ភ្នំពេញ ប៉ុស្តិ៍
ក្រុងម៉ាហ្សារ អេ-សារីហ្វ: ក្រុមមន្ត្រីបាននិយាយថា ជនគ្រាប់បែក អត្តឃាត បានសម្លាប់អ្នកនយោបាយប្រឆាំងក្រុមតាលីបង់ដ៏លេចមុខម្នាក់និងភ្ញៀវ២២នាក់ទៀតនៅឯពិធីមង្គលការមួយ នៅក្នុងខេត្តសាម៉ាន់ហ្គានភាគខាងជើង អាហ្វហ្គានីស្ថានកាលពីថ្ងៃសៅរ៍។
ក្រុមប៉ូលិសបាននិយាយថា ជន គ្រាប់បែកបានបំផ្ទុះខ្លួនឯង ខណៈគាត់បានឱបសមាជិកសភាលោក អះម៉ាត់ ខាន់ សាម៉ាន់ហ្គានី ដែលកំពុងអបអរពិធីមង្គលការកូនស្រីលោក។ ការផ្ទុះនេះ ក៏បានសម្លាប់ប្រមុខចារកម្មខេត្ត និងមេបញ្ជាការប៉ូលិសជាន់ខ្ពស់ម្នាក់ផងដែរ។
លោក សាម៉ាន់ហ្គានី គឺស្និទ្ធនឹងមេកន្ទ្រាញតំបន់អ៊ូសបេក គឺលោក អាប់ឌុល រ៉ាស៊ីដ ដូស្ទូម និងបានដឹកនាំបញ្ជាបុរសរាប់ពាន់នាក់នៅក្នុងតំបន់នេះ។ អ៊ូសបេកគឺជាផ្នែកមួយ នៃក្រុមកុលសម្ព័ន្ធភាពជនជាតិភាគតិចមួយដែលប្រយុទ្ធនឹងក្រុមតាលីបង់នៅក្នុងតំបន់។
សេចក្ដីថ្លែងការណ៍មួយដែលថ្កោលទោសការវាយប្រហារនេះលោកប្រធានាធិបតី ហាមីដ កា ហ្សៃ បាននិយាយថា មនុស្សយ៉ាងតិច២៣នាក់បានស្លាប់ និង៦០នាក់ទៀត បានរងរបួស។
សូមអានព័ត៌មានពិស្តារនៅក្នុងកាសែតភ្នំពេញប៉ុស្តិ៍ ភាសារខ្មែរ។
