ភ្នំពេញ ប៉ុស្តិ៍
យោធិនចំណាស់តូចចិត្តប្រពន្ធក្មេងរត់ចោលចងកសម្លាប់ខ្លួន
រាជធានីភ្នំពេញ៖បុរសអាយុ៥១ឆ្នាំម្នាក់បានធ្វើអត្តឃាតដោយចងកសម្លាប់ខ្លួនកាលពីថ្ងៃអង្គារនៅនឹងផ្ទះរបស់ខ្លួនដែលស្ថិតនៅក្នុងសង្កាត់ពងទឹកខណ្ឌដង្កោ។អាជ្ញាធរមូលដ្ឋានបានឲ្យដឹងថាបុរសរូបនេះជាយោធិនម្នាក់។គាត់បានយកប្រពន្ធក្មេងម្នាក់អាយុ៣៥ឆ្នាំបន្ទាប់ពីប្រពន្ធដើមបានស្លាប់។ដោយសារគាត់មានជម្ងឺប្រចាំកាយនិងមិនមានមុខរបរអីពិតប្រាកដដើម្បីចិញ្ចឹមប្រពន្ធក្មេងនោះគេក៍ចុះចោលគាត់កាលពីប៉ុន្មានខែមុននេះ។នៅមុនពេលកើតហេតុគាត់បានដេញកូនរបស់គាត់ទៅស្រុកកំណើតឯខេត្តកណ្តាលហើយក្រោយមកគាត់បានចងកសម្លាប់ខ្លួនតែម្តង។
ឡានបុកស្ត្រីវិកលចរិតស្លាប់សពទុកចោលនៅតាមផ្លូវ
កណ្តាល៖សពស្ត្រីវីកិលចរិតម្នាក់ត្រូវបានឡានបុកស្លាប់កាលពីយប់ថ្ងៃអាទិត្យនៅក្នុងស្រុកគៀនស្វាយ។ប៉ូលិសបានឲ្យដឹងថាស្ត្រីវិកលចរិតរូបនេះត្រូវបានឡានបុកស្លាប់ហើយសពត្រូវបានគេទុកចោលនៅលើចិញ្ចើមផ្លូវនៅកន្លែងកើតហេតុ។ឡាននោះបានបើករត់បាត់។ប៉ូលិសកំពុងតែតាមរក។ស្ត្រីរងគ្រោះមិនត្រូវបានគេស្គាល់អត្តសញ្ញាណនោះទេ។ប៉ូលិសបានអំពាវនាវឲ្យសាច់ញាតិដែលបាត់សមាជិកគ្រួសារមកមើលសពមុនពេលគេបូជា។
ឪពុកទុកកាំភ្លើងប្រហែសកូនលេងបាញ់បងរបួសធ្ងន់
កំពង់ស្ពឺ៖ក្មេងប្រុសអាយុ៦ឆ្នាំម្នាក់បានបាញ់បងស្រីរបស់ខ្លួនម្នាក់អាយុ១១ឆ្នាំនឹងកាំភ្លើងបាញ់សត្វរបួសធ្ងន់កាលពីថ្ងៃសុក្រនៅក្នុងស្រុកបរិបូរណ៍។ម្តាយរបស់កុមារទាំងពីរនាក់បានឲ្យដឹងថាប្តីរបស់គាត់បានទុកកាំភ្លើងបាញ់សត្វនៅនឹងកាំជណ្តើរផ្ទះបន្ទាប់មកពីបាញ់សត្វវិញ។ពេលនោះកូនប្រុសរបស់គាត់អាយុ៦ឆ្នាំបានយកវាលេងហើយកេះប៉ះកៃបណ្តាលឲ្យគ្រាប់មួយផ្ទះចំដៃស្តាំងកូនស្រីដែលកំពុងនៅក្បែរនោះ។កូនស្រីរងគ្រោះត្រូវបានសង្គ្រោះមន្ទីរទេព្យខណៈគ្រាប់បៀមជាប់ដៃ។អាជ្ញាធរបានឲ្យដឹងថាឧប្បត្តិហេតុនេះកើតឡើងដោយសារតែការធ្វេសប្រហែសរបស់ឪពុកម្តាយ។ក្មេងស្រីរងគ្រោះអាចស្លាប់បើចំប៉ះកន្លែងសំខាន់។
ជិះម៉ូតូឆក់ខ្សែកប៉ះគ្នាដួលប៉ូលិសចាប់ជាប់
