាំ ប៉ុន្តែ ពេលនេះត្រូវតែបង្ហាញថា ខ្លួនអាចទ្រាំរស់ក្នុងវិបត្តិធ្ងន់ធ្ងរបំផុតរបស់ខ្លួននាពេលបច្ចុប្បន្ននេះ។
ដោយសម្រាកបន្តិចពីការគ្រប់គ្រងវិបត្តិជាប្រចាំជាងពីរឆ្នាំ ដែលធ្វើឲ្យទំនាក់ទំនងបារាំង-អាល្លឺម៉ង់មានភាពតានតឹង ប្រធានាធិបតីបារាំង លោក ហ្វ្រង់ស្វ័រ ហូឡង់ បានស្វាគមន៍ដៃគូអាល្លឺម៉ង់របស់លោក គឺអធិបការបតីអាល្លឺម៉ង់លោកស្រីអេនជេឡា មឺកែល មកកាន់ក្រុងរ៉េម ភាគខាងកើតនៃប្រទេសបារាំង។
ព្រឹត្តិការណ៍នេះ បានបានរៀបចំឡើងដូចជាជំនួបមួយកាលពីឆ្នាំ១៩៦២ រវាងអតីតប្រធានាធិបតីបារាំង លោកសាល ឌឺហ្គោល និងអធិការបតីអាល្លឺម៉ង់លោក ខុនរ៉ាដ អាដេណៅអ៊ែរ ដែលមេដឹកនាំទាំងពីរ បានដំកល់ទំនាក់ទំនងបា រាំង-អាល្លឺម៉ង់ នៅក្នុងក្រុងដែលពីមុនបានរងគ្រោះធ្ងន់ធ្ងរពីការផ្លោងគ្រាប់នៅក្នុងសម័យសង្គ្រាមលោក លើកទីមួយ។
សូមអានព័ត៌មានពិស្តារនៅក្នុងកាសែតភ្នំពេញប៉ុស្តិ៍
