ភ្នំពេញ ប៉ុស្តិ៍
ក្រុងបាងកកៈ សាលារៀនជា ច្រើនកន្លែងទៀត នឹងត្រូវបញ្ជា ឲ្យបិទជាបណ្តោះអាសន្ន ខណៈ ក្រសួងសុខាភិបាលថៃធ្វើការប្រយុទ្ធ ដើម្បីទប់ស្កាត់ការផ្ទុះឡើងនូវជំងឺ ប្រអប់ដៃ ប្រអប់ជើង និងមាត់ (HMFD)នេះ។
ក្រសួងនេះ ក៏កំពុងតែធ្វើការប្រជែងនឹងពេលវេលាដើម្បីទប់ស្កាត់មេរោគសម្លាប់មនុស្សជាសក្តានុពល និងកាន់តែគ្រោះថ្នាក់ ដែលគេរកឃើញនៅក្នុងប្រទេសកម្ពុជាមិនឲ្យកើតមានដែរ។
ក្រសួងសុខាភិបាលថៃ បានព្រមានកាលពីថ្ងៃអង្គារ៍ថា ការរាលដាលនៃជំងឺ HMFD ប្រហែលជានឹងបន្តដល់មួយ-ពីរខែទៀត។
សាលារៀនវ៉ាតាណា វិទ្យាល័យ នៅក្នុងខណ្ឌវ៉ាតាណា គឺជាសាលា រៀនចុងក្រោយបំផុត ដែលបានបិទទ្វារ បន្ទាប់ពីសិស្សមត្តេយ្យសា លាចំនួន៤នាក់ ត្រូវបានគេរកឃើញថា មានជំងឺ HMFD។
រដ្ឋមន្ត្រីសុខាភិបាលសាធារណៈ លោកវីទ្យា ប៊ូរ៉ាណាស៊ីរី បាននិយាយកាលពីថ្ងៃអង្គារថា ការឆ្លងនៃជំងឺ HMFD នឹងបន្តរាលដាលនៅតាមបណ្តាខេត្តជាច្រើន ព្រោះសាលារៀនទាំងឡាយ នៅតែបើកទ្វារ ហើយរដូវវស្សា កំពុងបន្ត។ កាលពីថ្ងៃអង្គារ សាលារៀនជិត៣០កន្លែងនៅក្នុងក្រុងបាងកក បន្ទាប់ពីសិស្សានុសិស្ស ត្រូវបានរកឃើញមានជំងឺនេះ។
លោកបានបន្តថា អាជ្ញាធរសុខាភិបាល ត្រូវបានគេណែនាំឲ្យឃ្លាំ មើលស្ថានការណ៍នេះឲ្យបានដិតដល់ និងបង្កើតមជ្ឈមណ្ឌលប្រតិបត្តិការថ្នាក់ខេត្តមួយ នៅពេលចំនួននៃករណី HMFD នេះ ឡើងដល់ជាង១០ក្នុងមួយថ្ងៃ។
នេះគឺជាផ្នែកមួយនៃផែនការឃ្លាំមើល៦ចំណុចរបស់ក្រសួងសុខាភិបាល បំណង បង្ការជំងឺ EV-71ដែលសម្លាប់មនុស្សជាសក្តានុពល ដែលជំងឺនេះបានសម្លាប់កុមាររាប់សិបនាក់ នៅក្នុងប្រទេសកម្ពុជា កុំឲ្យវាយប្រហារនៅប្រទេសថៃ។
លោកវីទ្យាបានថ្លែងថា ការបិទទ្វារជាបណ្តោះអាសន្ននេះគឺជាការចាំបាច់ដើម្បីទប់ស្កាត់ ការរីករាលដាលនៃជំងឺ HFMD, ជាមេរោគឆ្លង ដែលប៉ះពាល់ដល់កុមារជា ពិសេស។ លោកថ្លែងថា៖«ការបិទ សាលារៀនគឺជាផ្នែកនៃវិធានការជាច្រើនដើម្បីទប់ស្កាត់និងការពារ កុមារ។ ការបិទទ្វារនេះគេត្រូវតែធ្វើ និងពុំចាំបាច់ភ័យខ្លាចនោះទេ»។
អគ្គលេខាការិយាល័យគណកម្មាធិការអប់រំឯកជន បានថ្លែងថា សាលារៀនប្រហែលជាប្រកាស ផ្អាកការសិក្សាថ្នាក់មត្តេយ្យ កម្រិតមួយ និងកម្រិតពីរ៕ IN