រាជធានីភ្នំពេញ៖បុរសអាយុ២០ឆ្នាំម្នាក់ត្រូវបានចាប់ខ្លួនកាលពីថ្ងៃព្រហស្បត្តិ៍បន្ទាប់ពីគេជិះម៉ូតូឆក់ខ្សែនៅតាមផ្លូវនៅក្នុងខណ្ឌសែនសុខ។ប៉ូលិសបានឲ្យដឹងថាជនរងគ្រោះបានជិះម៉ូតូមួយគ្រឿងឆក់ខ្សែកពីស្ត្រីអាយុ២១ឆ្នាំដែលកំពុងតែជិះម៉ូតូស្របទិសគ្នា។ពេលនោះម៉ូតូរបស់ជនសង្ស័យប៉ះនិងម៉ូតូរបស់ជនរងគ្រោះបណ្តាលឲ្យដួល។ជនរងគ្រោះបានស្រែកថាចោរចោរ។ពេលនោះប៉ូលិសល្បាតមកធ្វើអន្តរាគមន៍ចាប់ជនសង្ស័យតែម្តង។
ប្រពន្ធស្រវឹងកាប់ប្តីប៊ិះដាច់កស្លាប់ព្រោះភ្លើងប្រចណ្ឌ
កំពង់ចាម៖ស្ត្រីជាប្រពន្ធអាយុ៣៩ឆ្នាំម្នាក់បានកាប់ប្តីនឹងកាំបិតប៉័ងតោប៊ិះដាច់កស្លាប់នៅពេលដែលពួកគេផឹកស្រាស្រវឹងរៀងៗខ្លួននៅក្នុងស្រុកពញាក្រែក។ប៉ូលិសបានឲ្យដឹងថាប្តីប្រពន្ធបាននាំគ្នាទៅផឹកស្រាអស់ជិតមួយលីត្រ។ពេលត្រឡប់ផ្ទះវិញប្តីបាននិយាយពីរឿងស្នេហារបស់បងប្អូនគេប្រាប់ប្រពន្ធ។ប៉ុន្តែដោយស្រាវឹងស្រាស្មានថាប្តីនិយាយពីស្រីញីក៍ខឹង។ចៃដន្យប្តីធ្វើឲ្យអង្ករធ្លាក់ពីលើគ្រែកំពប់អស់មួយធុងប្រពន្ធខឹងទាញកាំបិតប៉័ងតោកាប់ពីក្រោយចំករបួសធ្ងន់។បុរសជាប្តីត្រូវសាច់ញាតិដឹកយកទៅមន្ទីរពេទ្យ។ស្ត្រីជាប្រពន្ធមិនទាន់ត្រូវបានប៉ូលិសឃាត់ខ្លួននៅឡើយនោះទេ។
ចោរប្លន់ទី៦ត្រូវចាប់ខ្លួនបន្ទាប់ពីប្លន់វៀតណាមជាង៦ម៉ឺនដុល្លាមាស១២តម្លឹង
រាជធានីភ្នំពេញ៖បុរសអាយុ២៩ឆ្នាំម្នាក់ត្រូវបានប៉ូលិសខណ្ឌពោធិ៍សែនជ័យក្នុងរាជធានីភ្នំពេញចាប់ខ្លួនកាលពីថ្ងៃព្រហស្បត្តិ៍ដោយសង្ស័យថាបុរសម្នាក់នេះជាបក្សពួកចោរប្លន់៦នាក់ដែលបានចូលទៅកាន់ប្រទេសវៀតណាមកាលពីឆ្នាំ២០០៩ប្លន់អ្នកលក់មាសម្នាក់យកមាសអស់១២តម្លឹងលុយជាង៦ម៉ឺនដុល្លានិងប្លាទីនមួយចំនួនទៀតដោយប្រើប្រាស់កាំភ្លើង៤ដើម។បន្ទាប់ពីធ្វើសកម្មភាពរួចពួកគេបានរត់មកលាក់ខ្លួននៅស្រុកខ្មែរដោយបានបន្សល់ទុកម៉ូតូមួយគ្រឿងនៅកន្លែងកើតហេតុ។តាមរយៈម៉ូតូនេះប៉ូលិសបានធ្វើការស្រាវជ្រាវចាប់ខ្លួនពួកគេបានជាបន្តបន្ទាប់។បុរសម្នាក់នេះជាជនសង្ស័យចុងក្រោយ។
ស្ត្រីម្នាក់ត្រូវជនមិនស្គាល់មុខចាប់ដាក់ម៉ូតូយកទៅបាត់
