ភ្នំពេញ ប៉ុស្តិ៍
ពេកាំងៈ ប្រទេសចិនបាននិយាយនៅថ្ងៃសុក្រនេះថា ប្រទេសចិននឹងសិក្សាឲ្យបានស៊ីជ្រៅទៅលើ សេចក្តីព្រៀងដំណោះស្រាយថ្មីរបស់អង្គការសហប្រជាជាតិលើបញ្ហាប្រទេសស៊ីរី បន្ទាប់ក្រុមសកម្មជនបក្សប្រឆាំងស៊ីរី បានលើកឡើងថាប្រជាជនជាង២០០នាក់ដែលភាគច្រើនជាជនស៊ីវិលនោះ ត្រូវបានកងកម្លាំងរដ្ឋាភិបាលស៊ីរី សម្លាប់រង្គាលនៅក្នុងភូមិមួយ។
អ្នកនាំពាក្យឲ្យក្រសួងការបរទេសចិនលោក បានឆ្លើយប្រាប់អ្នកសារព័ត៌មានថា ប្រទេសចិនកំពុងពិនិត្យមើល យ៉ាងលម្អិតទៅលើសេចក្តីព្រៀងដំណោះស្រាយ ហើយថាសមាជិកទាំងអស់គួរតែរកមតិគាំទ្រឲ្យបានច្រើនក្នុងបញ្ហានេះ។