កពង់ឆ្នាំង៖ស្ត្រីអាយុ៣៥ឆ្នាំម្នាក់ត្រូវបានជនមិនស្គាល់មុខ២នាក់ចាប់ដាក់ម៉ូតូយកទៅបាត់កាលពីថ្ងៃអាទិត្យនៅពេលស្ត្រីរូបនេះនិងកូនស្រីកំពុងរើសផ្លែត្នោតនៅក្នុងស្រុកបរិបូរណ៍។អាជ្ញាធរបានឲ្យដឹងថាបន្ទាប់ត្រូវគេចាប់ម្តាយយកទៅបាត់កូនស្រីអាយុ១៤ឆ្នាំរបស់ជនរងគ្រោះបានរត់មកផ្ទះប្រាប់អ្នកស្រុកដែលបណ្តាលឲ្យមានការភ្ញាក់ផ្អើល។គេនៅមិនទាន់ដឹងពីមូលហេតុនៃការចាប់នោះទេ។ប៉ូលិសកំពុងស្រាវជ្រាវលើករណីនេះ។
ទូកដឹកប្រេងគេចពន្ធ៦០០ប៊ីដុងបុកបង្គោលលិចសម្ថកិច្ចមិនអើពើ
កំពត៖ទូកដឹកប្រេងគេចពន្ធមួយគ្រឿងបានបុកនិងបង្គោលសម្គាល់កំពង់ផែថ្មីក្នុងក្រុងកំពតកាលពីល្ងាចថ្ងៃអាទិត្យបណ្តាលឲ្យប្រេងចំនួន៦០០ប៊ីដុងធ្លាក់អណ្តើតពេញផ្ទៃទឹកសមុទ្រប៉ុន្តែមន្ត្រីគយឬប៉ូលិសណាអើពើនឹងហេតុការណ៍នោះឡើយបើទោះបីជាប្រេងទាំងនោះគេចពន្ធខុសច្បាប់យ៉ាងណាក៍ដោយ។ប្រជាពលរដ្ឋបានឲ្យដឹងថាបន្ទាប់មានបុកលិចហើយនោះឈ្មួញខុសច្បាប់បានស្រង់ប៊ីដុងប្រេងជាបន្តបន្ទាប់ដោយគ្មានការរំខានពីអាជ្ញាធរមានសម្ថកិច្ចណាស់ម្នាក់ឡើយ។
ប្តីប្រមឹកត្រូវចាប់ខ្លួនបន្ទាប់ពីវាយប៉ងសម្លាប់ប្រពន្ធ
កំពង់ធំ៖បុរសប្រមឹកអាយុ៤៣ឆ្នាំម្នាក់ត្រូវបានប៉ូលិសចាប់ខ្លួនបញ្ជូនទៅតុលាការបន្ទាប់ពីវាយប្រពន្ធរបួសនិងប៉ងចាក់សម្លាប់ចោលកាលពីថ្ងៃសៅរ៍នៅក្នុងស្រុកបារាយណ៍។ប៉ូលិសបានឲ្យដឹងថាជនសង្ស័យជាប្តីតែងតែស្រវឹងស្រាហើយពេលមកដល់ផ្ទះរករឿងឈ្លោះនឹងប្រពន្ធ។នៅថ្ងៃកើតហេតុប្តីរូបនេះបានវាយប្រពន្ធហើយបានយកកូនកាំបិតមួយគំរាមចាក់សម្លាប់នាងចោល។ស្ត្រីជាប្រពន្ធស្រែកហើយរត់ចេញពី៩ផ្ទះឲ្យគេជួយ។ភ្លាមៗនោះប៉ូលិសបានធ្វើអន្តរាគមន៍ផងដែរហើយបានចាប់ខ្លួនជនសង្ស័យតែម្តង។
ឪពុកសម្លាប់កូនស្រីជាប់គុក៤ឆ្នាំ
កណ្តាល៖តុលាការខេត្តកណ្តាលកាលពីថ្ងៃចន្ទ័បានកាត់ទោសបុរសអាយុ២៩ឆ្នាំម្នាក់ឲ្យជាប់គុក៤ឆ្នាំពីបទបង្កអំពើហឹង្សាបណ្តាលឲ្យកូនស្រីខ្លួនអាយុ៥ឆ្នាំម្នាក់ស្លាប់។ប៉ូលិសបាន ឲ្យដឹងថាកាលពីខែមិនាបានវាយកូនស្រីដែលស្លាប់នោះ៣រំពាត់បន្ទាប់ពីកូនស្រីនោះមិនព្រមទៅដេក។ភ្លាមៗនោះប្រពន្ធខឹងក៍វាយប្តីបីដៃ។ប្តីខឹងក៍ទាត់ប្រពន្ធនោះយ៉ាងខ្លាំងប៉ុន្តែមិនត្រូវប្រពន្ធបែរជាត្រូវកូនស្រីបាក់កស្លាប់ភ្លាមៗតែម្តង។បុរសរូបនោះបានអះអាងថាគេគ្មានចេតនាសម្លាប់កូនខ្លួនឯងនោះទេ។
វាយគេរហូតដល់ស្លាប់ត្រូវប៉ូលិសក្របួចបាន
ស្វាយរៀង៖បុរសអាយុ២៣ឆ្នាំម្នាក់ត្រូវបានប៉ូលិសចាប់ខ្លួនដោយសារត្រូវគេចោទប្រកាន់ពីបទឃាតកម្មកាលពីថ្ងៃអង្គារ៏ទី១០កក្កដានៅក្រុងស្វាយរៀង។ប៉ូលិសនិយាថាជននេះត្រូវបានចោទប្រកាន់ពីបទធ្វើឃាតបុរសម្នាក់អាយុ២៣ឆ្នាំ។ប៉ូលិសនិយាយថាជននេះគឺជាមុខសញ្ញាក្នុងចំណោមជនប្រព្រឹត្តដទៃទៀតពីបទធ្វើឃាត។ប៉ូលិសនិយាយថានៅថ្ងៃកើតហេតុពួកគេបានរាំជាមួយគ្នានៅក្នុងភូមិក៏បង្កើតជាជំលោះមួយ។ខណៈដែលជនរងគ្រោះដើរតាមផ្លូវត្រលប់មកវិញក៏ត្រូវជននោះវាយសំលាប់តែម្តង។ស្អែកឡើងប៉ូលិសដឹងមុខសញ្ញាក៏នាំគ្នាចាប់បុរសរូបនោះតែបក្សពួកផ្សេងទៀតរត់គេចខ្លួនបាត់។បច្ចុប្បន្នប៉ូលិសបញ្ជូនពួកគេទៅកាន់តុលាការ។
លួចលុយគេរហូតទៅដល់៧០០ដុល្លារត្រូវប៉ូលិសក្របួចបាន
កំពត៖បុរសអាយុ២៩ឆ្នាំត្រូវបានចាប់ខ្លួនបន្ទាប់ពីលួចលុយជនរងគ្រោះដែលហេតុការណ៍ស្ថិតនៅក្រុងកំពតកាលពីអង្គារ៏ទី០៩កក្កដា។ប៉ូលិសនិយាយថាជននេះបានលួចលុយជនរងគ្រោះចំនួន៧០០ដុល្លារនៅក្នុងផ្ទះ។នៅថ្ងៃកើតហេតុជនរងគ្រោះបានចេញទៅក្រៅមុខផ្ទះមួយភ្លែតដើម្បីយកខ្យល់បរិសុទ្ឋភ្លេចចាក់ផ្ទះ។ក៏ស្រាប់តែជនរងគ្រោះឆ្លៀតឱកាសលួចលុយចំនួន៧០០ដុល្លារនោះតែជនរងគ្រោះឃើញទាន់ក៏ប្តឹងប៉ូលិស។ប៉ូលិសតាមចាប់ជននេះទាល់តែបាន។ បច្ចុប្បន្នប៉ូលិសបញ្ជូនពួកគេទៅកាន់តុលាការ។
ប៉ូលិសចាប់ខ្លួនបុរស៨នាក់ពាក់ព័ន្ឋនឹងការលួច
ភ្នំពេញ៖ប៉ូលិសខណ្ឌសែនសុខរាជធានីភ្នំពេញបានចាប់ខ្លួនបុរស៨នាក់ពីបទពាក់ព័ន្ឋនឹងលួច។ប៉ូលិសនិយាយថាប៉ូលិសបានរឹបអូសទ្រព្យសម្បត្តិពួកគេដែលលួចបានរបស់ប្រជាពលរដ្ឋដូចជាម៉ូតូនិងទូរស័ព្ទដៃជាដើម។ដំបូងប៉ូលិសស្មានជារបស់ពួកគេតាមការពិតជារបស់ដែលពួកគេលួចនោះទេ។ពួកគេបាននាំគ្នាដោយប្រព្រឹត្តជាមួយគ្នាសំណាងល្អប៉ូលិសបានឃើញពួកគេឃាត់សួរទើបពួកគេសារភាព។ បច្ចុប្បន្នប៉ូលិសបញ្ជូនពួកគេទៅកាន់តុលាការ។
គ្រាន់តែរឿង១ម៉ឺនរៀលឈ្លោះវាយតប់គ្នាម្ខាងចូលពេទ្យម្ខាងរត់គេច
ភ្នំពេញ៖ស្រ្តីម្នាក់និងកូនស្រ្តីត្រូវរងរបួសដោយសារគេវាយតប់ដែលហេតុការណ៍នេះស្ថិតនៅខណ្ឌឬស្សីរាជធានីភ្នំពេញកាលពីថ្ងៃសៅរ៏៩មិថុនា។ប់ូលិសនិយាយថានៅថ្ងៃកើតហេតុស្រ្តីរូបនោះនិងកូនបានទៅផ្ទះជនរងគ្រោះដើម្បីទៅទារលុយដែលជនរងគ្រោះជំពាក់។ប៉ុន្តែពួកគេបានឈ្លោះប្រកែកពាក្យសម្តីដោយឈ្លោះប្រកែកគ្នាដល់ថ្នាក់វាយតប់គ្នា។ស្រ្តីរូបនោះនិងកូនត្រូវគេព្រួតវាយហើយពួកគេរត់គេចខ្លួនអស់។ប៉ូលិសនិយាយថាគ្រាន់តែរឿងលុយជំពាក់១០០០០រៀលប៉ុណ្ណោះ។ពួកគេហាក់បីដូចជាឈ្លោះគ្នាយ់ាងតឹងសរសៃក។ស្រ្តីទាំងពីរនោះស្រ្តីរងគ្រោះត្រូវបានបញ្ជូនទៅកាន់មន្ទីរពេទ្យ។ប៉ូលិសកំពុងតាមចាប់ជនសង្ស័យដែលព្រួតវាយស្រ្តីទាំងពីរនោះ។
សិស្សសាលាម្នាក់ឃើញម៉ូតូជនរងគ្រោះលួចតែត្រូវប៉ូលិសក្របួចបាន
ភ្នំពេញ៖ប៉ូលិស ខណ្ឌដូនពេញរាជធានីភ្នំពេញបានចាប់ខ្លួនបុរសម្នាក់ដែលលួចម៉ូតូរបស់ជនរងគ្រោះដែលហេតុការណ៍នេះកើតឡើងនៅថ្ងៃសៅរ៏ទី៩មិថុនា។ប៉ូលិសនិយាយថាជនសង្ស័យមានអាយុ១៧ឆ្នាំ។ជននោះគឺជាសិស្សសាលាតែនៅថ្ងៃកើតហេតុជននោះបានឃើញម៉ូតូគេភ្លេចចាក់សោរក៏ឆ្លៀងឱកាសលួចតែម្តង។ជនសង្ស័យបានរត់គេចខ្លួនតែត្រូវប៉ូលិសឃាត់បានដោយសង្ស័យ។ដំបូងជននោះមានបដិសេធថាមិនបានលួចគេនោះទេព្រោះនេះគឺជាម៉ូតូរបស់គេ។តែនៅពេលជនរងគ្រោះមកដល់បានដាក់ពាក្យបណ្តឹងហើយថាម៉ូតូនេះមិនជារបស់ខ្លួនមែន។ជននោះបានសារភាពថាខ្លួនបានលួច។បច្ចុប្បន្នប៉ូលិសបញ្ជូនជននេះទៅកាន់តុលាការ។
ទើបតែចេញពីគុកត្រូវប៉ូលិសក្របួចបានម្តងទៀតរឿងលួចគោអ្នកស្រុក
បាត់ដំបង៖ប៉ូលិសក្រុងបាត់ដំបងបានចាប់ខ្លួនបុរសម្នាក់ដែលប៉ុនប៉ងលួចគោអ្នកស្រុកកាលពីថ្ងៃសុក្រទី៨មិថុនា។ប៉ូលិសនិយាយថាជននោះទើបតែចេញពីគុក។នៅថ្ងៃកើតហេតុខ្លួនបានប៉ុនប៉ងលួចគោអ្នកស្រុកយកទៅលក់ប៉ុន្តែត្រូវម្ចាស់តាមទាន់បានស្រែកអោយគេដេញចាប់។ភ្លាមៗជននោះមានការខឹងសម្បារដែលម្ចាស់មកទាន់ក៏ឆ្លៀតកាប់ជនគោអ្នកស្រុកត្រង់មាត់និងជើងបណ្តាលឲ្យរបួស។នៅពេលអ្នកស្រុកចាប់បានជននោះបានសារភាពកំហុសហើយខ្លួនមកពីក្រពេកគ្មានលុយ។បច្ចុប្បន្នប៉ូលិសបញ្ជូនជននេះទៅកាន់តុលាការម្តងទៀត។
បុរសម្នាក់ត្រូវប៉ូលិសក្របួចបាននិងថ្នាំញៀន៧កញ្ចប់
ភ្នំពេញ៖ប៉ូលិសបានចាប់ខ្លួនបុរសអាយុ៤០ឆ្នាំម្នាក់ដែលពាក់ព័ន្ឋនឹងថ្នាំញៀនដែលហេតុការណ៍នេះស្ថិតនៅខណ្ឌសែនសុខរាជ ធានីភ្នំពេញ។ប៉ូលិសនិយាយថាប៉ូលិសបានរឹបអូសឃើញថ្នាំញៀនបានចំនួន៧កញ្ចប់។នៅថ្ងៃកើតហេតុប៉ូលិសបានដើរល្បាតតំបន់ក៏ប្រទះឃើញបុរសនោះប៉ុនប៉ងលក់ថ្នាំឲ្យគេ។ប៉ូលិសស្ទាក់ចាប់បានភ្លាមៗតែម្តងធ្វើឲ្យជននោះមិនហ៊ានប្រកែកនោះទេ។ជននោះបានសារភាពនូវទង្វើលរបស់ខ្លួនថាខ្លួនពិតជាបានលក់ឲ្យគេមែន។ប៉ូលិសកំពុងឃុំជននោះរងមេក្លោងនិងបញ្ជូនជននោះទៅកាន់តុលាការ។
ក្មេងទំនើងមកកាប់គ្នានៅកោះពេជ្រត្រូវប៉ូលិសចាប់បានមកអប់រំ
ភ្នំពេញ៖ប៉ូលិសក្រុងភ្នំពេញខណ្ឌដូនពេញបានចាប់ខ្លួនក្មេងទំនើងមួយក្រុមដែលវាយតប់គ្នានៅកោះពេជ្រកាលពីថ្ងៃសៅរ៏៩មិថុនា។ប៉ូលិសនិយាយថាពួកគេគឺជាសិស្សប៉ុន្តែគេចសាលារហូត។នៅថ្ងៃកើតហេតុពួកគេបានណាត់គ្នាវាយនៅកោះពេជ្របណ្តាលឲ្យមានការខូចខាតសណ្តាប់ធ្នាប់សាធារណៈ។ពួកគេបានប្រើដាវសាម៉ូរៃដំបង ថ្ម មកវាយប្រហារគ្នា។សំណាងហើយមិនទាន់មានអ្នករបួសព្រោះប៉ូលិសមកអន្តរាគមន៍ទាន់ពេលវេលា។ប៉ូលិសចាប់ពួកគេទាំង១០នាក់យកមកអប់រំ។ឯខ្លះទៀតរត់គេចខ្លួនអស់។
ស្រ្តីដៃឆើតម្នាក់ត្រូវប៉ូលិសចាប់ខ្លួនរឿងពូកែឆក់គេនៅក្នុងផ្សារ
ភ្នំពេញ៖ស្រី្តអាយុ២០ឆ្នាំម្នាក់ត្រូវបានគេចាប់ខ្លួនបន្ទាប់ស្រ្តីរូបនេះជំនាញខាងលួចនិងឆក់កាបូបគេនៅក្នុងផ្សារស្ថិតនៅខណ្ឌដូនពេញរាជាធានីភ្នំពេញ។ប៉ូលិសនិយាយថានៅថ្ងៃកើតហេតុនៅពេលអាជីវករមួយរូបរវល់លក់ក៏ត្រូវស្ត្រីនេះធ្វើសកម្មភាពឆក់ហើយរត់គេចខ្លួនតែស្រ្តីអាជីវករបានស្រែកអោយគេជួយទើបសន្តិសុខផ្សារឃើញទាន់ចាប់ខ្លួនប្រគល់ឲ្យប៉ូលិស។អាជីវករផ្សារនិយាយថាពួកគេតែងតែឃើញស្រ្តីរូបនេះពិតលួចឆក់កាបូបគេនៅក្នុងផ្សារ។ បច្ចុប្បន្នប៉ូលិសបញ្ជូនស្រ្តីរូបនេះទៅកាន់តុលាការ។
ស្រ្តីម្នាក់ស្លាប់និងពីរនាក់រងរបួសដោយសាររថយន្តបុក
កំពង់ចាម៖ប៉ូលិសក្រុងកំពង់ចាមបានចាប់ខ្លួនបុរសម្នាក់ដែលបើករថយន្តបុកស្រ្តីម្នាក់បណ្តាលឲ្យស្លាប់និងពីរនាក់រងរបួសកាលពីថ្ងៃពុធទី១១កក្កដា។ប៉ូលិសនិយាយថាស្រ្តីរងគ្រោះបានស្លាប់មួយរំពេចនិងបុរសពីរនាក់ត្រូវរងរបួសជាទម្ងន់ក្រោយពីពួកគេត្រូវរថយន្តបុក។សាក្សីនិយាយថាអ្នកបើកបរនោះបើកបរក្នុងល្បឿនលឿនហើយមិនប្រុងប្រយ័ត្ន។បន្ទាប់មកជននេះចង់រត់គេចត្រូវនៅត្រូវប៉ូលិសចាប់ខ្លួនបាន។ បច្ចុប្បន្នប៉ូលិសបញ្ជូនអ្នកបើកបររូបនោះទៅកាន់តុលាការ។
ប៉ូលិសចាប់បានក្មេងស្ទាវ៤នាក់រឿងវាយកាប់ចាក់គ្នា
បន្ទាយមានជ័យ៖ប៉ូលិសក្រុងប៉ោយប៉ែតខេត្តបន្ទាយមានជ័យបានចាប់ខ្លួនបុរស៤នាក់កាលពីថ្ងៃសៅរ៏ទី៧កក្កដាដែលវាយប្រតប់គ្នាបណ្តាលឲ្យរបួសសងខាង។ប៉ូលិសនិយាយថាពួកគេបានវាយតប់គ្នាដោយប្រើដុំថ្មដំបងដេញវាយប្រហារគ្នាដូចរឿងភាគចិន។សាក្សីនិយាយនិងអ្នកជិតខាងមានការតក់ស្លុតនឹងហេតុការណ៍នេះ។ពួកគេនិយាយថាក្មេងស្ទាវទាំងអស់គ្នានាំគ្នាប្រហារគ្នាដូចក្នុងរឿងចិនដោយមិនខ្លាចក្រែងនឹងប៉ូលិសមូលដ្ឋាន។ប៉ូលិសបានចុះទៅអន្តរាគមពួកគេ។ភាគច្រើនពួកគេបានរត់គេចខ្លួនហើយពីរបីនាក់ទៀតរងរបួធ្ងន់។ប៉ូលិសចាប់បានតែ៤នាក់ប៉ុណ្ណោះអ្នកផ្សេងទៀតរត់គេចខ្លួនបាត់។ប៉ូលិសបានបញ្ជូនពួកគេទៅកាន់តុលាការ។
ចោរហារ៉ូយបីនាក់ត្រូវប៉ូលិសក្របួចបានក្នុងផ្សារ
បន្ទាយមានជ័យ៖ប៉ូលិសក្រុងប៉ោយប៉ែតខេត្តបន្ទាយមានជ័យបានចាប់ខ្លួនបុរសបីនាក់ដែលលួចរបស់របររបស់អ្នកលក់ដូរដូចជាជាផ្សារនិងទូរស័ព្ទកាលបីថ្ងៃសៅរ៏ទី៨កក្កដា។ប៉ូលិសនិយាយថាបន្ទាប់ពីប៉ូលិសទទួលពាក្យបណ្តឹងពីអ្នកលក់ដូរប៉ូលិសបានចុះទៅចាប់ជននោះតែម្តង។អ្នកលក់ដូរជានិយាយថាពួកគេតែងតែបាត់ស្បែកជើងលក់និងទូរស័ព្ទជាដើម។ពួកគេត្រូវបានចាប់ភ្លាមៗបន្ទាប់ពីប៉ូលិសឃើញពួកគេប្រព្រឹត្តចង់លួចនៅក្នុងផ្សារ។ពួកគេនិយាយថានេះមិនមែនជាលើកទីមួយនោះទេដែរពួកគេលួច។បច្ចុប្បន្នប៉ូលិសបញ្ជូនពួកគេទៅតុលាការ។
បុរសម្នាក់ប្រើកាំភ្លើងយ៉ាងអណាធិបតេយ្យរត់គេចខ្លួនបាត់ប៉ូលិសកំពុងតាមប្រមាញ់
ភ្នំពេញ៖ប៉ូលិសខណ្ឌដូនពេញក្រុងភ្នំពេញបាននិយាយថាបុរសម្នាក់បានប្រើប្រាស់កាំភ្លើងយ៉ាងអណាធិតេយ្យបន្ទាប់ពីផឹកស្រាកាលពីយប់ថ្ងៃអាទិត្យទី៨កក្កដា។អ្នកជិតខាងបាននិយាយថាពួកគេបានឃើញបុរសម្នាក់ផឹកស្រវឹងចេញពីរថយន្តទំនើបមួយហើយដើរបាញ់បោះសេរីជាមួមិត្តភក្តិ។បន្ទាប់មកពួកគេបានឃើញសំលេងកាំភ្លើងជាច្រើនគ្រាប់ចំនួន៤ដង។ពួកគេមានការភ័យជាខ្លាំង។ប៉ូលិសបានចុះអន្តរាគមភ្លាមៗតែជននោះបានរត់គេចបាត់ទៅ។ប៉ូលិសកំពុងធ្វើការស្រាវជ្រាវមុខចាស់ទំនើងនោះដើម្បីចាប់ខ្លួនខណៈដែលក្នុងក្រុងភ្នំពេញកំពុងរៀបចំកិច្ចប្រជុំអាស៊ានតឹងរឹងសន្តិសុខ។
អ្នករត់ម៉ូតូឌុបត្រូវគេប្លន់ប៊ិះស្លាប់
ភ្នំពេញ៖បុរសអាយុ៣២ឆ្នាំម្នាក់រងរបួសធ្ងន់ធ្ងរបន្ទាប់ពីត្រូរគេចាក់ដោយជនមិនស្គាល់មុខម្នាក់ស្ថិតនិខណ្ឌពោធិសែនជ័យរាជធានីភ្នំពេញកាលពិសុក្រទី៦កក្កដា។ប៉ូលិសនិយាយថាជនរងគ្រោះគឺជាអ្នករត់ម៉ូតូឌុប។នៅថ្ងៃកើតហេតុជនមិនស្គាល់មុខបានឲ្យជនរងគ្រោះជិះកន្លែងស្ងាត់ងាយស្រួលនឹងប្លន់។ជនសង្ស័យបានចាក់ជនរងគ្រោះស្ទើរនឹងស្លាប់តែចៃដន្យល្អប៉ូលិសឃើញទាន់ក៏ដេញចាប់ប៉ុន្តែមិនជោគជ័យ។ជននោះបានរត់គេចខ្លួនបាត់។ជនរងគ្រោះត្រូវបានបញ្ជូនទៅកាន់មន្ទីរពេទ្យ។
ប៉ូលិសក្របួចបានអ្នកចែកចាយគ្រឿងនិងជក់បីនាក់
បន្ទាយមានជ័យ៖ប៉ូលិសស្រុកមង្គលបុរីខេត្តបន្ទាយមានជ័យបានចាប់ខ្លួនបុរស៣នាក់ដែលជាប់ពាក់ព័ន្ឋនឹងថ្នាំញៀននិងប្រើប្រាស់គ្រឿងញៀនកាលពីថ្ងៃសៅរ៏ទី៧កក្កដា។ប៉ូលិសនិយាយថានៅថ្ងៃកើតហេតុប៉ូលិសបានឃើញពួកគេនៅកន្លែងស្ងាត់ជុំគ្នប៉ូលិសមានការសង្ស័យក៏រត់សំដៅទៅចាប់។ឃើញប៉ូលិសដេញជននោះនាំរត់គេច។ប៉ូលិសកាន់តែបន្ថែមល្បឿនដេញចាប់។ប៉ូលិសបានបើជននោះស្អាស្អំមិនមែនពួកគេរត់គេចនោះទេ។ប៉ូលិសបានរឹបអូសថ្នាំញៀនពីរកញ្ចប់ហើយពួកគេក៏ញៀនថ្នាំផងដែរ។បច្ចុប្បន្នប៉ូលិសបញ្ជូនពួកគេទៅកាន់តុលាការ។
